Luˇkaꞈ 6:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, heulof-aer pyeuflar-euq mae. Yeqsur dov-ir-awr, gawqjawq-anr davler-awr nae guiqlanq sharler-euq mae. Uqcif mirlan-aer Miqyaer-anr guiqlanq shar-euq mae.

Akha

¹² Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Luˇkaꞈ 6:12 ပူးပေါင်းရင်းမြစ်များ

Jaceuq 22:2

Ngaq-euq Miqyaer-or! Ngar nan’ghanr paw kur-eu khawf, nawr oq maq toqkhof naeqlaf-a. Uqcif-euq aryamq-anr khawf, ngar ciqcurni maqjawr-aq.

Maꞈtehˬ 5:1

Yeqsur, tsawrhaq armaf mafma-anr ya’mawr ngae, gawqjawq-anr davler-awr nuir-euq mae. Khoerngae, zaqlanr deuq, aqyawf jawr-eu gar lar-euq mae.

Maꞈtehˬ 6:6

Nawr guiqlanqshar ngae, nawq-euq kuvlawv-euq lafkhoer urler-awr, larghov piqtaeq-awr nae, maq mawrlar-eu gar jawr-eu nawq-euq Aqda-anr shar-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi guiqlanq bifnaeqlaf taef-a.

Maˬkuˆ 1:35

Yeqsur uqshawq yawnaf-aer tur-awr, cofngaerni ghae-eu jawrduq-anr dov-ir-awr, khoergar guiqlanq shar-euq mae.

Maˬkuˆ 3:13

Khoernar-aq, Yeqsur, gawqjawq-anr davler-awr, aqyawf nuima tsaq-eu tsawrhaq-anr kur ngae, aqyawfmaf, aqyawf jawr-eu gar lar-euq mae.

Maˬkuˆ 6:46

Yeqsur, tsawrhaq baqmaf deuq-anr pyaeq-awr bighof-ir-awr, aqyawf-aq, gawqjawq-anr le-awr guiqlanq sharler-euq mae.

Luˇkaꞈ 5:16

Aerkhawf, Yeqsur-aq, tiqkhaeq maqtaqni bawrtsanq bawrdanr-anr ir-awr guiqlanq shar-ir-eu mae.

Luˇkaꞈ 6:11

Aqyawfmaf nuima paer duidui lar-awr, aqyawfmaf, Yeqsur-anr aqjox-aer janrnaeq-eu paq nga laer aqyawf maf-euq yawkaq bawqdzaq-eu mae.

Luˇkaꞈ 6:17

Yeqsur, aqyawfmaf naeq-aer gawqjawq-anr nae oeka ngae, Yurdav mirkhanq hawr-eu Yeqlursaqlaeq doeni, iqmalavshav-euq lawrdae-anr jav-eu Durlu hawr-eu Sirdoq-anr nae lar-euq tsawrhaq deuq, aqyawf-euq zaqlanr baqmaf hawr-eu aqyawf dawqmaeq maeq-eu gar narhaq-eu uqtaf, aqyawf maf-euq nargawr deuq bi lavtaq-eu laer uiqlar taq-euq tsawrhaq armaf mafma deuq khawf yawfluf-eu mae.

Luˇkaꞈ 9:18

Tiqpov-aq, Yeqsur tiq ghaq taef-aer guiqlanq sharluf ngae, zaqlanr deuq khawf aqyawf naeq-aer jawr-eu mae. Khoerngae, Yeqsur, aqyawf maf-anr narhaq-eu, “Tsawrhaq armaf mafma, ngaq-anr aqsur ghaq nga laer aerluf-eu la?”

Luˇkaꞈ 9:28

Khoerlof-aer aerghaq-awr yaef nan aerghaqni byanlar ngae, Yeqsur-aq, Beqtuvluv, Yorhaq hawr-eu Yaqkov sheuq-awr gawqjawq-anr guiqlanq sharler-eu laer le-euq mae.

Luˇkaꞈ 9:29

Guiqlanq sharluf ngae, aqyawf-euq myavpyawq parlar-awr, maeqtsoeq pyurdeuqni ghaelar-awr yawshaef bya duidui-eu mae.

Yoˇhaˬ 6:3

Yeqsur, gawqjawq-anr davler-awr, aqyawf-euq zaqlanr deuq naeq-aer khoergar nuir-euq mae.

Gawˇlawˇsehˇ 4:2

Maq tsaevlerni nuima keuv-awr guiqlanq shar-awq. Yawbeur beur-aer Miqyaer-euq guiqlanq-anr jaceuq-eu lafkhoer shar-awq.

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.