Luˇkaꞈ 6:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawfmaf nuima paer duidui lar-awr, aqyawfmaf, Yeqsur-anr aqjox-aer janrnaeq-eu paq nga laer aqyawf maf-euq yawkaq bawqdzaq-eu mae.

Akha

¹¹ Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Luˇkaꞈ 6:11 ပူးပေါင်းရင်းမြစ်များ

Maꞈtehˬ 16:7

Zaqlanr deuq, aqyawf maf-euq yawkaq aer-eu, “Aqduimaf, kaqmur maq yurlef-euq mirnae, aqyawf teulof-aer aer-eu jeq ngar-a.”

Maꞈtehˬ 21:45

Pirma aqyuif deuq hawr-eu Paqliqsaer deuq, Yeqsur nae aer-euq yawjeq majeq dawq-anr yagaq ngae, aqyawf, aqyawf maf-euq garkawv ngaeqluf-eu nga laer siqnya-euq mae.

Luˇkaꞈ 4:28

Zanrdawq khawqnymr-anr jawr-eu tsawrhaq dawqtawvluf, dawq khoerdawq-anr yagaq ngae, nuima davlar-euq mae.

Luˇkaꞈ 6:10

Yeqsur, tsawrhaq dawqtawv luf-anr tiqjawq hawdoe-awr khoerghaq-anr aernaeq-eu, “Nawq-euq aqlaf cawqja-awq.” Aqyawf, aqlaf cawqja ngae, aqlaf yawqlafyawq lof-aer muiqkhof lar-euq mae.

Luˇkaꞈ 6:12

Khoerngae, heulof-aer pyeuflar-euq mae. Yeqsur dov-ir-awr, gawqjawq-anr davler-awr nae guiqlanq sharler-euq mae. Uqcif mirlan-aer Miqyaer-anr guiqlanq shar-euq mae.

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Yoˇhaˬ 7:1

Khoernar-aq, Yeqsur, Gaqliqlaer mirkhanq doedoe-aer can-euq mae. Yurdav tsawrhaq, aqyawf-anr saef-eu laer jawq-eu mirnae, aqyawf, Yurdav mirkhanq-anr maq canmawf-a.

Gʼaˬkʼehˇ 26:11

Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Gʼaˬkʼehˇ 4:15

Khoernar-aq, aqyawfmaf, aqyawf nyaf-anr dawq bif-awr, khavma armur-anr nae lafnyir paw bidov-ir-awr, aqyawf maf-euq yawkaq bawqdzaq bawqdzaq-aer heulof-aer aer-eu mae:

Gʼaˬkʼehˇ 4:19

Aerkhawf, Beqtuvluv hawr-eu Yorhaq, aqyawf maf-anr heulof-aer aerkhof naeq-euq mae, “Miqyaer-anr narhaq geuf-eu navmaqtser nawmaf-anr narhaq geuf-eu, Miqyaer-euq maeqshi tsaq paq-aer ghae mir-a laq laer nawmaf dar-awq.

Gʼaˬkʼehˇ 5:33

Aqyawfmaf dawq khoerdawq-anr yagaq ngae, nuima paer duidui lar-awr, ghaqkhaer deuq-anr saef-eu laer tov-eu mae.

Gʼaˬkʼehˇ 7:54

Aqyawfmaf dawq khoer-anr yagaq ngae, nuima-anr tsawvler-awr, Saqteqpaq-anr seuq teuf-eu mae.

2 Tiˆmoˇseˬ 3:9

Aerkhawf, aqyawfmaf maeqhu paw maq irganr nya-a. Aqjeq mirnae aernar-aq, tsawrhaq khoer nyiq ghaq zaqsiq tsawrganr maqanr nga laer tsawrhaq dawqtawv luf-euq maeqshi byacaevni dovlar-euq lof-aer, tsawrhaq heudeuq khawf, zaqsiq tsawrganr maqanr nga laer byacaevni dovlar taef-a.