Luˇkaꞈ 5:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq yawqha-euq iqbax noeqpov noeqpar larni oe-euq ma.”

Akha

³² Aˬ cawˬ yaw zeu baw-eu tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ iˬ baˇ bi noeˬ poˆ ni kuˇ-eu lehˇ oe-euˬ ma.”

Luˇkaꞈ 5:32 ပူးပေါင်းရင်းမြစ်များ

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Maꞈtehˬ 9:13

Nawmaf heudawq-euq dawqtsuif dzaw-ir-awq, ‘Ngar lawrnaeq-eu jeq-anr geufmawf-eu maqngeur, ghawqshaq gaq-eu jeq-anr geufmawf mir-a.’ (Hs 6:6) Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq noeqpov noeqpar larni oe-euq ma.”

Maˬkuˆ 15:10

Pirma aqyuif deuq, Yeqsur-anr myavnav nav-eu mirnae, ngar jawr-eu gar sheuqha lar-euq nga laer Pirlav siqnya-eu mae.

Maˬkuˆ 15:7

Khoerngae, Baqlaqbar laer kur-eu tsawrhaq tiq ghaq jawr-eu mae. Aqyawf-aq, puiq-awr muir-eu baqmaf gm-awr puiq-awr muir ngae, tsawrhaq-anr saef-euq mirnae, shmrcav nae bi paftaq-euq mae.

Maˬkuˆ 2:17

Yeqsur khoer-anr yagaq ngae, aqyawf maf-anr aernaeq-eu, “Jawrsar dov-eu tsawrhaq-aq, nargawr lavsav-eu tsawrhaq-anr maqmawf-ar. Nar-eu tsawrhaq deuq taef-aer mawf-eu mae. Ngar, tsaq-awr dawr-eu tsawrhaq-anr kur-eu laer oe-euq maqngeur. Iqbaxzaq deuq noeqpov noeqpar larni oe-euq ma.”

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 15:7

Khoerlof-aer durni, ngar, nawmaf-anr aernaeq nyar, iqbax maqya noeqpov-eu dawr-awr tsaq-eu tsawrhaq 99 ghaq-euq gharduq, mq-euq khoertav laqkhaq caer-eu navmaqtser, iqbaxzaq tiq ghaq noeqpov noeqpar-euq mirnae, mq-euq khoertav laqkhaq caerdzaeq-eu mae.

Luˇkaꞈ 19:10

Tsawrhaq-euq Zaqyo-aq, byov-ir-euq tsawrhaq-anr pov-awr bibuq-ir-eu gharduq oe-euq ma.”

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Luˇkaꞈ 5:31

Yeqsur, aqyawf maf-anr heulof-aer aerkhof naeq-euq mae, “Jawrsar dov-eu tsawrhaq-aq, nargawr lavsav-eu tsawrhaq-anr maqmawf-ar; nar-eu tsawrhaq deuq taef-aer mawf-eu mae.

Luˇkaꞈ 5:33

Khoernar-aq, aqyawfmaf, Yeqsur-anr aernaeq-eu, “Yorhaq-euq zaqlanr deuq-aq, tiqkhaeq maqtaqni dzardzaq sheuqsheuq-aer guiqlanq shar-eu mae. Paqliqsaer-euq zaqlanr deuq khawf khoerlof-aer janrluf-eu mae. Aerkhawf, aqjeq mirnae nawq naeq-aer jawrluf-eu deuq-aq, dzaqluf dawrluf-eu la?”

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Gʼaˬkʼehˇ 3:26

Nawmaf yawqghaq navluf, yawqha-euq yawlaeq jeq-anr byaerdzae-awr, aqyawf, nawmaf-anr guiqlanq bibif-eu gharduq, Miqyaer, aqyawf-euq ghaqzaq ghaqkhaer, Yeqsur-anr bi ghofdaef lar-awr, nawmaf jawr-eu gar jeqhu bi’oe-euq mae.”

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

2 Beˬtuˆluˆ 3:9

Sanqpaq Miqyaer-aq, tsawrhaq tiqpavnav deuq noeq-eu lof-aer, aqyawf nae sarjax dzaqtaq-euq jeq maq mrbyanni nyinaq-eu maqngeur-a. Aerkhawf, tsawrhaq tiqghaq-iq maqbi cawv-ir mawf-aer, yawqghaq navluf noeqpov noeqpar mr-eu gar aqyawf geufmawf-eu mirnae, aqdui-euq gharduq nuima ghawqmanrni taq-eu jeq pyeuf-eu mae.