Luˇkaꞈ 5:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aerkhawf, Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, kuirshir lafshir shir-eu khoerghaq-anr aernaeq-eu, “Ngar, nawq-anr aernaeq nyar, tur-awr nawq-euq yufzar baf-awr irkanr ghof-ir-awq.”

Akha

²⁴ Tsawˇhaˬ-euˬ Zaˬmaˇ-aˬ, miˇ tsaˬ heu kʼoeˇ taˆ iˬ baˇ pyehˬ nehˬ nya-eu baoˬ jaˆ-eu gaˇ kawˆ, ngaˇ naw maꞈ-ahˇ bi siˬ bi mawˇ ma.” Kʼoeˇ naˇ, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ, nawˬ-euˬ yuꞈ zaˇ baꞈ-awˇ gʼoꞈ-iˇ-awˬ lehˇ, ngaˇ nawˬ-ahˇ ehˇ-eu ma.”

Luˇkaꞈ 5:24 ပူးပေါင်းရင်းမြစ်များ

Maꞈtehˬ 16:13

Yeqsur, Gaersaqlir Pirlirpuv mirkhanq-anr lekeuv ngae, aqyawf-euq zaqlanr deuq-anr narhaq-eu, “Aqcawq, Tsawrhaq-euq Zaqyo-anr aqsur ghaq nga laer aerluf-eu la?”

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Maꞈtehˬ 9:6

Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, Yeqsur, kuirshir lafshir shir-eu khoerghaq-anr aernaeq-eu, “Tur-awr, nawq-euq yufzar baf-awr irkanr ghof-ir-awq.”

Luˇkaꞈ 5:13

Khoerngae, Yeqsur, aqlaf cawqja-awr aqyawf-anr toeqciv-awr nae aer-eu, “Ngar janrmawf mir-a. Nawr shawrlar-awq.” Khoerngae, coiqdoi nargawr khoer tiqpov taef-aer byovjir-euq mae.

Luˇkaꞈ 5:18

Khoerngae, tsawrhaq tiqpavnav deuq kuirshir lafshir shir-eu tiq ghaq-anr yufzar-euq khoertav biyuf-awr baflaf-awr nae, Yeqsur-euq maeqshi bafanr lef-eu laer ghae-euq mae.

Luˇkaꞈ 5:23

‘Nawq-euq iqbax pyaeqnaeq ghaq-euq ma,’ maqngeur nar-aq, ‘Nawr tur-awr can’ghae-awq’ laer aernaeq-eu, aqgeu dawq awqdzaeq-eu la?

Luˇkaꞈ 7:14

Yeqsur dawqpae le-awr, aqlaf seuvyof-anr bafdav ngae, bafluf-eu tsawrhaq deuq naqler-awr, Yeqsur aer-eu, “Zaqguqzaq-or! Turlar-awq laer ngar, nawq-anr dawq bif-eu ma.”

Luˇkaꞈ 8:54

Khoerngae, aqyawf, aqyawfmaf dawqtawv luf-anr bidov-ir-awr, Yeqsur, aqyawf-euq aqlaf-anr nyaeftaeq-awr aer-eu, “Aqburzaq-or! Turlar-awq!”

Yoˇhaˬ 11:43

Khoerlof-aer aerghaq-euq nar-aq, aqyawf tersar yawkhav-aer gur-eu, “Laqzaqlur-or! Dovle-awq.”

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 3:13

Mq-anr nae zafka le-awr, mq-anr khawf jawrluf-eu Tsawrhaq-euq Zaqyo maqngeur nar-aq, tsawrhaq tiqghaq-iq mq-anr maq davler haw-aq.

Yoˇhaˬ 5:27

Khoeruqtaf, aqyawf-aq, Tsawrhaq-euq Zaqyo pyeuf-eu mirnae, aqyawf-anr yarkhaq dar-eu aryaq biftaq-euq mae.

Gʼaˬkʼehˇ 14:10

Pawrluv tersar yawkhav-aer aer-eu, “Nawr tsawqtur-awr dawrcoeni yawf-awq.” Khoerngae, khoerghaq tsawqtur-awr garma can-eu mae.

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

Gʼaˬkʼehˇ 9:34

Beqtuvluv, aqyawf-anr aernaeq-eu, “Aerneq-or! Yeqsur Kali, nawq-anr lavtaq luf-eu mae. Tur-awr nawq-euq yufzar lavluiv-awq.” Khoerngae, tiqpov taef-aer aqyawf turlar-euq mae.

Gʼaˬkʼehˇ 9:40

Beqtuvluv, aqyawfmaf yawqghaq navluf-anr bidov-ir-awr, pawqtsuif pawqdmq dmq-awr guiqlanq shar-euq mae. Khoernar-aq, shir-euq mawrdo jav-eu paw ghawrpyawr-awr aer-eu, “Daqbirtav-or! Tur-awq.” Khoerngae, aqyawf myavnuiv byaelar-awr, Beqtuvluv-anr mawr ngae turnuir lar-euq mae.

Panmaeq 1:13

Shuir nae janr-euq tsirkhmq dofdavduq khoer shif hmq-euq ghanrcae, aqkuir-anr keuvni paerkhanq paermanr dmghoeq-awr, khanq-anr shuir jofpaf paftaq-euq Tsawrhaq-euq Zaqyo lof-aer dur-eu tiq ghaq jawr-eu mae.