Luˇkaꞈ 5:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yeqsur, aqyawf maf-euq nuijan-anr ya’mawr ngae tsawrhaq khoerghaq-anr aernaeq-eu, “Cawq-or! Nawq-euq iqbax pyaeqnaeq ghaq-euq ma.”

Akha

²⁰ Aˬ yawꞈ maꞈ kʼoeˇ naˆ naˆ-ehˇ jah gaˇ Yeˬsuˇ ya mawˇ ngeh, naˇ-eu tsawˇ haˬ kʼoeˇ gʼaˬ-ahˇ ehˇ nehˬ-eu, “Cawˬ-oˇ, nawˬ-euˬ iˬ baˇ pyehˬ nehˬ gʼaˬ-euˬ ma.”

Luˇkaꞈ 5:20 ပူးပေါင်းရင်းမြစ်များ

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Maꞈtehˬ 9:5

‘Nawq-euq iqbax pyaeq-euq ma’ laer aer-eu hawr-eu, ‘Tur-awr can-awq’ laer aer-eu dawq heu nyiq dawq, aqgeu dawq awqdzaeq-eu la?

Maˬkuˆ 2:5

Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Nawq-euq iqbax pyaeqnaeq ghaq-euq ma.”

Luˇkaꞈ 7:48

Khoernar-aq, zaqmiq aqbur khoerghaq-anr aernaeq-eu, “Nawq-euq iqbax pyaeqnaeq ghaq-euq ma.”

Yoˇhaˬ 2:25

Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.

Yoˇhaˬ 5:14

Arnan, Yeqsur, khoerghaq-anr uqduq tanqnymr nymrma-euq lafkhoer mawr-awr aernaeq-eu, “Hawsher-eq, nawr taqler-euq mae. Khoernav maqtser doerdzaeq-eu jeq nawq-euq khoertav maqya keuvleni iqbax taqpar mr de-eq.”

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 14:9

Aqyawf, Pawrluv ngaeq-eu gar narhaq luf-eu mae. Pawrluv, aqyawf-anr hawtsov taq-awr, aqyawf taqlerni jan-eu nuima anr-eu nga laer hawsiq ngae,

2 Gawˇliˬtu 2:10

Nawmaf, tsawrhaq tiqghaq nav-euq iqbax-anr pyaeqnaeq nar-aq, ngar khawf khoerghaq-euq iqbax-anr pyaeqnaeq ma. Ngar iqbax tiqjeqnav pyaeqnaeq-eu-aq, nawmaf-euq gharduq Kali-euq maeqshi pyaeqnaeq-eu ma.

Gawˇlawˇsehˇ 3:13

Tiqghaq tirghaq oror-aer daef-awq. Tiqghaq-euq khoertav tiqghaq iqbax taqkharza nar-aq, tiqghaq tirghaq iqbax pyaeq-awq. Kali, nawmaf-euq iqbax-anr pyaeq-euq lof-aer, nawmaf khawf tiqghaq tirghaq iqbax yapyaeq-eu mae.

Yaˬkoˆ 2:18

“Nawr-aq, nuijan anr-awr, ngar-aq, mrluf sharluf ma” laer tiqghaqnav aer-eu gar, ngar heulof-aer aermawf mir-a: “Mr-awr shar-eu jeq maqanr-eu nawq-euq nuijan ngaq-anr bimawr naeqlaf-awq. Ngar-aq, mr-awr shar-eu lafkhoer ngaq-euq nuijan nawq-anr bimawr ma.”