Luˇkaꞈ 5:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf-euq za dzaecawq Zeqbeqdaer-euq zaqyo Yaqkov hawr-eu Yorhaq khawf zanq duidui ler-euq mae. Yeqsur, Sirmoq-anr aernaeq-eu, “Taqguv! Iqnan tafnar-aq, nawr, tsawrhaq-anr pov-eu tsawrhaq pyeuflar taef-a.”

Akha

¹⁰ Siˇmoˬ nehˬ-ehˇ ngaˬ shaˬ poˆ-eu cawˬ deuˬ pyeuꞈ-eu Zeˬbeˬdehˇ-euˬ aˬ li Yaˬkoˆ hawˇ-eu Yoˇhaˬ aˬ nyaꞈ nmˇ kʼawꞈ, zahˬ dui dui leˇ-euˬ meh. Siˇmoˬ-ahˇ Yeˬsuˇ ehˇ nehˬ-eu, “Taˬ guˆ. Aˬ kaˇ naˇ, nawˬ-ahˇ ngaˬ shaˬ poˆ-eu tsawˇ haˬ maˬ paˇ bi geuꞈ-ehˇ, tsawˇ haˬ poˆ-eu tsawˇ haˬ bi geuꞈ ma.”

Luˇkaꞈ 5:10 ပူးပေါင်းရင်းမြစ်များ

Maꞈtehˬ 13:47

“Khoeruqtaf, mqtav mirkhanq-aq, za gheu-eu gar dur-eu mae. Iqmalavshav-anr za gheu ngae, ngaqshaq ngaqder yawqjeq navluf pafler-eu mae.

Maꞈtehˬ 14:27

Khoerngae, Yeqsur, aqyawf maf-anr yawkawr-aer aernaeq-eu, “Taqguv, ngar le! Nuima zifdanni ghae-awq.”

Maꞈtehˬ 20:20

Khoerngae, Zeqbeqdaer-euq zaqyo-euq aqma hawr-eu aqyawf-euq zaqyo nyiq ghaq, Yeqsur jawr-eu gar lar-awr, aqma ghaq pawqtsuif pawqdmq dmq-awr Yeqsur-anr tiq jeq shar-eu mae.

Maꞈtehˬ 4:19

Yeqsur, aqnyaf nmr-anr aernaeq-eu, “Ngaq-euq maeqnan cantae lar-awq. Ngar, nawnyaf-anr, ngaqshaq pov-eu lof-aer, tsawrhaq-anr pov-eu tsawrhaq bipyeuf ma.”

Maꞈtehˬ 4:21

Khoergar nae maeqhu paw par irghae ngae, Zeqbeqdaer-euq zaqyo Yaqkov hawr-eu aqyawf-euq aqnyir Yorhaq-anr ya’mawr-euq mae. Aqnyaf nmr-aq, aqyawfnyaf nmr-euq aqda Zeqbeqdaer naeq-aer lawq-euq lafkhoer-euq za dofluf-eu mae. Khoerngae, Yeqsur, aqnyaf nmr-anr kur-euq mae.

Maˬkuˆ 1:17

Khoerngae, Yeqsur, aqnyaf nmr-anr aernaeq-eu, “Ngaq-euq maeqnan cantae lar-awq. Ngar, nawnyaf-anr ngaqshaq pov-eu lof-aer, tsawrhaq-anr pov-eu tsawrhaq bigeuf ma.”

Luˇkaꞈ 5:7

Khoermirnae, bi cawba le-eu gharduq, lawq yawqlawq yawq-anr ur-eu za dzaecawq deuq-anr lafdzawr dzawrnaeq-euq mae. Aqyawfmaf oe-awr lawq nyiq lawq luf-anr ngaqshaq nyaefanrbyan taq-euq mirnae, lawq ga’nuif-ir paq-aer pyeuflar taq-euq mae.

Luˇkaꞈ 5:9

Ngaqshaq khoermyav myav-aer dzaemi-euq mirnae, Sirmoq hawr-eu aqyawf naeq-aer kharjawr-eu deuq zanq duidui ler-euq mae.

Luˇkaꞈ 6:14

Beqtuvluv laer Yeqsur nae myanrnaeq-euq Sirmoq, aqyawf-euq maernmr Aqdaeqlaeq, Yaqkov hawr-eu Yorhaq, Pirlirpuv hawr-eu Baqtawrlaqmaer,

Yoˇhaˬ 21:2

Sirmoq Beqtuvluv, Zaqdzm laer kur-eu Tormav, Gaqliqlaer mirkhanq-euq Gaqnaq tsawrhaq Naqdaqneqlar, Zeqbeqdaer-euq zaqyo nyiq ghaq hawr-eu zaqlanr nuideuq nyiq ghaq, aqyawfmaf tiqgar taef-aer jawrluf-eu mae.

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

2 Gawˇliˬtu 8:23

Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

2 Tiˆmoˇseˬ 2:26

Khoerngaejawr, aqyawf-euq nuinoeq bigeuf-eu laer naef sanqpaq nae khoerdeuq-anr khmrpaf taq-euq khawf, noeqbeur lar-awr, aqyawf-euq lanrju-anr nae yabuq-ir taef-a.