Luˇkaꞈ 5:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur, Geqneqsaqlaer lan landzer yawfluf ngae, tsawrhaq armaf mafma, Miqyaer-euq dawq narhaq-eu laer aqyawf jawr-eu gar tan’urlef luf-eu mae.

Akha

¹ Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

Luˇkaꞈ 5:1 ပူးပေါင်းရင်းမြစ်များ

Maꞈtehˬ 11:12

Bartirsaq mrnaeq-eu Yorhaq dovle-euq yamq-anr nae iqnan keuvni, mqtav mirkhanq za’ni deuvcae caeluf-eu mae. Nuima keuv-awr deuvcae cae-eu tsawrhaq deuq-aq, deuvza luf-eu mae.

Maꞈtehˬ 14:34

Aqyawfmaf, lan tsaevdov-awr, Geqneqsaqlaer mirkhanq-anr irkeuv-euq mae.

Maˬkuˆ 3:9

Khoermirnae, tsawrhaq armaf mafma, aqyawf-anr maqya tanqsuf larni, aqyawf-euq gharduq lawq lawqzaq tiq lawq laeqhmq sher-eq laer Yeqsur, zaqlanr deuq-anr khaer-euq mae.

Maˬkuˆ 4:1

Yeqsur, lan landzer jawr-awr tiq pov par maeqnaeq-euq mae. Khoerngae, tsawrhaq armaf mafma, baqmaf purjeq-aer Yeqsur jawr-eu gar uiqle-euq mirnae, aqyawf, lan-anr jav-eu lawq-euq lafkhoer nuir-ir ngae, tsawrhaq armaf mafma dawqtawvluf lan landzer jawr-awr hawluf-eu mae.

Maˬkuˆ 5:24

Khoermirnae, Yeqsur, aqyawf naeq-aer ir-euq mae. Tsawrhaq armaf mafma, aqyawf-euq maeqnan tanqsuf tanqsuf-aer cantae luf-eu mae.

Maˬkuˆ 6:53

Khoerngae, aqyawfmaf, lan tsaevdov-awr, Geqneqsaqlaer mirkhanq-anr irkeuv-awr, lan landzer lawq paftawf yaf-euq mae.

Luˇkaꞈ 12:1

Khoerngae, tsawrhaq tiqghaq tirghaq nawqtaeq tsarni, maq guijircoer paq-aer uiqlar taq-euq mae. Yeqsur danqbae-awr, aqyawf-euq zaqlanr deuq-anr heulof-aer aernaeq-euq mae: “Paqliqsaer deuq-euq daeqtseq-anr yanr-awq. Daeqtseq laer aer-eu-aq, yawmuiq janrgeuf-eu jeq-anr aermawf-eu mae.

Luˇkaꞈ 5:2

Lan landzer lawq nyiq lawq jav-eu gar aqyawf ya’mawr-euq mae. Ngaqshaq nyaef-eu deuq-aq, lawq-anr nae dov-ir-awr za lavbu luf-eu mae.

Luˇkaꞈ 8:22

Tiqnan-aq, Yeqsur, zaqlanr deuq naeq-aer lawq-anr urler-awr aer-eu, “Aqduimaf lan-euq khoerpaw baq-anr tsaev-ir kar-eur.” Khoernar-aq, aqyawfmaf irghae-euq mae.

Luˇkaꞈ 8:23

Aqyawfmaf tsaev-ir luf ngae, Yeqsur yufkhav-euq mae. Khoerngae, lan-anr jaqlaer laerma bawlar-awr, lawq-euq lafkhoer ircuf danqbyan larluf-eu mirnae, yawkhav-aer guvlar paq-aer pyeuflar-euq mae.

Luˇkaꞈ 8:33

Khoernar-aq, naef khoerdeuq, tsawrhaq khoerghaq-euq lafkhoer nae dovle-awr, aqzaf-euq lafkhoer ur-ir-euq mae. Khoerngae, aqzaf khoermaf baqghashaq-anr saerka ghae-awr, lan-anr gapufsaef jir-euq mae.

Luˇkaꞈ 8:45

Khoerngae, Yeqsur narhaq-eu, “Ngaq-anr aqsur ghaq toeqciv-euq la?” Tiqghaq-iq Yeqsur-anr toeqciv-euq ma laer maqaer-a. Khoerngae, Beqtuvluv hawr-eu tiqkawv lof-aer canluf-eu deuq yawqghaq navluf aer-eu, “Sanqpaq-or! Tsawrhaq armaf mafma suftini nawq-anr tanqjeq tanqciv luf-eu maqngeur nga lor? Nawr, ‘Aqsur ghaq, ngaq-anr toeqciv-euq la’ laer narhaq le lor?”

Yoˇhaˬ 1:40

Yorhaq aer-eu dawq yagaq-awr, Yeqsur-euq maeqnan cantae ler-euq khoer nyiq ghaq-euq lafkhoer tiq ghaq-aq, Sirmoq Beqtuvluv-euq aqnyir Aqdaeqlaeq mae.

Yoˇhaˬ 6:1

Garkawv khoerdeuq dzeur-euq nar-aq, Yeqsur, Deqbeqlir lan laer kur-eu Gaqliqlaer lan-euq nuibaq-anr tsaev-ir-euq mae.

HeˬByehˇ 13:7

Nawmaf-anr uvlanr-awr Miqyaer-euq dawq ngaeqnaeq-euq gar taqngaer. Aqyawfmaf nae mr-awr shar-euq baqda’nae dovlar-euq deuq-anr sharnoeq-awr, aqyawf maf-euq jan-eu jeq-anr cantae-awq.