Luˇkaꞈ 4:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ “Naqzaqlaer tsawrhaq Yeqsur-or! Nga’maf-anr taq banqgha naeqlaf, nawr, nga’maf-anr lavcawv le-euq le lor? Nawr aqsur ghaq-a laer ngar siqnya ma. Nawr-aq, Miqyaer-euq Yawshawr ghaq mae.”

Akha

³⁴ “Aˬ huˇ. Naˬzaˬlehˇ meuˬ-ahˇ jawˇ-eu Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ le-eu lehˇ heu gaˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ meh.”

Luˇkaꞈ 4:34 ပူးပေါင်းရင်းမြစ်များ

Jaceuq 16:10

Aqjeq mirnae aernar-aq, nawr, ngaq-euq saflar-anr shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir-eu gar maqbi keuv-a.

Maꞈtehˬ 8:29

Khoerngae, tiqpov taef-aer aqyawfnyaf gurgur-aer aer-eu, “Miqyaer-euq Zaqyo Yeqsur-or! Nawr, nga’nyaf-anr aqjeq mirnae lavtsoeq le-euq le? Aryamq maq keuvlar-euq minav-aer, nawr heugar oe-awr nga’nyaf-anr khaeqnaeq le-euq le lor?”

Maˬkuˆ 1:24

Aqyawf aer-eu, “Naqzaqlaer tsawrhaq Yeqsur-or! Nawr, nga’maf-anr aqjeq taf-eu le? Nga’maf-anr lavcawv le-euq le lor? Nawr aqsur ghaq-a laer ngar siqnya ma. Nawr-aq, Miqyaer-euq Yawshawr ghaq mae.”

Maˬkuˆ 1:34

Khoerngae, Yeqsur nargawr ghawqmya jeq narluf-eu tsawrhaq ghawqmya ghaq-anr lavtaq naeq-euq uqtaf, naef khawf ghawqmya mawr taedov-euq mae. Naef khoerdeuq, aqyawf-anr siqnya-eu mirnae, Yeqsur, naef khoerdeuq-anr dawq maqbi ngaeq-aq.

Maˬkuˆ 5:7

Khoernar-aq, aqyawf tersar yawkhav-aer gur-eu, “Gor duidui-eu Miqyaer-euq Zaqyo Yeqsur-or! Ngar, nawq naeq-aer aqjeq taf-eu la? Ngaq-anr taq khaeqnaeqlaf laer ngar, Miqyaer-anr ghoe-awr nawq-anr shar-eu ma.”

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Luˇkaꞈ 4:33

Zanrdawq khawqnymr-euq lafkhoer naef yawjawf ur-eu tiq ghaq jawr-eu mae. Aqyawf tersar yawkhav-aer gurgur-aer aer-eu,

Luˇkaꞈ 4:41

“Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Luˇkaꞈ 8:28

Aqyawf, Yeqsur-anr ya’mawr ngae, Yeqsur-euq maeqshi awbyav-awr, tersar yawkhav-aer gur-eu, “Gor duidui-eu Miqyaer-euq Zaqyo Yeqsur-or! Ngar, nawq naeq-aer aqjeq taf-eu la? Ngaq-anr taq khaeqnaeqlaf laer ngar, nawq-anr shar-eu ma.”

Luˇkaꞈ 8:37

Gaqdaqlar mirkhanq-euq jawqlaw jawrlawr jawr-eu tsawrhaq dawqtawvluf guv duidui-eu mirnae, aqyawfmaf jawr-eu gar nae dov-ir naeqlaf laer Yeqsur-anr shar-euq mae. Khoermirnae, Yeqsur, lawq-anr ur-ir-awr ghofler-euq mae.

Gʼaˬkʼehˇ 16:39

Khoermirnae, aqyawfmaf oe-awr, aqyawf nyaf-anr tanqshar-euq mae. Khoernar-aq, aqyawf nyaf-anr kuv-anr nae sheuqdov-awr, meuq heumeuq-anr nae dov-ir naeqlaf laer shar-eu mae.

Gʼaˬkʼehˇ 2:27

Aqjeq mirnae aernar-aq, nawr, ngaq-euq saflar, shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir gar maqbi keuv-a.

Gʼaˬkʼehˇ 3:14

Nawmaf, Tsaq-awr dawr-eu Yawshawr ghaq-anr byaerdzae-awr, aqcawq-anr saef-eu tsawrhaq pyaeqnaeqlaf laer shar-euq mae.

Gʼaˬkʼehˇ 4:27

“Nawq nae tsaqtsov taq-euq, shawr-eu nawq-euq ghaqzaq ghaqkhaer Yeqsur-anr aqdir muir-eu laer, Heqlor hawr-eu Boqtiv Pirlav, aqcawq tsawrjeuq tsawrca hawr-eu Irsaqleqlav tsawrhaq deuq khawf tiqkawv lof-aer uiqlar taq-euq mae.

HeˬByehˇ 2:14

Zaq khoerdeuq shiq hawr-eu shaqjir piluf-eu lof-aer, aqyawf khawf aqyawfmaf lof-aer durni daefle-euq mae. Aqyawf shir-awr, shir-eu jeq-anr uvlanr-eu naef sanqpaq-euq baoq-anr lavcawv le-euq mae.

Yaˬkoˆ 2:19

Miqyaer tiq ghaq jawr-eu taef mae laer nawr jan-eu khoer-aq, tsaq mae. Naefdeuq khawf jan-awr, yawdzuq gan’gan-aer guv-eu mae.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

Panmaeq 20:2

Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”