Luˇkaꞈ 4:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur, aqyawf maf-anr aernaeq-eu, “ ‘Nargawr lavsav-eu tsawrhaq-or! Nawr, nawq-euq nargawr-anr lavtaq-awq’ laer aer-eu dawqdaq jav-eu lof-aer, nawq nae Gaqbeqneqoq-anr mr-euq gardeuq nga’maf yagaq-euq lof-aer, yawqha-euq jawrkhanq-anr khawf mr-awq lawr’ laer nawmaf, ngaq-anr aerlar taef-a laer ngar siqnya ma.”

Akha

²³ Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “‘Saˬ laˬ gʼoˬ-oˇ, yawˬ ha-euˬ naˇ gawˇ jeˬ huˬ laˆ taˬ-awˬ’ lehˇ ehˇ-eu dawˬ daˬ loꞈ-ehˇ, naw maꞈ ngaˬ-ahˇ ehˇ mawꞈ tehꞈ-a lehˇ ngaˇ siˬ nya ma. Gaˬbeˬneˬoˬ meuˬ-ahˇ ngaˬ neh mˇ mehˬ yaꞈ-euˬ jeˬ, heu gaˇ jiˇ mˇ mehˬ haw sheˇ lehˇ naw maꞈ ehˇ mawꞈ tehꞈ-a.

Luˇkaꞈ 4:23 ပူးပေါင်းရင်းမြစ်များ

Maꞈtehˬ 13:54

aqyawf-euq jawrkhanq-anr ghofler-euq mae. Aqyawf, zanrdawq khawqnymr-euq lafkhoer maeqnaeq tsovnaeq-euq mae. Aqyawfmaf zanq duidui ler-awr heulof-aer aer-eu mae: “Tsawrhaq heughaq teulof-aer ghae-eu zaqsiq tsawrganr hawr-eu baoq huiq-eu gardeuq aqgeugar nae za-euq nga?

Maꞈtehˬ 4:13

Khoernar-aq, Naqzaqlaer-anr nae dov-ir-awr, Zaqburloq hawr-eu Naqtaqlir mirkaq-anr lan landzer jav-eu Gaqbeqneqoq meuq-anr jawr-ir-euq mae.

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maˬkuˆ 6:1

Khoernar-aq, Yeqsur khoergar nae dov-ir-awr, aqyawf-euq jawrkhanq-anr ghofler ngae, zaqlanr deuq khawf aqyawf-euq maeqnan cantae lef-euq mae.

Luˇkaꞈ 2:39

Yorsaev hawr-eu Maqliv, Sanqpaq Miqyaer-euq zanrdawq jav-eu lof-aer dawqtawvluf mrluiv jir-awr, Gaqliqlaer mirkhanq-anr jav-eu aqyawf nyaf-euq meuq Naqzaqlaer-anr ghofler-euq mae.

Luˇkaꞈ 2:51

Khoernar-aq, aqyawf, aqyawfnyaf naeq-aer Naqzaqlaer-anr ghofler-awr, aqyawf nyaf-euq lafov yawmuiq-aer jawr-euq mae. Aqyawf-euq aqma-aq, garkawv khoerdeuq dawqtawvluf nuima-euq lafkhoer juiruiq taq-euq mae.

Luˇkaꞈ 4:16

Yeqsur, aqyawf huiqlar-euq Naqzaqlaer-anr lekeuv ngae, aqyawf yawqjawryawq mrlaf-euq lof-aer, landaw jawrnan ngae nan zanrdawq khawqnymr-anr urler-euq mae. Khoernar-aq, Yaerbof gui-eu laer aqyawf turlar-euq mae.

Luˇkaꞈ 4:31

Khoerngae, Yeqsur, Gaqliqlaer mirkhanq-anr jav-eu Gaqbeqneqoq-anr ir-awr, landaw jawrnan ngae nan-aq, tsawrhaq armaf-anr maeqnaeq tsovnaeq-euq mae.

Luˇkaꞈ 4:35

Khoerngae, Yeqsur, aqyawf-anr, “Aqcircu, teughaq-euq lafkhoer nae dovle-awq” laer daeqnaeq ngae, naef khoermawr tsawrhaq khoerghaq-anr tsawrhaq armaf mafma-euq ghanrcae biqanr ghae-awr, aqyawf-anr maq lavtanq maq lavnar naeqni dovle-euq mae.

Luˇkaꞈ 6:42

Nawr, yawqha-euq myavnuiv-euq lafkhoer pyaqdmq anrluf-eu khawf, maq hawmawrni, aqjeq mirnae nawq-euq aqyuif aqnyir-anr, ‘Maernmr-or, ngar, nawq-euq myavnuiv-euq lafkhoer anr-eu myavpawf paevdovnaeq nyar’ laer aernya-eu le? Yawmuiq janrgeuf-eu tsawrhaq-or! Nawq-euq myavnuiv-anr anr-eu pyaqdmq jeqhu ngawqdov-awq. Khoernar-aq, nawq-euq aqyuif aqnyir-euq myavnuiv-euq lafkhoer anr-eu myavpawf aqjox-aer ya paevdov-eu nga laer nawq-anr mawrduqlar taef-a.

Yoˇhaˬ 4:28

Khoerngae, zaqmiq aqbur khoerghaq, aqyawf-euq ircuf oeqlanq bijav yaf-awr, meuq paw le-awr nae meuq-anr jawr-eu tsawrhaq-anr heulof-aer aernaeq-euq mae,

2 Gawˇliˬtu 5:16

Khoermirnae, iqnan taf nar-aq, nga’maf, aqcawq-anr shiqshaq-euq myavnuiv nae maqpar haw ma. Dzeurlaf ngae, shiqshaq-euq myavnuiv nae Kali-anr haw-euq khawf, aqkar nar-aq, khoerlof-aer maqpar haw ma.