Luˇkaꞈ 4:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, tsawrhaq dawqtawvluf, aqyawf-anr jaceuq-eu mae. Aqyawf-euq khaqmae-anr nae dovle-euq guiqlanq yawdzanr-euq dawqdeuq-anr zanqler-awr, aqyawfmaf aer-eu, “Teughaq, Yorsaev-euq zaqyo maqngeur-a lor?”

Akha

²² Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Luˇkaꞈ 4:22 ပူးပေါင်းရင်းမြစ်များ

Jaceuq 45:2

Nawr-aq, tsawrhaq-euq zaqyo deuq navmaqtser arghaer shaevdzeuf muiqdzaeq-awr; Nawq-euq maeqluq-anr guiqlanq yawdzanr shaevdav taq-euq mae. Khoermirnae, Miqyaer, nawq-anr mqmaq maqbyav yarzir guiqlanq bif-eu mae.

Jaceuq 45:4

Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Dawqdaq 10:32

Tsaq-awr dawr-eu tsawrhaq-euq maeqluq-aq, Hageuf paq-aer ghae-eu dawq ngaeq-eu siqnya-eu mae. Aerkhawf, tsawrcawv-euq khaqmae-aq, Dawq yurpyawv-awr nae taef-aer ngaeq-eu mae.

Dawqdaq 16:21

Nuima-euq lafkhoer tsawrganr anr-eu tsawrhaq-aq, Ghovshaw nya-eu tsawrhaq laer yabi kur-awr, Yaler paq-aer ngaeq-eu-aq, Aqcawq-anr bi dzawgeuf nyadzaeq lar-eu mae.

Dawqdaq 25:11

Yamqlaw-anr ngaeqtsaq-euq dawq-aq, Pyur khmqmaq-anr dawvanr taq-euq, shuir-euq arsiq-anr dur-eu mae.

Luˇkaꞈ 2:47

Aqyawf ngaeq-eu gar kharya gaq-euq tsawrhaq dawqtawvluf, aqyawf ghovshaw nya-awr ngaeqkhof nya-eu gar zanq duidui ler-eu mae.

Luˇkaꞈ 2:48

Aqyawf-euq aqma aqda, aqyawf-anr ya’mawr ngae, zanq duidui ler-awr aqyawf-euq aqma aer-eu, “Aqli-or! Aqjeq mirnae nawr, nga’nyaf-anr heulof-aer janrnaeq laf-eu le? Nawqda nga’nyaf khanqlanr duidui-eu lafkhoer nawq-anr povluf-eu ma.”

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Luˇkaꞈ 4:21

Yeqsur, aqyawf maf-anr aernaeq-eu, “Nawmaf nae yagaq-euq Yaerbof heudeuv, iqnan byanlar-euq mae.”

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Yoˇhaˬ 6:42

Aqyawfmaf aer-eu, “Teughaq-aq, Yorsaev-euq zaqyo Yeqsur maqngeur-a lor? Aqdui, aqyawf-euq aqma aqda-anr siqnya-eu maqngeur laq? Tox-aer mar-iq, aqyawf, ‘Ngar-aq, mq-anr nae oe-euq ma’ laer aqjox-aer aernya-eu nga?”

Yoˇhaˬ 7:46

Lofpir-eu kuirlaf khoerdeuq aerkhof-eu, “Tsawrhaq heughaq lof-aer tiqghaq-iq maq ngaeqhaw-aq.”

Gʼaˬkʼehˇ 6:10

Aerkhawf, Saqteqpaq-aq, zaqsiq tsawrganr hawr-eu muiq-eu Saflar-anr ghoeghoe-aer ngaeq-eu mirnae, aqyawfmaf maq pyaerghaq nya-a.

Tiˇtuˆ 2:8

Aqcawq iqbax taqkhar maqza’ni, tsaq-awr tsanr-eu dawq taef-aer maeqnaeq-awq. Khoerlof-aer maeqnaeq nar-aq, lavtsoeq-eu tsawrhaq, nawmaf-anr yawdoer jeq aerkhar maqza-aer, ya shafdawr-ir taef-a.