Luˇkaꞈ 3:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawmaf noeqpov noeqpar-euq gar geux-eu arsiq bi siqle-awq. ‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq oeqpaq oeqma bi pyeuflar nya-eu mae.

Akha

⁸ Naw maꞈ iˬ baˇ noeˬ poˆ gʼaˬ-euˬ ngaˇ lehˇ yaw muiˬ paˬ-ehˇ siˬ duˬ mawˇ duˬ laˇ ni dehꞈ-awˬ. Aˬbyaˬhaˬ-aˬ, nga maꞈ-euˬ aˬ da yaw dzahˇ ma lehˇ, naw maꞈ-euˬ nui ma laꞈ kʼoeˇ yawˬ haˇ yawˬ ha ehˇ ehˇ-ehˇ taˬ jawˇ. Ngaˇ naw maꞈ-ahˇ ehˇ nehˬ nyaˇ. Miˬyehˇ-aˬ, kʼaˬ lo heu deuˬ yuˇ-awˇ, Aˬbyaˬhaˬ-euˬ oeˬ paˬ oeˬ ma jahˇ doˆ nya meh.

Luˇkaꞈ 3:8 ပူးပေါင်းရင်းမြစ်များ

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 3:8

Nawmaf noeqpov noeqpar-euq gar geux-eu arsiq bi siqle-awq.

Maꞈtehˬ 3:9

‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq zaq bi pyeuflar nya-eu mae.

Luˇkaꞈ 13:25

Nymrsanr ghaq tur-awr, larghov piqtaeq shaw-euq nar-aq, nawmaf lafnyir paw yawf-awr, larghov-anr khovkhov-aer danqbae-awr aer taef-a, ‘Sanqpaq-or! Sanqpaq-or! Nga’maf-anr larghov pannaeqlaf sher-eq.’ Khoerngae, ‘Ngar, nawmaf-anr maq siqnya nya. Nawmaf aqgeugar nae lar-euq maqsiq lawr’ laer aqyawf aerkhof naeqlaf taef-a.

Luˇkaꞈ 13:26

Khoerngae, nawmaf heulof-aer aer taef-a, ‘Nga’maf, nawq naeq-aer dzaqtaf dawrtaf-awr, nawr, nga’maf-euq garma-anr cancan-aer maeqnaeq tsovnaeq laf-euq mae lawr.’

Luˇkaꞈ 14:9

Nawnyaf nyiq ghaq luf-anr kur-euq ghaq lar-awr aer-eu, ‘Nuirduq teu heughaq-anr binuir-awq.’ Khoerngae, nawr shafdawr-ir-awr, teqdzaeq-eu nuirduq-anr ya’nuir-ir taef-a.

Luˇkaꞈ 19:40

Khoerngae, Yeqsur aerkhof naeq-eu, “Ngar, nawmaf-anr aernaeq nyar, tsawrhaq heudeuq ciqcurni jawr nar-aq, tiqpov taef-aer khaqlo heudeuq gurdovlaf taef-a.”

Luˇkaꞈ 19:9

Yeqsur, aqyawf-anr heulof-aer aernaeq-euq mae, “Iqnan nymr heunymr-anr kakhof-eu jeq keuvle-euq mae. Aqjeq mirnae aernar-aq, aqyawf khawf Aqbyaqhaq-euq zaq tiq ghaq mae.

Luˇkaꞈ 5:21

Khoerngae, zanr maeq-eu deuq hawr-eu Paqliqsaer deuq danqbae-awr jasawx-eu, “Yaeqbawq saerlu-aer ngaeq-eu teughaq aqsur ghaq la? Miqyaer tiq ghaq maqngeur nar-aq, iqbax aqsur ghaq pyaeqnya-eu?”

Yoˇhaˬ 8:33

Aqyawfmaf, aqyawf-anr aerkhof naeq-eu, “Nga’maf-aq, Aqbyaqhaq-euq zaqdeuq uvdeuq ma. Tiqjawr-iq, aqcawq-euq zaqkhav maq geufhaw-aq. ‘Nawmaf-anr puirpyaeq naeqlaf taef-a’ laer nawr aqjox-aer aernya-eu le?”

Yoˇhaˬ 8:39

Aqyawfmaf Yeqsur-anr aerkhof naeq-eu, “Aqbyaqhaq-aq, nga’maf-euq aqda ma.” Yeqsur, aqyawf maf-anr heulof-aer aernaeq-euq mae, “Nawmaf, Aqbyaqhaq-euq zaq ngeur nar-aq, nawmaf, Aqbyaqhaq-euq gardeuq mr taef-a.

Gʼaˬkʼehˇ 26:20

Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Lormav 4:16

Khoermirnae, jan-eu baqda’nae jeqbir za-eu mae. Jan-eu lafkhoer sarjax aertaq-euq lof-aer aryoeq dawqtawvluf za’nya-eu khoer-aq, guiqlanq yawdzanr baqda’nae nga laer bi dovlar-eu gharduq mae. Zanrdawq-anr ghoe-eu tsawrhaq taef-aer sarjax za-eu maqngeur-aer, aqdui dawqtawv luf-euq aqda yawdzanr Aqbyaqhaq jan-eu lof-aer kharjan-eu tsawrhaq yawqghaq navluf za-eu mae.

Lormav 9:7

Aqbyaqhaq-euq aryoeq pyeuf-eu khawf, dawqtawvluf, aqyawf-euq zaq pyeuf-eu maqngeur-a. “Irtsav-euq aryoeq taef-aer nawq-euq zaq laer sawxnya-eu mae,” (Adb 21:12) laer aertaq-euq mae.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.