Luˇkaꞈ 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, Yawrdaq lawrbaq lawrdzer doeni ir-awr, iqbax pyaeq-eu jeq za’ni noeqpov noeqpar-eu lafkhoer bartirsaq mr-awq laer dawqmaeq maeqluf-eu mae.

Akha

³ Kʼoeˇ naˇ, Yawˇdaˬ lawˇ baˬ gahˬ kaˬ doe ni Yoˇhaˬ iˇ-awˇ, Miˬyehˇ neh iˬ baˇ pyehˬ nehˬ-euˬ jeˬ-ahˇ za nya ni, iˬ baˇ noeˬ poˆ-awˇ iˇ cuꞈ shawˇ-eu gʼaˇ duˬ dawˬ mehˬ mehˬ-euˬ meh.

Luˇkaꞈ 3:3 ပူးပေါင်းရင်းမြစ်များ

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Luˇkaꞈ 1:16

“Aqyawf, Irsaqleqlav tsawrhaq ghawqmya ni-anr aqyawf maf-euq Sanqpaq Miqyaer jawr-eu paw bi ghoflar taef-a.

Luˇkaꞈ 1:77

Khoerlof-aer janr-awr, aqyawf-euq tsawrhaq deuq-euq iqbax pyaeqnaeq-euq mirnae, kakhof-eu jeq-anr siqnyalar taef-a.

Luˇkaꞈ 4:1

Yeqsur-aq, Yawshawr Saflar byan-eu lafkhoer, Yawrdaq lawrbaq-anr nae ghofler ngae, muiq-eu Saflar, aqyawf-anr bawrtsanq bawrdanr-anr sheuqghae-awr,

Yoˇhaˬ 1:28

Garkawv heu-aq, Yorhaq, Yawrdaq lawrbaq-euq nanrma dovkhaeq paw jav-eu Beqtaqnir pu-anr jawr-awr, bartirsaq mrnaeqluf ngae pyeuflar-euq mae.

Yoˇhaˬ 3:26

Aqyawfmaf, Yorhaq jawr-eu gar lar-awr aer-eu, “Laqbir-or! Hawsher-eq. Yawrdaq lawrbaq-euq nanrma dovkhaeq paw nawq naeq-aer jawr ngae, aqyawf-euq garkawv nawr sarkir kamq-euq khoerghaq, nymq-mr aqcawq-anr bartirsaq mrnaeq luf-eu mae. Tsawrhaq dawqtawvluf, aqyawf jawr-eu gar irluf-eu mae.”

Gʼaˬkʼehˇ 13:24

Yorhaq, Yeqsur maqoe-euq minav-aer, noeqpov noeqpar-eu jeq-anr taf-eu bartirsaq-euq garkawv, Irsaqleqlav tsawrhaq dawqtawv luf-anr dawqmaeq maeqnaeq-euq mae.

Gʼaˬkʼehˇ 19:4

Khoerngae, Pawrluv aer-eu, “Yorhaq-euq bartirsaq-aq, noeqpov noeqpar-eu bartirsaq mae. Yorhaq, tsawrhaq khoerdeuq-anr aqyawf-euq maeqnan oe-eu ghaq-anr jan-awq laer aernaeq-euq mae. Khoerghaq-aq, Yeqsur Kali mae.”

Gʼaˬkʼehˇ 22:16

Nymq-mr nawr aqjeq ghae-eu dawqdawq-aer jawr-eu le? Tur-awr, bartirsaq hageuf-awr, nawq-euq iqbax tsiqshawr-awq. Sanqpaq Miqyaer-euq tsawrmyanr-anr kur-awq.’ ”