Luˇkaꞈ 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gaersaq Diqbeqlir sanqpaq uqdzan geuf-awr dzoeq-eu 15 khof byanlar ngae, Yurdav mirkhanq-anr Boqtiv Pirlav meuqsanr geufluf-awr, Gaqliqlaer mirkhanq-anr Heqlor uvlanr luf-awr, Irtuqlaer hawr-eu Daqlaqgawrnir-anr Heqlor-euq maernmr Pirlirpuv uvlanr luf-awr, Aqbirleq-anr Lursaqnir uvlanr luf-eu mae.

Akha

¹ Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Luˇkaꞈ 3:1 ပူးပေါင်းရင်းမြစ်များ

Maꞈtehˬ 14:1

Khoerngae, Yeqsur-euq garkawv gaqdoe-ir luf-eu gar sanqpaq Heqlor yagaq-awr,

Maꞈtehˬ 14:3

Aqyawf-euq maernmr Pirlirpuv-euq nymrdanq Heqlordir baqda’nae, Heqlor, Yorhaq-anr binyaef-ir-awr paf-awr kuv-anr dawvtaq-euq mae.

Maꞈtehˬ 14:6

Heqlor daefle-euq arnan-anr noeqkeuv-eu yawbui builuf ngae, Heqlordir-euq zaqmiq, tsawrhaq khoermyav ni-euq maeqshi garnyae nyae-eu gar Heqlor nuikhanrshir duidui-eu mae.

Maꞈtehˬ 22:17

Khoermirnae, nawr, nga’maf-anr aernaeq laf-awq, sanqpaq Gaersaq-anr jeq dovnaeq-eu teu, Morseq-euq zanr-anr tsaq mae laq? Nawr aqjox-aer noeq-eu nya?”

Maꞈtehˬ 27:2

Khoernar-aq, aqyawfmaf, aqyawf-anr paf-awr meuqsanr Boqtiv Pirlav jawr-eu gar sheuqghae-awr, aqyawf-anr a’naeq-euq mae.

Maˬkuˆ 6:17

Heqlor heughaq-aq, aqyawf-euq maernmr Pirlirpuv-euq nymrdanq Heqlordir-anr sheuq-euq mae. Zaqmiq aqbur khoerghaq-euq baqda’nae, Heqlor, aqyawf-euq guirzaq-anr khaer-awr, Yorhaq-anr bi nyaeflaq-ir-awr, kuv-anr kaflanr taq-euq mae.

Maˬkuˆ 6:21

Khoerngae, lofluf-eu aryamq keuvlar-awr, Heqlor daefle-euq arnan-anr noeqkeuv-eu yawbuibui ngae nan, aqyawf-euq tsawrhuiq tsawrma deuq, sanrmr-eu yawgor deuq hawr-eu Gaqliqlaer mirkhanq-euq aqyuif deuq-anr kur-awr, dzaqtaf dawrtaf luf-eu mae.

Luˇkaꞈ 13:31

Khoerngae nan nyiqpav-aer, Paqliqsaer tiqpavnav deuq lar-awr Yeqsur-anr aernaeq-eu, “Nawr heugar nae dov-ir-awr, irdov ghae-awq. Aqjeq mirnae aernar-aq, Heqlor, nawq-anr saefmawf-eu mae.”

Luˇkaꞈ 2:1

Khoerngae yamq-anr, heulof-aer pyeuflar-euq mae. Mirkhanqzaq dawqtawvluf tsawrmyanr yadawv-eu mae laer sanqpaq Gaersaq Awrgurtuv dawq bif-euq mae.

Luˇkaꞈ 23:24

Khoermirnae, aqyawfmaf geufmawf-eu lof-aer Pirlav dartsaev naeq-euq mae.

Luˇkaꞈ 3:19

Aerkhawf, Gaqliqlaer mirkhanq-euq sanqpaq Heqlor-aq, aqyawf-euq maernmr-euq miqzaq Heqlordir-anr sheuqgeuf-euq uqtaf, yawdoer ghawqmya jeq mr-euq mirnae, Yorhaq nae bidaeq-euq mae.

Luˇkaꞈ 9:7

Yeqsur nae mr-euq garkawv dawqtawv luf-anr meuqsanr Heqlor yagaq ngae, tiqpawf-iq noeq maqdov-a. Aqjeq mirnae aernar-aq, Yorhaq shir-euq gar nae ghofdaef lar-euq nga laer tiqpavnav deuq aerluf-eu mae.

Gʼaˬkʼehˇ 23:26

“Gaqlawrdir Lursiv nae muiq duidui-eu meuqsanr Peqlir-anr dawqcawq puqanr lef-eu ma.

Gʼaˬkʼehˇ 24:27

Nyiq khof byanlar ngae, Peqlir-euq jawrzar-anr Bawrgir Beqtur dzoeqdzaq mrlar-euq mae. Peqlir, Yurdav tsawrhaq-anr ya yurmawf-eu mirnae, Pawrluv-anr kuv-euq lafkhoer bi uryaf-euq mae.

Gʼaˬkʼehˇ 26:30

Aqyawf khoerlof-aer aerghaq ngae, sanqpaq Aqgirpav tur-euq mae. Khoerngae, Beqtur hawr-eu Beqlaqnir naeq-aer nuirluf-eu deuq khawf turjir-awr,

Gʼaˬkʼehˇ 4:27

“Nawq nae tsaqtsov taq-euq, shawr-eu nawq-euq ghaqzaq ghaqkhaer Yeqsur-anr aqdir muir-eu laer, Heqlor hawr-eu Boqtiv Pirlav, aqcawq tsawrjeuq tsawrca hawr-eu Irsaqleqlav tsawrhaq deuq khawf tiqkawv lof-aer uiqlar taq-euq mae.