Luˇkaꞈ 24:52 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵² Aqyawfmaf, aqyawf-anr uqduq tanq-awr, laqkhaq caertavni Yeqlursaqlaeq-anr ghofler-euq mae.

Akha

⁵² Aˬ yawꞈ maꞈ aˬ yawꞈ-ahˇ uˬ duˬ tahˬ yaꞈ-awˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ gʼoꞈ leˇ-euˬ meh.

Luˇkaꞈ 24:52 ပူးပေါင်းရင်းမြစ်များ

Jaceuq 30:11

Nawr, ngaq-euq gharduq tsawrngoer ngoer-eu jeq yur-awr, Garnyae nyae-eu jeq lavpyeuf naeqlaf-euq mae; Ngar dmluf-eu guqdar paerzeur maeqtsoeq nyaeflaev-awr, Laqkhaq caer-eu jeq bidm naeqlaf-euq mae.

Maꞈtehˬ 28:17

Aqyawfmaf, Yeqsur-anr ya’mawr ngae, aqyawf-anr uqduq tanq-euq mae. Aerkhawf, tiqpavnav deuq maq jancoer-a.

Maꞈtehˬ 28:9

Aqyawf-euq zaqlanr deuq-anr dzawrnaeq ler-eu laer ghoflerluf ngae, Yeqsur, aqyawf nyaf-euq maeqshi dovle-awr aer-eu, “Nuisar of luf-ur.” Aqyawfnyaf, aqyawf jawr-eu gar lepae-awr, aqyawf-euq aqkuir-anr byartaeq-awr, aqyawf-anr uqduq tanq-euq mae.

Luˇkaꞈ 24:51

Khoerngae, heulof-aer pyeuflar-euq mae. Dawq ngaeqghae naeqluf ngae, Yeqsur, aqyawf maf-anr nae ghawq-ir-awr, mq-euq khoertav bi sheuqdav lef-euq mae.

Luˇkaꞈ 24:53

Khoernar-aq, aqyawfmaf aqmyanluf uqduq tanqnymr nymrma-euq lafkhoer jawr-awr, Miqyaer-anr ciqhuiq ciqmanr-awr jaceuq luf-eu mae. Aqmeq.

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 16:22

Khoerlof-aer durni, nymq-mr nawmaf noeqshaq luf-eu ngar-a. Aerkhawf, ngar, nawmaf-anr parya mawr ngae, nawmaf-euq nuima laqkhaq caerlar taef-a. Nawmaf laqkhaq caer-eu gar, laqkhaq maqbi caerni tiqghaq-iq maq yurgeuf nya-ar.

Yoˇhaˬ 16:7

Ngar, nawmaf-anr dawrcoeni aernaeq nyar. Ngar ghofler-eu-aq, nawmaf-euq gharduq yawmuiq mae. Aqjeq mirnae aernar-aq, ngar maq ghofler nar-aq, Cawba-eu ghaq, nawmaf jawr-eu gar maqoe-a. Aerkhawf, ngar ghawq-ir-euq nar-aq, aqyawf-anr nawmaf jawr-eu gar khaerghaelef ma.

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Gʼaˬkʼehˇ 1:12

Khoernar-aq, ghaqkhaer deuq, Saqloq laer kur-eu gawqjawq-anr nae Yeqlursaqlaeq-anr ghof-ir-euq mae. Gawqjawq khoerjawq-aq, Yeqlursaqlaeq-euq dawqpae jav-awr, landaw jawrnan ngae nan cankhmq-eu navni kaq-eu taef mae.

1 Beˬtuˆluˆ 1:8

Nawmaf, aqyawf-anr maq mawrhaw-euq khawf, aqyawf-anr gaqluf-eu mae. Nymq-mr nawmaf, aqyawf-anr maqya mawr khawf, aqyawf-anr jan-eu mirnae, yawshaef khanqsaer byan-awr, maq aernya paq-aer laqkhaq caer-eu jeq-euq lafkhoer, nawmaf laqkhaqcaer luf-eu mae.