Luˇkaꞈ 24:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Akha

⁴⁴ Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Luˇkaꞈ 24:44 ပူးပေါင်းရင်းမြစ်များ

Jaceuq 118:22

Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae.

Maꞈtehˬ 1:22

Heudeuq dawqtawvluf pyeuflar-euq-aq, Sanqpaq Miqyaer, aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlar-euq mae:

Maꞈtehˬ 16:21

Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Maꞈtehˬ 26:54

Ngar khoerlof-aer shar nar-aq, heulof-aer pyeuflar taef-a laer boftaq-euq Yaerbof khoerdeuq aqjox-aer byanlarnya nmr-mq?”

Maꞈtehˬ 26:56

Aerkhawf, Miqyaer gharduq ngaeqdan-eu deuq-euq sanqbof-euq lafkhoer boftaq-euq lof-aer byanlarni, heudeuq dawqtawvluf pyeuflar-euq mae.” Khoerngae, zaqlanr dawqtawvluf, aqyawf-anr byaerdzae yaf-awr caevbyov jir-euq mae.

Maˬkuˆ 9:31

Aqjeq mirnae aernar-aq, aqyawf, aqyawf-euq zaqlanr deuq-anr maeq-eu lafkhoer aernaeq luf-eu, “Tsawrhaq-euq Zaqyo, aqcawq-euq aqlaf-euq lafkhoer ya’anr-ir-awr, aqyawfmaf, aqyawf-anr saef taef-a. Aqyawf shir-awr nae smq nan keuvlar nar-aq, ghofdaeflar taef-a.”

Luˇkaꞈ 21:22

Aqjeq mirnae aernar-aq, khar boftaq-euq khoerdeuq dawqtawvluf byanlarni, arnan aryamq khoer-aq, lafpov povkhof-eu aryamq mae.

Luˇkaꞈ 22:37

Ngar, nawmaf-anr aernaeq nyar, ‘Aqcawq, aqyawf-anr mrbanq mrlaeq-euq deuq naeq-aer sawxanr taef-a’ (Isy 53:12) laer boftaq-euq Yaerbof heudawq ngaq-euq lafkhoer ya byanlar taef-a. Aqjeq mirnae aernar-aq, ngaq-euq garkawv khar boftaq-euq deuq ya byanlar taef-a.”

Luˇkaꞈ 24:46

Yeqsur, aqyawf maf-anr heulof-aer par aernaeq-euq mae, “Yaerbof-euq lafkhoer boftaq-euq lof-aer, Kali-aq, shaqzanq yadaq-awr, smq nan byanlar nar-aq, shir-euq gar nae ya ghofdaeflar taef-a.

Luˇkaꞈ 9:22

Khoeruqtaf, Yeqsur aer-eu, “Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq nae yabi byaerdzae-eu uqtaf, yabi saef taef-a. Aerkhawf, smq nan ngae nan-anr ghofdaeflar taef-a.”

Luˇkaꞈ 9:44

“Nawmaf dawq heudeuq-anr naqbawr ciqkhmr-awr juiruiq taq-awq. Aqjeq mirnae aernar-aq, Tsawrhaq-euq Zaqyo, aqcawq-euq aqlaf-euq lafkhoer ya’anr-ir taef-a.”

Yoˇhaˬ 3:14

Morseq, bawrtsanq bawrdanr-anr arlawr khanqtur-euq lof-aer, Tsawrhaq-euq Zaqyo-anr khawf khoerlof-aer yabi khanqtur taef-a.

Yoˇhaˬ 5:39

“Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Yoˇhaˬ 5:46

“Nawmaf, Morseq-anr jan-eu lawnmr-aq, ngaq-anr khawf jan taef-a. Aqjeq mirnae aernar-aq, aqyawf, ngaq-euq garkawv boftaq-euq mae.

Gʼaˬkʼehˇ 13:33

Yeqsur-anr bi ghofdaef lar-euq khoer-aq, Miqyaer nae aqyawf maf-euq zaqdeuq pyeuf-eu aqdui-euq gharduq bi byanlar-euq mae. Jaceuq-eu sanqbof deuvma nyif lafkhoer khawf heulof-aer boftaq-euq mae, ‘Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.’ (Jc 2:7)

Gʼaˬkʼehˇ 13:40

Khoermirnae, Miqyaer gharduq ngaeqdan-eu deuq-euq sanqbof-euq lafkhoer aertaq-euq lof-aer, nawmaf-euq khoertav maqya keuvleni yanr-awq:

Gʼaˬkʼehˇ 2:27

Aqjeq mirnae aernar-aq, nawr, ngaq-euq saflar, shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir gar maqbi keuv-a.

Gʼaˬkʼehˇ 3:18

Aerkhawf, Kali-aq, shaqzanq yadaq mae laer aqyawf-euq gharduq ngaeqdan-eu tsawrhaq dawqtawv luf-euq khaqmae-anr ghoe-awr, Miqyaer nae dzeurlaf ngae nae aertaq-euq lof-aer byanlar-euq mae.

Gʼaˬkʼehˇ 7:37

“Tsawrhaq heughaq-aq, Irsaqleqlav tsawrhaq-anr heulof-aer aernaeq-euq Morseq mae, ‘Sanqpaq Miqyaer, ngaq-anr bi dovlar-euq lof-aer, nawmaf-euq gharduq, nawmaf-euq aqyuif aqnyir-euq lafkhoer nae, Miqyaer gharduq ngaeqdan-eu tiq ghaq bi dovlar taef-a. Nawmaf, aqyawf-anr ya narhaqgeuf taef-a.’ (Dm 18:15)

HeˬByehˇ 10:1

Zanrdawq-aq, aqkar keuvle-eu yawmuiq jeq-euq narshmr taef-aer pyeuf-awr, aqdir aqmarhmq maqngeur-eu mirnae, aqyawfmaf tiqkhof sair tiqkhof maq tsaevlerni aqyawf tiqjeq taef-aer lawrnaeq-eu khoer-aq, dawqpae le-eu tsawrhaq deuq-anr tiqjawr-iq maqbi byanlar nya-a.

HeˬByehˇ 3:5

Morseq-aq, aqkar maeqhu paw jagaq le-eu garkawv deuq-anr sarkir kamq-eu gharduq, Miqyaer-euq nymrkhanq dawqtawv luf-euq lafkhoer aqdir sarjax zif-eu kuirlaf zaqkhav tiq ghaq mae.

HeˬByehˇ 7:1

Maqlaqkirsaqdaev heughaq-aq, Saqlaeq-euq sanqpaq pyeuf-awr, gor duidui-eu Miqyaer-euq Pirma khawf pyeuf-eu mae. Aqbyaqhaq, sanqpaq deuq-anr deuvsaef ghaq-awr ghoflarluf ngae, Maqlaqkirsaqdaev, aqyawf-anr ha-ir-awr, dawq ngaeqghae naeq-euq mae.

HeˬByehˇ 9:8

Saqpar saeqghawv yawbae ghawv kharjav-eu khoerkeuvni, shawr duidui-eu lawv-anr urler-eu garma maq danrlar-aq siq laer, Yawshawr Saflar toeqmaeq naeqlaf-euq mae

1 Beˬtuˆluˆ 1:11

Aqyawfmaf kakhof-eu jeq heu aqmyan, aqsur ghaq la laer povtser-awr, aqyawf maf-euq lafkhoer jawr-eu Kali-euq Saflar, aqyawf maf-anr toeqmaeq naeq-euq lof-aer, Kali shaqzanq-anr yadaq-awr, arnan yawshaef khanqsaer za taef-a laer khawf arhuba nae, aqyawfmaf ngaeqdan taq-euq mae.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”