Luˇkaꞈ 24:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoerngae, heulof-aer pyeuflar-euq mae. Yeqsur, aqyawfnyaf naeq-aer jawq-awr dzaq-eu laer ghae ngae, Yeqsur kaqmur yur-awr jaceuq-euq mae. Khoernar-aq, ngawqpyaeq-awr aqyawf nyaf-anr bifnaeq-euq mae.

Akha

³⁰ Aˬ yawꞈ nyaꞈ nehˬ-ehˇ hawˬ jawˬ jawˬ leˇ ngeh, aˬ yawꞈ kaˬ muˇ yuˇ-awˇ dawˬ ngehˬ gʼeh nehˬ-euˬ meh. Kʼoeˇ naˇ, ngawˬ pyehˬ-awˇ aˬ yawꞈ nyaꞈ-ahˇ biˇ nehˬ-euˬ meh.

Luˇkaꞈ 24:30 ပူးပေါင်းရင်းမြစ်များ

Maꞈtehˬ 14:19

Khoernar-aq, Yeqsur, tsawrhaq armaf mafma-anr daqzawq yarmof-euq khoertav nuir-awq laer dawq bif-euq mae. Khoerngae, kaqmur khoer ngaq siq hawr-eu ngaqshaq khoer nyiq mawr yur-awr, mq paw haw-awr, Miqyaer-euq guiqlanq-anr jaceuq-euq mae. Khoernar-aq, kaqmur khoer ngawqpyaeq-awr, zaqlanr deuq-anr bif-awr nae, zaqlanr deuq, tsawrhaq armaf mafma deuq-anr bifnaeq-euq mae.

Maꞈtehˬ 15:36

Khoernar-aq, kaqmur khoer shif siq hawr-eu ngaqshaq khoermyav mawr yur-awr, Miqyaer-euq guiqlanq-anr jaceuq-awr, ngawqpyaeq-euq mae. Khoernar-aq, zaqlanr deuq-anr bifnaeq-awr zaqlanr deuq nae, tsawrhaq armaf mafma-anr birnaeq-euq mae.

Maꞈtehˬ 26:26

Aqyawfmaf dzaqluf ngae, Yeqsur, kaqmur yur-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr zaqlanr deuq-anr ciqnaeq-awr aer-eu, “Heu-aq, ngaq-euq mawrdo ma. Yur-awr dzaq-awq.”

Maˬkuˆ 14:22

Aqyawfmaf cifhawq dzaqluf ngae, Yeqsur, kaqmur yur-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr, zaqlanr deuq-anr bifnaeq-awr aer-eu, “Heu-aq, ngaq-euq mawrdo ma. Yur-awr dzaq-awq.”

Maˬkuˆ 6:41

Yeqsur, kaqmur khoer ngaq siq hawr-eu ngaqshaq khoer nyiq mawr yur-awr, mq paw haw-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr, zaqlanr deuq-anr ciqnaeq-awr nae, tsawrhaq armaf mafma deuq-euq maeqshi bi ciqtaq-euq mae. Ngaqshaq khoer nyiq mawr khawf tsawrhaq dawqtawv luf-anr birnaeq-euq mae.

Maˬkuˆ 8:6

Khoernar-aq, Yeqsur, tsawrhaq armaf mafma-anr mirtsa nuir-awq laer dawq bif-awr, kaqmur khoer shif siq yur-awr, Miqyaer-euq guiqlanq-anr jaceuq-awr ngawqpyaeq-euq mae. Khoernar-aq, zaqlanr deuq-anr ciqnaeq-awr aqyawf maf-euq maeqshi bi ciqtaq-euq mae. Zaqlanr deuq khawf tsawrhaq armaf mafma-euq maeqshi ciqtaq naeq-ir-euq mae.

Luˇkaꞈ 22:19

Aqyawf, kaqmur paryur-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr, aqyawf maf-anr ciqnaeq-awr nae aer-eu, “Heu-aq, nawmaf-euq gharduq bifnaeq-eu ngaq-euq mawrdo ma. Nawmaf, ngaq-anr noeqkeuv-eu gharduq heulof-aer janr-awq.”

Luˇkaꞈ 24:29

Khoerngae, aqyawfnyaf, Yeqsur-anr yawkhav-aer aer-eu, “Mq cifle-awr, nanrma ga’anr shaw-iq ngar-a. Nga’nyaf naeq-aer yaf-awq.” Khoermirnae, Yeqsur, aqyawfnyaf naeq-aer yaf-eu laer urler-euq mae.

Luˇkaꞈ 24:35

Khoerngae, aqyawfnyaf khawf, garpaer-anr pyeuflar-euq garkawv hawr-eu kaqmur ngawqpyaeq ngae taef-aer Yeqsur nga laer yasiq-euq garkawv, aqyawf maf-anr ja’naeq-euq mae.

Luˇkaꞈ 9:16

Yeqsur, kaqmur khoer ngaq siq hawr-eu ngaqshaq khoer nyiq mawr yur-awr, mq paw haw-awr, Miqyaer-euq guiqlanq-anr jaceuq-euq mae. Khoernar-aq, ngawqpyaeq-awr, zaqlanr deuq-anr ciqnaeq-awr, tsawrhaq armaf mafma-euq maeqshi bi ciqtaq-euq mae.

Yoˇhaˬ 6:11

Khoernar-aq, Yeqsur, kaqmur yur-awr, Miqyaer-euq guiqlanq-anr jaceuq-awr, kaqmur khoer zaqlanr deuq-anr bifnaeq-awr, zaqlanr deuq nae khoergar nuirluf-eu tsawrhaq-anr bi birnaeq-euq mae. Khoerlof-aer durni, aqyawfmaf khar geufmawf-eu lof-aer ngaqshaq khawf birnaeq-euq mae.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 27:35

Pawrluv khoerlof-aer aerghaq-euq nar-aq, kaqmur yur-awr, dawqtawv luf-euq maeqshi Miqyaer-anr jaceuq-awr, ngawqpyaeq-awr aqyawf dzaq-euq mae.