Luˇkaꞈ 23:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, aqyawfmaf ngaeq-aer nar-aq ngaeq-aer yawkhav-aer aer-eu, “Tsawrhaq heughaq-aq, Yurdav mirkhanq doeni maeqmaeq-aer, tsawrhaq baqmaf deuq bi luiqgha lar-euq mae. Gaqliqlaer mirkhanq-anr nae maeqdanq bae-awr, heugar keuvni maeqkeuv lef-euq mae.”

Akha

⁵ Ehˇ kʼawꞈ, Yeˬsuˇ-ahˇ yaw lehˬ poˆ-eu tsawˇ haˬ kʼoeˇ deuˬ yaw kʼaˆ-ehˇ paˇ leh jeh laˇ-awˇ ehˇ-eu, “Yuˇdaˆ miˇ kʼahˬ kʼahˬ lah ni miˇ kʼahˬ zaˬ deuˬ luiˬ gʼa laˇ ni aˬ yawꞈ mehˬ luꞈ tsoˆ luꞈ-eu meh. Gaˬliˬlehˇ miˇ kʼahˬ-ahˇ mehˬ dahˬ beh-awˇ, nymˬ-mˇ heu gaˇ mehˬ keuˆ laˇ-euˬ meh.”

Luˇkaꞈ 23:5 ပူးပေါင်းရင်းမြစ်များ

Jaceuq 22:16

Aqjeq mirnae aernar-aq, aqkuiq deuq, ngaq-anr gajawq taq-awr; Tsawrdoer baqmaf tiq maf, ngaq-anr jawrjawq taq-euq mae. Aqyawfmaf, ngaq-euq aqkuir aqlaf-anr tsawvbyoe naeqlaf-euq mae.

Jaceuq 57:4

Ngaq-euq nuima saflar-aq, arlaqjaqshir-euq ghanrcae jav-awr; Ngar, miqdzaq dof-eu tsawrhaq-euq zaqdeuq-euq ghanrcae yufluf mir-a; Aqyawf maf-euq seuq-aq, ganq hawr-eu kavmyaq-anr dur-awr, Aqyawf maf-euq maeqlar-aq, tav duidui-eu micaer-anr dur-eu mae.

Jaceuq 69:4

Tiqjeq-iq maqngeur-eu gar, ngaq-anr byae-eu tsawrhaq deuq, Ngaq-euq uqduq tsaerkanr myavmaqtser myaq-eu mae. Tiqjeq-iq maqngeur-eu gar, ngaq-anr muir-eu deuq, aqyawfmaf ghaq khav-awr, Ngaq-anr lavcawv-eu laer ghae-eu mae. Ngaq nae maqkhoeq-euq jeq-anr, ngar ya tsoeqkhof naeq-eu mae.

Maꞈtehˬ 11:1

Khoerngae, heulof-aer pyeuflar-euq mae. Yeqsur, zaqlanr 12 ghaq-anr khoerlof-aer dawq bifghaq-euq nar-aq, meuqdeuq-anr dawqmaeq maeq-awr, maeqnaeq tsovnaeq-eu laer khoergar nae dov-ir-euq mae.

Maꞈtehˬ 2:1

Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu,

Maꞈtehˬ 27:24

Pirlav, aqyawf tiqjeq ghaenae-iq maq ghaqler nya-eu uqtaf, tsawrhaq luiqgha lar-eu taef ngar-a laer hawmawr ngae, ircuf ciq-awr tsawrhaq armaf mafma-euq maeqshi aqlaf dzuifdzuif-aer aer-eu, “Tsaq-awr dawr-eu tsawrhaq heughaq-euq shiq lavdov-euq iqbax ngaq-anr maqtaf de-eq, nawmaf-euq navni bijav ma.”

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maˬkuˆ 1:14

Yorhaq kuv-euq lafkhoer bi nyaefur ghaq-euq nar-aq, Yeqsur, Gaqliqlaer mirkhanq-anr lar-awr, Miqyaer uvlanr-eu garkawv guiqlanqdawq maeq-euq mae.

Luˇkaꞈ 11:53

Yeqsur, aqyawf maf-anr khoerlof-aer aernaeqluf ngae, zanr maeq-eu deuq hawr-eu Paqliqsaer deuq danqbae-awr, aqyawf-anr yawkhav-aer taesuf taesuf-aer ghawqmya jeq narhaq-eu lafkhoer,

Luˇkaꞈ 23:23

Aqyawf-anr lafyaq-euq khoertav tafsaef-awq laer aqyawfmaf hawr-eu, pirma aqyuif deuq yawkhav-aer gur-awr aertaer taeq-eu mirnae, arsaq saqlar ngae, aqyawfmaf nae gurghaq-euq mae.

Luˇkaꞈ 23:6

Pirlav, Gaqliqlaer laer aer-eu dawq yagaq ngae, tsawrhaq heughaq Gaqliqlaer tsawrhaq-a laq laer narhaq-euq mae.

Yoˇhaˬ 1:43

Nishawq ngae nan, Yeqsur, Gaqliqlaer mirkhanq-anr irmawf-eu mae. Aqyawf, Pirlirpuv-anr tanqpuq-awr aernaeq-eu, “Ngaq-euq maeqnan cantae lar-awq.”

Yoˇhaˬ 19:15

Aqyawfmaf gur-eu, “Aqyawf-anr lavsaef byov-awq, aqyawf-anr lavsaef byov-awq! Aqyawf-anr lafyaq-euq khoertav tafsaef-awq!” Pirlav, aqyawf maf-anr narhaq-eu, “Ngaq nae nawmaf-euq Sanqpaq-anr bi tafsaef le lor?” Pirma aqyuif deuq aerkhof naeq-eu, “Sanqpaq Gaersaq maqngeur nar-aq, nga’maf sanqpaq nuighaq maqjawr!”

Yoˇhaˬ 2:11

Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 7:41

Tiqpavnav deuq aer-eu, “Heughaq-aq, Kali ngar-a.” Aerkhawf, tiqpavnav deuq aer-eu, “Kali, Gaqliqlaer mirkhanq-anr nae dovlar-a lor?

Yoˇhaˬ 7:52

Aqyawfmaf, aqyawf-anr aerkhof naeq-eu, “Nawr khawf, Gaqliqlaer mirkhanq-anr nae oe-euq le lor? Nawr povtser haw-ir sher-eq. Gaqliqlaer mirkhanq-anr nae Miqyaer gharduq ngaeqdan-eu tsawrhaq tiqghaq-iq maq dovlar haw-aq.”

Gʼaˬkʼehˇ 10:37

Yorhaq, bartirsaq-euq garkawv dawqmaeq maeq-eu khoer dzeur-euq nar-aq, Gaqliqlaer mirkhanq-anr danqbae-awr, Yurdav mirkhanq doeni maeqkhawq jir-euq dawq heu-anr nawmaf siqnya-eu mae.

Gʼaˬkʼehˇ 23:10

Khoerngae, tsawrpyaer pyaer duidui-eu mae. Tsawrhaq khoerdeuq, Pawrluv-anr gheupav gheushav baw-mr laer tanrdzoeq guirhuq khanqlanr-eu mae. Khoermirnae, guirzaq-anr khaer-awr, aqyawf maf-euq ghanrcae nae Pawrluv-anr ludov laq-ir-awr, guirzaq-euq jawrnymr-anr sheuqur laf-awq laer dawq bif-euq mae.

Gʼaˬkʼehˇ 5:33

Aqyawfmaf dawq khoerdawq-anr yagaq ngae, nuima paer duidui lar-awr, ghaqkhaer deuq-anr saef-eu laer tov-eu mae.

Gʼaˬkʼehˇ 7:54

Aqyawfmaf dawq khoer-anr yagaq ngae, nuima-anr tsawvler-awr, Saqteqpaq-anr seuq teuf-eu mae.

Gʼaˬkʼehˇ 7:57

Khoerngae, aqyawfmaf tersar yawkhav-aer gurgur-aer, naqbawr daeqtsoeq-awr, Saqteqpaq jawr-eu gar tiqkawv lof-aer caevghae-euq mae.