Luˇkaꞈ 23:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yeqsur-euq khoertav iqbax taqtaq-aer aer-eu, “Tsawrhaq heughaq-aq, nga’maf-euq tsawrjeuq tsawrca-anr nanrpov-aer daefni sheuqbanq-awr, sanqpaq Gaersaq-anr jeq taq dovnaeq laer lavtsoeq-eu uqtaf, yawqhar yawha Kali laer kur-eu Sanqpaq ma laer khawf, aqyawf aer-eu gar nga’maf yagaq ya’mawr-euq ma.”

Akha

² Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Luˇkaꞈ 23:2 ပူးပေါင်းရင်းမြစ်များ

Jaceuq 35:11

Tsawrkaq geuf-eu yawghae deuq turlar-awr, Aqyawfmaf, ngar maq siqnya-eu jeq-anr keuvni narhaq lar-eu mae.

Jaceuq 62:4

Aqyawfmaf, aqyawf-anr yawgor artiv-anr nae taeka-eu laer taef-aer tov-awr; Aqyawfmaf jaqmyawf myawf-eu gar laqkhaq caer-eu mae; Aqyawf maf-euq khaqmae dawq ngaeqghae-eu khawf, Aqyawf maf-euq lafkhoer paw yaqkhaer yaq-eu mae. Sela.

Maꞈtehˬ 17:27

Aerkhawf, khoerlof-aer janr nar-aq, aqyawfmaf sanqtif tif-eu jeq nga. Khoermirnae, nawr, lan-anr ir-awr ngaqjuif juif-ir-awq. Juifmi baebae-euq ngaqshaq khoermawr-anr nyaef-awr, khaqmae ngawqnga ngae, pyur tiq byav anr-eu gar ya’mawr taef-a. Pyur khoerbyav yur-awr, arnyaf-euq gharduq, aqyawf maf-anr jeq dovler-awq.”

Maꞈtehˬ 22:21

Aqyawfmaf aer-eu, “Sanqpaq Gaersaq-euq nga.” Yeqsur aer-eu, “Tox-aer mar-iq, sanqpaq Gaersaq-euq myawq-aq, sanqpaq Gaersaq-anr bif-awr, Miqyaer-euq myawq-aq, Miqyaer-anr bif-awq.”

Maꞈtehˬ 27:11

Yeqsur, meuqsanr-euq maeqshi yawfluf ngae, meuqsanr, aqyawf-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur, aqyawf-anr aerkhof naeq-eu, “Nawr aer-eu lof-aer ngeur ma.”

Maˬkuˆ 12:17

Khoerngae, Yeqsur aer-eu, “Sanqpaq Gaersaq-euq myawq-aq, sanqpaq Gaersaq-anr bif-awr, Miqyaer-euq myawq-aq, Miqyaer-anr bif-awq.” Khoerngae, aqyawfmaf, aqyawf-anr zanq duidui ler-euq mae.

Maˬkuˆ 15:2

Khoerngae, Pirlav, Yeqsur-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur aerkhof naeq-eu, “Nawr aer-eu lof-aer ngeur ma.”

Luˇkaꞈ 23:14

aqyawf maf-anr heulof-aer aernaeq-euq mae: “Tsawrhaq heughaq, tsawrhaq baqmaf-anr sheuqbanq-eu ghaq mae laer nawmaf aer-awr, ngar jawr-eu gar sheuqlaf-euq mae. Hawsher-eq. Ngar, nawmaf-euq maeqshi aqyawf-anr narhaqtser ngae, nawmaf, aqyawf-euq khoertav iqbax taq-eu lof-aer, ngar yawlaeq tiqjeq-iq maq povmawrnya nya.

Luˇkaꞈ 23:5

Aerkhawf, aqyawfmaf ngaeq-aer nar-aq ngaeq-aer yawkhav-aer aer-eu, “Tsawrhaq heughaq-aq, Yurdav mirkhanq doeni maeqmaeq-aer, tsawrhaq baqmaf deuq bi luiqgha lar-euq mae. Gaqliqlaer mirkhanq-anr nae maeqdanq bae-awr, heugar keuvni maeqkeuv lef-euq mae.”

Yoˇhaˬ 18:29

Khoermirnae, Pirlav, aqyawfmaf jawr-eu gar dovle-awr narhaq-eu, “Nawmaf, tsawrhaq heughaq-anr yawlaeq aqjeq daq-eu le?”

Yoˇhaˬ 18:30

Aqyawfmaf aerkhof naeq-eu, “Tsawrhaq teughaq yawdoer jeq maqmr-euq lawnmr-aq, nga’maf, nawr jawr-eu gar maq sheuqha lar-ar.”

Yoˇhaˬ 19:12

Khoerngae nae nar-aq, Pirlav, Yeqsur-anr pyaeqnaeq-eu garma pov-euq mae. Aerkhawf, Yurdav tsawrhaq deuq gur-awr aer-eu, “Nawr teughaq-anr pyaeq nar-aq, nawr-aq, sanqpaq Gaersaq-euq cawq maqngeur-a. Yawqhar yawqha sanqpaq ma laer kharaer-eu tsawrhaq-aq, sanqpaq Gaersaq-anr puiq-eu tsawrhaq mae.”

Gʼaˬkʼehˇ 24:13

Nymq-mr aqyawfmaf, ngaq-euq yawlaeq daq-eu garkawv teudeuq khawf, tsawrkaq kur-awr nawq-anr maqbi dzawrnaeq nya-a.

Gʼaˬkʼehˇ 24:5

Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Lormav 13:7

Tsawrhaq yawqghaq navluf-anr bif paq-aer ghae-eu lof-aer bifnaeq-awq. Jeq tafnaeq paq-aer ghae-eu deuq-anr tafnaeq-awr, pyur dovnaeq paq-aer ghae-eu deuq-anr dovnaeq-awq. Guv paq-aer ghae-eu tsawrhaq-anr guv-awr, taqhuiqnaeq paq-aer ghae-eu tsawrhaq-anr taqhuiq naeq-awq.