Luˇkaꞈ 22:70 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷⁰ Khoerngae, aqyawfmaf dawqtawvluf aer-eu, “Tox-aer mar-iq, nawr-aq, Miqyaer-euq Zaqyo nga aerlawq?” Yeqsur, aqyawf maf-anr aernaeq-eu, “Nawmaf aer-eu lof-aer ngar pyeuf-eu ma.”

Akha

⁷⁰ Kʼoeˇ ngeh, aˬ yawꞈ maꞈ dawˬ tawˆ luꞈ ehˇ-eu, “Toˆ-ehˇ ngeuˇ naˇ, nawˇ Miˬyehˇ-euˬ Zaˬmaˇ ngeuˇ te loˇ.” Aˬ yawꞈ ehˇ-eu, “Ngeuˇ meh lehˇ naw maꞈ ehˇ ngaˇ tawˇ.”

Luˇkaꞈ 22:70 ပူးပေါင်းရင်းမြစ်များ

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Maꞈtehˬ 26:25

Khoerngae, Yurdav, Yeqsur-anr anqdzaq-euq khoerghaq narhaq-eu, “Saqlaq-or! Ngar-a lor?” Khoerngae, Yeqsur, aqyawf-anr aernaeq-eu, “Nawr aer-eu lof-aer mae.”

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

Maꞈtehˬ 27:11

Yeqsur, meuqsanr-euq maeqshi yawfluf ngae, meuqsanr, aqyawf-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur, aqyawf-anr aerkhof naeq-eu, “Nawr aer-eu lof-aer ngeur ma.”

Maꞈtehˬ 27:43

Aqyawf, ‘Ngar-aq, Miqyaer-euq Zaqyo ma’ laer aer-eu mae. Aqyawf, Miqyaer-anr ghoe-eu ngar-a, Miqyaer, aqyawf-anr hageuf nar-aq, nymq-mr nae aqyawf-anr bibuq-ir luf-ur.”

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Maˬkuˆ 14:62

Khoerngae, Yeqsur aer-eu, “Ngar ngeur ma. Tsawrhaq-euq Zaqyo Baoq-euq armar paw nuirluf-eu gar maqaer, (Jc 110:1) mqtav-euq mqdmr-anr dziq-awr zafka le-eu gar maqaer, nawmaf ya’mawr taef-a.” (Dyl 7:13)

Maˬkuˆ 15:2

Khoerngae, Pirlav, Yeqsur-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur aerkhof naeq-eu, “Nawr aer-eu lof-aer ngeur ma.”

Luˇkaꞈ 22:71

Khoerngae, aqyawfmaf aer-eu, “Aqduimaf sarkir nuijeq aqjeq parmawf-eu? Aqjeq mirnae aernar-aq, aqyawf-euq khaqmae nae ngaeqdov lef-euq dawq, aqduimaf ya gaqghaq-euq ma.”

Luˇkaꞈ 23:3

Pirlav, Yeqsur-anr narhaq-eu, “Nawr, Yurdav tsawrhaq-euq Sanqpaq le lor?” Khoerngae, Yeqsur aerkhof naeq-eu, “Nawr aer-eu lof-aer ngeur ma.”

Luˇkaꞈ 4:41

“Nawr-aq, Miqyaer-euq Zaqyo Kali mae” laer gurgur-aer naefdeuq khawf ghawqmya ghaq-euq lafkhoer nae dovle-euq mae. Aqyawf-aq, Kali mae laer aqyawfmaf siqnya-eu mirnae, Yeqsur, aqyawf maf-anr dawq maqbi ngaeqni daeq-euq mae.

Yoˇhaˬ 1:34

Ngar khoer-anr ya’mawr-awr, tsawrhaq khoerghaq-aq, Miqyaer-euq Zaqyo mae laer ngar sarkir kamq-eu ma.”

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 10:36

Aqda nae tserdov-awr, mirtsaq-euq khoertav bi’oe-euq khoerghaq, ‘Ngar-aq, Miqyaer-euq Zaqyo ma’ laer aer-eu mirnae, nawmaf, ‘Nawr, Miqyaer-anr yaeqbawq saerlu-aer aer-eu nga’ laer aer-eu le lor?

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Yoˇhaˬ 19:7

Yurdav tsawrhaq aerkhof naeq-eu, “Nga’maf zanrdawq jav-eu ma. Nga’maf-euq zanrdawq jav-eu lof-aer nar-aq, aqyawf shir-eu tsaq mae. Aqjeq mirnae aernar-aq, aqyawf-aq, Miqyaer-euq Zaqyo ma laer aer-eu mae.”