Luˇkaꞈ 22:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

Akha

³² Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Luˇkaꞈ 22:32 ပူးပေါင်းရင်းမြစ်များ

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Maꞈtehˬ 26:75

Khoerngae, Beqtuvluv, Yeqsur nae aqyawf-anr, “Yapoer maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a” laer aernaeq-euq dawq khoerdawq-anr noeqdov lar-euq mae. Khoermirnae, aqyawf dov-ir-awr, nuima cawv-eu lafkhoer ngoer duidui-euq mae.

Maˬkuˆ 14:72

Beqtuvluv khoerlof-aer aerghaq-euq naeq-aer, yapoer nyiq tanq tiqtanq doerdov laf-euq mae. Khoerngae, Yeqsur nae aqyawf-anr aernaeq-euq dawq khoerdawq-anr aqyawf noeqdov lar-euq mae, “Yapoer nyiq tanq maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a.” Beqtuvluv garkawv khoer-anr sharnoeq-awr yawkhav-aer ngoer-euq mae.

Maˬkuˆ 16:7

Khoernar-aq, nawmaf ghofler-awr, aqyawf-euq zaqlanr-anr hawr-eu Beqtuvluv-anr heulof-aer aernaeq ler-awq, aqyawf, nawmaf-euq maeqhu nae Gaqliqlaer mirkhanq-anr leluf-eu mae. Aqyawf nae aertaq-euq lof-aer, khoergar nawmaf, aqyawf-anr ya’mawr taef-a.”

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Yoˇhaˬ 14:19

Tiqkhaeq ghae nar-aq, mirtsaqzaq, ngaq-anr maqpar ya’mawr-ar. Aerkhawf, nawmaf, ngaq-anr ya’mawr taef-a. Aqjeq mirnae aernar-aq, ngar daefluf-eu mirnae, nawmaf khawf yadaef taef-a.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Lormav 8:32

Miqyaer cirkhof maqkhof-aer aqyawf-euq Zaqyo khawfni, aqdui dawqtawv luf-euq gharduq bifnaeq lef-euq ngeur nar-aq, aqyawf-euq Zaqyo naeq-aer tiqkawv lof-aer aqyawf kharjav-eu yawqjeq navluf, aqdui-anr yawqngaef-aer bifnaeq lef-eu maqngeur-ar lor?

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

2 Tiˆmoˇseˬ 2:18

Aqyawfnyaf, “Ghofdaef lar-eu laer aer-eu jeq-aq dzeur-euq mae” laer aeraer-aer, yawtsaq yawdawr jeq-anr garbanq banq-awr, tsawrhaq ghawqmya ghaq-euq jan-eu nuima-anr lavcawv luf-eu mae.

Tiˇtuˆ 1:1

Ngar-aq, Miqyaer-euq zaqkhav hawr-eu Yeqsur Kali-euq ghaqkhaer Pawrluv ma. Miqyaer nae tserdov taq-euq tsawrhaq jan-eu jeq-anr cantae-awr, Miqyaer-anr yawzeu baw-eu yawtsaq yawdawr-anr siqnya larni,

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

1 Beˬtuˆluˆ 1:1

Ngar-aq, Yeqsur Kali-euq ghaqkhaer Beqtuvluv ma. Boqtuv, Gaqlaqtiv, Gaqbaqdawrciv, Aqsir hawr-eu Beqturnir-anr jawrbyav taq-euq deuq-anr sanqbof heupur bofanr lef-euq ma.

1 Beˬtuˆluˆ 1:13

Khoermirnae, nawmaf-euq nuima yawmuiq-aer laeqhmq-awr, yawbeur beur-aer daef-awq. Yeqsur Kali-anr byacaevni ya’mawr ngae nan, aqyawf, nawmaf-anr bifnaeq laf-eu guiqlanq yawdzanr-anr taef-aer noeqtmq taq-awq.

1 Beˬtuˆluˆ 1:5

Arsaq saqlar ngae, nawmaf-euq gharduq laeqhmq taq-euq, kakhof-eu jeq byacaevni panmaeq naeqlaf-awr, nawmaf kharjan-eu deuq-anr Miqyaer, aqyawf-euq baoq nae bosav luf-eu mae.

2 Beˬtuˆluˆ 3:14

Khoermirnae, ngar zawr gaq-eu cawqdeuq-or! Nawmaf khoerdeuq-anr noeqtmq-awr dawq-awq. Aqyawf-euq maeqshi, nawmaf nuisar of-eu lafkhoer, marbyawf maqbaw-aer aerkhar maqza nga laer aqyawf mawrni laejae-awq.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.