Luˇkaꞈ 22:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar, nawmaf-anr aernaeq nyar, Miqyaer uvlanr-eu lafkhoer, dzaqbyawr heu-euq dawqtsuif maq byanlar-euq khoer-aq, ngar dzaqbyawr heu-anr maqpar dzaq ma.”

Akha

¹⁶ Aˬ jeˬ miˇ neh ehˇ naˇ, Miˬyehˇ Miˇkʼahˬ laꞈ kʼoeˇ dzaˬ byawˇ heu-euˬ dawˬ tsuiꞈ maˬ byah laˇ kʼoeˇ keuˆ ni, dzaˬ byawˇ heu ngaˇ maˬ paˇ dzaˬ ma lehˇ, naw maꞈ-ahˇ ngaˇ ehˇ-eu ma.”

Luˇkaꞈ 22:16 ပူးပေါင်းရင်းမြစ်များ

Luˇkaꞈ 12:37

Yawsanr ghaq ghoflar ngae, yawbeur beur-aer lofluf-eu kuirlaf zaqkhav deuq-aq, guiqlanqhuiq taef-a. Ngar, nawmaf-anr aqdirma-aer aernaeq nyar, yawsanr ghaq jofpaf paf-awr, kuirlaf zaqkhav deuq-anr hawqjawq bijawq-awr, aqyawf hawqbyawr lavdawvnaeq taef-a.

Luˇkaꞈ 14:15

Yeqsur naeq-aer hawqjawq jawqluf-eu tiq ghaq dawq khoerdeuq-anr yagaq ngae Yeqsur-anr aernaeq-eu, “Miqyaer uvlanr-eu lafkhoer yadzaq-eu tsawrhaq guiqlanq huiq-eu mae.”

Luˇkaꞈ 22:15

Khoerngae, Yeqsur, aqyawf maf-anr heulof-aer aernaeq-euq mae, “Ngar, shaqzanq maqya daq-euq minav-aer, nawmaf naeq-aer Baqsaqkaq dzaqbyawr heubyawr dzaqtaf mawf duidui mir-a.

Luˇkaꞈ 22:18

Ngar, nawmaf-anr aernaeq nyar, Miqyaer uvlanr-eu jeq maq keuvle-euq khoer-aq, ngar, aqgaf dzaruir heu maqpar dawr ma.”

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Gʼaˬkʼehˇ 10:41

Mirkhanqzaq dawqtawv luf-anr bimawr-euq maqngeur-a. Sarkir bikamq-eu laer yawbae ngae nae, Miqyaer nae tserdov taq-euq nga’maf-anr bimawr naeqlaf-euq taef mae. Aqyawf shir-euq gar nae ghofdaef lar-awr, nga’maf, aqyawf naeq-aer dzaqtaf dawrtaf-euq ma.

Panmaeq 19:9

Khoernar-aq, mqtav ghaqkhaer khoerghaq, ngaq-anr aernaeq laf-eu, “ ‘Yawrzaq oermr bar-eu gar lar-awq laer kurtaq-euq tsawrhaq deuq-aq, guiqlanq huiq-eu mae’ laer nawr boftaq-awq.” Aqyawf, ngaq-anr paraer-eu, “Dawq heudawq-aq, aqdir aqmar Miqyaer nae ngaeq-euq dawq mae.”