Luˇkaꞈ 21:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yeqsur heulof-aer aernaeq-euq mae, “Aqcawq nae nawmaf-anr maershuir maqya bi shuirtawvni yanr-awq. Aqjeq mirnae aernar-aq, tsawrhaq ghawqmya’ni ngaq-euq tsawrmyanr-anr ghoeghoe-aer, ‘Ngar-aq, Kali ma’ laer aer-awr, ‘Aryamq dawqpae paele-euq mae’ laer aer taef-a. Khoermirnae, aqyawf maf-euq maeqnan taqcan taeghae.

Akha

⁸ Yeˬsuˇ ehˇ-eu, “Aˬ cawˬ neh gaˇ ma maˬ bi sheuˬ bahˬ ni yaw gahˇ gahˇ-ehˇ dehꞈ-awˬ. Aˬ jeˬ miˇ neh ehˇ naˇ, ngaˬ-euˬ gʼaˇ duˬ ngehˬ dah le-euˬ ma lehˇ ehˇ-eu tsawˇ haˬ gʼawˬ mya gʼaˬ doˆ le-awˇ, ‘Ngaˇ aˬ yawꞈ ma. Aˇ nah aˇ yamˬ kʼoeˇ yamˬ keuˆ le-euˬ meh’ lehˇ ehˇ tehꞈ-a. Aˬ yawꞈ maꞈ-euˬ mehˬ nah naw maꞈ taˬ caw teh.

Luˇkaꞈ 21:8 ပူးပေါင်းရင်းမြစ်များ

Maꞈtehˬ 24:11

Khoeruqtaf, Miqyaer gharduq ngaeqdan-eu jaqmyawf deuq ghawqmya’ni dovle-awr, tsawrhaq ghawqmya ni-anr sheuqbanqghae taef-a.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Luˇkaꞈ 17:23

‘Heugar hawlar-awq. Khoergar haw-ir-awq’ laer aqcawq, nawmaf-anr aerlar ngae, nawmaf taqhaw-ir. Aqyawf maf-euq maeqnan khawf taq cantae.

Luˇkaꞈ 21:7

Khoerngae, aqyawfmaf, Yeqsur-anr narhaq-eu, “Saqlaq-or, heudeuq aqmyan pyeuflar-eu la? Heudeuq pyeuflar-eu laer ghae ngae, bisiq bimawr-eu jeq, aqgeu jeq ya’mawr-eu la?”

Luˇkaꞈ 21:9

Guirdeuv deuvluf-eu gar maqaer, mirkhanq suqsaq luf-eu gar maqaer, nawmaf yagaq ngae guv-eu nuima taqanr. Aqjeq mirnae aernar-aq, heudeuq jeqhu ya pyeuflar-eu mae. Aerkhawf, tiqpov taef-aer arsaq saq-eu aryamq keuvle-eu maqngeur-a.”

Yoˇhaˬ 5:43

“Ngar, ngaqDa-euq tsawrmyanr-euq uqmov oe-euq khawf, nawmaf, ngaq-anr maq hageuf-a. Aqcawq, yawqha-euq tsawrmyanr-euq uqmov oe-eu lawnmr-aq, nawmaf, aqyawf-anr hageuf taef-a.

Yoˇhaˬ 8:24

Khoermirnae, ngar, nawmaf-anr, ‘Nawmaf-aq, nawmaf-euq iqbax-euq lafkhoer yashir taef-a’ laer aernaeq-euq ma. Ngaq-anr khoerghaq ngar-a laer nawmaf maqjan nar-aq, nawmaf-aq, nawmaf-euq iqbax-euq lafkhoer yashir taef-a.”

Yoˇhaˬ 8:28

Khoermirnae, Yeqsur, aqyawf maf-anr heulof-aer aernaeq-euq mae: “Nawmaf, Tsawrhaq-euq Zaqyo-anr khanqtur ngae, ngar-aq, khoerghaq ngar-a laer siqnya-eu uqtaf, ngar-aq, yawqha yawqha taef-aer tiqjeq-iq maqmr-aer, ngaqDa nae ngaq-anr maeq-euq lof-aer ngar heudeuq aer-eu ngar-a laer nawmaf yasiq taef-a.

1 Gawˇliˬtu 6:9

Nawmaf, maqtsaq maqdawr-eu tsawrhaq, Miqyaer uvlanr-eu jeq maqza nya-a laer maq siqnya-eu le lor? Taq noeqlaeq de-eq. Maqtsaq-eu lafkhoer banq-awr joe-eu, tanqpanq aqma mawrkawr-anr uqduq tanq-eu, banq-awr joe-eu, aqli yawkaq aqli maqngeur nar-aq, aqbur yawkaq aqbur banq-awr joe-eu, aqli yawkaq aqli mawrdo anq-eu tsawrhaq deuq,

Eˇpeˇsu 5:6

Gardanr maqtsoeq-eu dawq zmq-awr tiqghaq nae-iq nawmaf-anr maershuir taqbi shuirtawvlar. Aqjeq mirnae aernar-aq, heudeuq-euq baqda’nae, Miqyaer nuima paer duidui-eu jeq, maq narhaq geuf-eu tsawrhaq-euq khoertav keuvle taef-a.

2 Teˇsaˬloˇni 2:3

Tiqghaq-iq nawmaf-anr tiqjeq ghaenae-iq maqbi shuirtawvni yanr-awq. Aqjeq mirnae aernar-aq, arnan khoernan maq lavsav ghaq-euq minav-aer, yawbae jeq-aq, tsawrhaq ghawqmya’ni Miqyaer-anr byaer taef-a. Khoernar-aq, iqbax-euq yawsanr ghaq bi dovlar taef-a. Aqyawf-aq, lavcawv-eu ghaq-euq zaq mae.

2 Tiˆmoˇseˬ 3:13

Aerkhawf, yawdoer jeq mr-eu tsawrhaq hawr-eu jaqmyawf maershuir shuir-eu tsawrhaq deuq-aq, ngaeq-aer nar-aq ngaeq-aer doerdzaeqlar taef-a. Aqyawfmaf, aqcawq-anr maershuir shuir-eu lof-aer, aqcawq khawf aqyawf maf-anr maershuirshuir taef-a.

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

2 Yoˇhaˬ 1:7

Jaqmyawf myawf-eu tsawrhaq ghawqmya ghaq mirtsaq doeni ir-awr, Yeqsur Kali-aq, mawrdo baw-awr zafka le-euq mae laer sarkir maqkamq-a. Khoerdeuq-aq, jaqmyawf myawf-eu tsawrhaq hawr-eu Kali-anr muir-eu tsawrhaq mae.

Panmaeq 1:3

Miqyaer gharduq ngaeqdan-eu dawq heudeuq-anr gui-eu tsawrhaq, yagaq-eu tsawrhaq hawr-eu mrcaw-eu tsawrhaq-aq, guiqlanqhuiq taef-a. Aqjeq mirnae aernar-aq, aryamq keuvle shaw-iq mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.