Luˇkaꞈ 20:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawf ghoflar-awr, aqgaf yarkmr-anr mr-eu khoerdeuq-anr saef-awr nae, yarkmr khoerkmr nuideuq-anr par ngaqnaeq taef-a.” Khoerngae, yagaq-euq deuq aer-eu, “Khoerlof-aer maq pyeuflar khmq-ar.”

Akha

¹⁶ Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Luˇkaꞈ 20:16 ပူးပေါင်းရင်းမြစ်များ

Maꞈtehˬ 21:34

Aqgaf arsiq pyav-eu aryamq tsaqlar ngae, aqyawf-euq kuirlaf zaqkhav tiqdeuq-anr aqgaf yarkmr-anr mr-eu deuq jawr-eu gar bile-awr, aqgaf arsiq bi pilaq ler-euq mae.

Maꞈtehˬ 21:41

Aqyawfmaf, Yeqsur-anr aerkhof-eu, “Aqyawf, tsawrcawv khoerdeuq-anr yawkhav-aer janrnaeq taef-a. Khoernar-aq, aqyawf, aryamq tsaq ngae, aqgaf arsiq pyavnaeq-eu aqgaf yarkmr-anr mr-eu tsawrhaq yawqdeuq yawq-anr par ngaqnaeq taef-a.”

Maꞈtehˬ 22:7

Sanqpaq khoerghaq garkawv khoer-anr yagaq ngae, nuima paer duidui lar-awr, guirzaq deuq-anr khaerghae-awr nae, kuirlaf zaqkhav deuq-anr saef-euq tsawrhaq khoerdeuq-anr bisaef-ir-euq mae. Aqyawf maf-euq meuq-anr khawf bi keuqdzae-euq mae.

Maˬkuˆ 12:9

“Khoerngae jawr, aqgaf yar-euq yawsanr ghaq aqjox-aer janrnaeq-eu jeq nya? Aqyawf ghoflar-awr aqgaf yarkmr mrpav pav-eu khoerdeuq-anr saef-awr, aqgaf yarkmr khoerkmr nuideuq-anr bi mrpavpav taef-a.

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Luˇkaꞈ 20:15

Khoernar-aq, aqyawfmaf, aqyawf-anr aqgaf yarkmr-euq lafnyir paw taedov ghae-awr saef-euq mae. Khoerngaejawr, yarsanr ghaq, aqyawf maf-anr aqjox-aer janrnaeq-eu jeq la?

Gʼaˬkʼehˇ 13:46

Khoermirnae, Pawrluv hawr-eu Baqnaqbar nuima khaqduqni anrlar-awr heulof-aer aernaeq-euq mae: “Miqyaer-euq dawq nawmaf-anr jeqhu maeqnaeq-eu-aq tsaq mae. Aerkhawf, nawmaf, Miqyaer-euq dawq-anr byaerdzae-awr, li-eu maqbawni daef-eu jeq za-eu-aq, yawqha maqgeux-a laer dar-eu mirnae, nga’nyaf, aqcawq tsawrjeuq tsawrca jawr-eu paw ciqpyawr ma.

Lormav 11:1

Tox-aer mar-iq, ngar narhaq mawf-eu-aq, Miqyaer, aqyawf-euq tsawrhaq-anr byaerdzae-euq la laq? Tiqpawf-iq maqngeur-a. Aqjeq mirnae aernar-aq, ngar khawf Irsaqleqlav tsawrhaq ma. Aqbyaqhaq-euq aryoeq pyeuf-eu Beqyaqmiq-euq arjeuq arca ma.

Lormav 11:11

Tox-aer mar-iq, ngar narhaq mawf-eu-aq, Irsaqleqlav tsawrhaq sanqtif tif-euq khoer-aq, aqyawfmaf bi coqdzae-eu laer la lor? Maqngeur-a. Irsaqleqlav tsawrhaq coq-ir-euq khoer-aq, aqcawq tsawrjeuq tsawrca-anr kakhof-eu jeq bi keuvle-awr, Irsaqleqlav tsawrhaq myavnav binav-eu gharduq mae.

Lormav 3:31

Tox-aer ngeur nar-aq, aqdui jan-eu jeq-anr ghoe-awr zanrdawq-anr lavbyov-eu nga lor? Maqngeur, zanrdawq-anr lavzif-eu ma.

Lormav 3:4

Tiqpawf-iq maqngeur-a. Tsawrhaq dawqtawvluf jaqmyawf pyeufjir-euq khawf, (Jc 116:11) Miqyaer-aq, tsaq-awr dawr-eu mae. Yaerbof-euq lafkhoer boftaq-euq lof-aer, “Nawq-euq dawq baqda’nae, nawr-aq, dawr-awr tsaq-eu nga laer dovlar-awr, Nawq-anr yarkhaq darlar ngae nawr ghaqler taef-a.” (Jc 51:4)

Lormav 3:6

Khoerlof-aer maqngeur-a. Khoerlof-aer ngeur-eu law nar-aq, Miqyaer, mirtsaqzaq-anr yarkhaq aqjox-aer dar nmr-mq?

Lormav 6:15

Tox-aer mar-iq aqjox-aer la? Aqdui zanrdawq-euq uqmov maqpar jawr-aer, Miqyaer-euq guiqlanq yawdzanr-euq uqmov jawrluf-eu mirnae, iqbax mr-eu tsaq taef-a lor? Tiqpawf-iq maqtsaq-a.

Lormav 6:2

Khoerlof-aer tiqpawf-iq taqmr! Aqdui iqbax-anr nae shirdzeur-euq tsawrhaq, iqbax-euq lafkhoer aqjox-aer par daefghae-eu?

Lormav 7:13

Tox-aer mar-iq, yawmuiq jeq khoer ngaq-anr bishir laf-eu nga lor? Tiqpawf-iq maqngeur-a de-eq. Ngaq-anr bishir laf-eu-aq iqbax mae. Iqbax-aq, iqbax nga laer bi dovlarni, yawmuiq jeq-anr ghoe-awr ngaq-anr bishir laf-euq mae. Khoermirnae, zanrtaq khoftaq-aq, iqbax arnavni doer-eu nga laer byacaevni maeqnaeq laf-euq mae.

Lormav 7:7

Tox-aer ngeur nar-aq, aqdui aqjox-aer aer nmr-mq? Zanrdawq-aq, iqbax pyeuf-eu la lor? Tiqpawf-iq maqngeur-a de-eq. Zanrdawq maqjav lawnmr-aq, ngar, iqbax-anr maq siqnya-a. “Aqcawq-euq myawq-anr maerjuir taqjuir,” (Di 20:17; Dm 5:21) laer zanrdawq maqaer lawnmr-aq, ngar maerjuir juir-eu jeq-anr maq siqnya-a.

Lormav 9:14

Tox-aer mar-iq, aqdui aqjox-aer aer-eu paq nga? Miqyaer maqtsaq maqdawr-eu la laq? Maqngeur-a de-eq.

1 Gawˇliˬtu 6:15

Nawmaf-euq mawrdo-aq, Kali-euq arsaer deuq mae laer nawmaf maq siqnya-eu le lor? Ngar, Kali-euq arsaer yur-awr, mawrdo anq-eu tsawrhaq-euq arsaer bipyeuf-ir-eu tsaq taef-a laq? Tiqpawf-iq maqtsaq-ar!

Gaˬlaˬtiˆ 2:17

“Kali-euq baqda’nae, tsaq-awr dawr-eu tsawrhaq pyeuflarni aqduimaf povluf ngae, aqdui khawf iqbaxzaq ma laer dovlar nar-aq, Kali-aq, iqbax-euq gharduq gar mr-eu ghaq-a lor? Maqngeur-a de-eq.

Gaˬlaˬtiˆ 3:21

Tox-aer mar-iq, zanrdawq-aq, Miqyaer nae aertaq-euq dawqma sarjax-anr lavcawv-eu nga lor? Maqngeur-a de-eq! Biftaq-euq zanrdawq khoer, tsawrhaq-anr daef-eu jeq bifnya lawnmr-aq, zanrdawq-euq baqda’nae tsaq-awr dawr-eu jeq aqdir za taef-a.

Gaˬlaˬtiˆ 6:14

Aerkhawf, ngar lawnmr-aq, aqdui-euq Sanqpaq Yeqsur Kali-euq lafyaq-anr taef-aer nuima huiq-awr, nuijeq tiqjeq-anr-iq nuima maqhuiq. Aqyawf-euq baqda’nae, mirtsaq heu-aq, ngaq-euq gharduq lafyaq-euq khoertav taftaeq dzeur-awr, ngar khawf, mirtsaq-euq gharduq-aq, lafyaq-euq khoertav bi tafsaef dzeur-euq ma.