Luˇkaꞈ 20:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, aqgaf yarkmr-anr mr-eu deuq, aqyawf-anr ya’mawr ngae, aqyawf maf-euq yawkaq aer-eu, ‘Teughaq-aq, jeqbir of-eu ghaq ngar-a. Aqyawf-euq jeqbir aqdui-euq pyeuflarni aqyawf-anr saef kar-eur.’

Akha

¹⁴ Ehˇ kʼawꞈ, yaˇ kmˇ mˇ paˆ paˆ-eu tsawˇ haˬ kʼoeˇ deuˬ aˬ yawꞈ-ahˇ mawˇ ngeh heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Aˬ dui maꞈ aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ a dui za tehꞈ-a’ lehˇ ehˇ-eu meh.

Luˇkaꞈ 20:14 ပူးပေါင်းရင်းမြစ်များ

Jaceuq 2:8

Ngaq-anr shar-awq, ngar, nawq-anr jeqbir lof-aer tsawrjeuq tsawrca deuq bifnaeq-awr, Mqdzer mirdzer-anr keuvni, nawq-euq myawqganq bi pyeuflar ma.

Jaceuq 89:27

Ngar, aqyawf-anr ngaq-euq huqbaw aqyuif ghaq khawf bigeuf-awr; Mirtsaq-euq sanqpaq deuq-euq khoertav, gor duidui-eu ghaq bigeuf ma.

Maꞈtehˬ 16:7

Zaqlanr deuq, aqyawf maf-euq yawkaq aer-eu, “Aqduimaf, kaqmur maq yurlef-euq mirnae, aqyawf teulof-aer aer-eu jeq ngar-a.”

Maꞈtehˬ 21:25

Yorhaq-euq bartirsaq mrnaeq-eu jeq aqgeugar nae oe-euq la? Mq-euq khoertav nae oe-euq la lor? Maqngeur nar-aq, tsawrhaq-anr nae lar-euq la laq?” Khoerngae, aqyawf maf-euq yawkaq jasawx-eu lafkhoer aer-eu, “Aqduimaf, ‘Mq-euq khoertav nae oe-euq mae’ laer aernar-aq, aqyawf, ‘Tox-aer mar-iq, nawmaf, aqyawf-anr aqjeq mirnae maqjan-eu le’ laer aerlar taef-a.

Maꞈtehˬ 21:34

Aqgaf arsiq pyav-eu aryamq tsaqlar ngae, aqyawf-euq kuirlaf zaqkhav tiqdeuq-anr aqgaf yarkmr-anr mr-eu deuq jawr-eu gar bile-awr, aqgaf arsiq bi pilaq ler-euq mae.

Luˇkaꞈ 19:47

Yeqsur nan-anr nae uqduq tanqnymr nymrma-euq lafkhoer maeqnaeq tsovnaeq luf-eu mae. Pirma aqyuif deuq, zanr maeq-eu deuq hawr-eu mirkhanqzaq-euq aqyuif aqtsu deuq, aqyawf-anr saef-eu laer jawqluf-eu mae.

Luˇkaꞈ 20:13

“Khoerngae, yarsanr ghaq aer-eu, ‘Ngar aqjox-aer janr-euq paq nga? Ngar zawr gaq-eu ngaq-euq zaqyo-anr bile ma. Aqyawfmaf, ngaq-euq zaqyo-anr mawr ngae yawzeu baw-eu dur.’

Luˇkaꞈ 20:15

Khoernar-aq, aqyawfmaf, aqyawf-anr aqgaf yarkmr-euq lafnyir paw taedov ghae-awr saef-euq mae. Khoerngaejawr, yarsanr ghaq, aqyawf maf-anr aqjox-aer janrnaeq-eu jeq la?

Luˇkaꞈ 20:19

Zanr maeq-eu deuq hawr-eu pirma aqyuif deuq, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, khoerngae yamq-anr nae nar-aq, Yeqsur-anr nyaefmawf-eu mae. Aerkhawf, aqyawfmaf, tsawrhaq baqmaf-anr guv-eu mae.

Luˇkaꞈ 20:5

Khoerngae, aqyawf maf-euq yawkaq jasawx jasawx-aer aer-eu, “Aqdui, ‘Mq-euq khoertav nae oe-euq mae’ laer aernar-aq, aqyawf heulof-aer aerlar taef-a, ‘Tox-aer mar-iq, nawmaf, aqyawf-anr aqjeq mirnae maqjan-eu le?’

Luˇkaꞈ 22:2

Pirma aqyuif deuq hawr-eu zanr maeq-eu deuq, tsawrhaq baqmaf-euq maeqshi Yeqsur-anr maq saefpeuq-eu mirnae, aqjox-aer ghae-awr nae saefbyov nya-eu paq nga laer jawqluf-eu mae.

Gʼaˬkʼehˇ 2:23

Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

HeˬByehˇ 1:2

Arsaq saq-eu arnan aryamq heu-anr-aq, aqyawf-euq Zaqyo-anr ghoe-awr, aqdui-anr ngaeqcawq-euq mae. Dawqtawvluf, aqyawf-euq jeqbir bipyeuf-eu laer, Miqyaer, aqyawf-anr tsaqtsov-awr, Miqyaer, aqyawf-anr ghoe-awr, mq hawr-eu mir-anr baetaq-euq mae.