Luˇkaꞈ 2:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Yorsaev hawr-eu Maqliv, Sanqpaq Miqyaer-euq zanrdawq jav-eu lof-aer dawqtawvluf mrluiv jir-awr, Gaqliqlaer mirkhanq-anr jav-eu aqyawf nyaf-euq meuq Naqzaqlaer-anr ghofler-euq mae.

Akha

³⁹ SahˬpaˬMiˬyehˇ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Yoˇsehˆ hawˇ-eu Maˬliˇ aˬ nyaꞈ dzeˇ zaˬ mˇ byah gʼaˬ ngeh, aˬ yawꞈ pehˬ jawˇ-eu meuˬ pyeuꞈ-eu Gaˬliˬlehˇ miˇ kʼahˬ Naˬzaˬlehˇ meuˬ-ahˇ gʼoꞈ leˇ-euˬ meh.

Luˇkaꞈ 2:39 ပူးပေါင်းရင်းမြစ်များ

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Luˇkaꞈ 1:26

Bala kof siq byanlar ngae, Miqyaer, mqtav ghaqkhaer Gaqbeqlar-anr khaer-awr, Gaqliqlaer mirkhanq-anr jav-eu meuq tiq meuq-anr bi’oe-euq mae. Meuq khoermeuq-aq, Naqzaqlaer laer kur-eu mae.

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Luˇkaꞈ 2:4

Yorsaev khawf, Daqbir-anr tsuif taf-eu arjeuq arca mirnae, Gaqliqlaer mirkhanq-anr jav-eu Naqzaqlaer-anr nae Yurdav mirkhanq-anr jav-eu Baeqlaeqhaeq laer kur-eu Daqbir-euq meuq-anr,

Luˇkaꞈ 2:51

Khoernar-aq, aqyawf, aqyawfnyaf naeq-aer Naqzaqlaer-anr ghofler-awr, aqyawf nyaf-euq lafov yawmuiq-aer jawr-euq mae. Aqyawf-euq aqma-aq, garkawv khoerdeuq dawqtawvluf nuima-euq lafkhoer juiruiq taq-euq mae.

Luˇkaꞈ 4:16

Yeqsur, aqyawf huiqlar-euq Naqzaqlaer-anr lekeuv ngae, aqyawf yawqjawryawq mrlaf-euq lof-aer, landaw jawrnan ngae nan zanrdawq khawqnymr-anr urler-euq mae. Khoernar-aq, Yaerbof gui-eu laer aqyawf turlar-euq mae.

Luˇkaꞈ 4:23

Khoerngae, Yeqsur, aqyawf maf-anr aernaeq-eu, “ ‘Nargawr lavsav-eu tsawrhaq-or! Nawr, nawq-euq nargawr-anr lavtaq-awq’ laer aer-eu dawqdaq jav-eu lof-aer, nawq nae Gaqbeqneqoq-anr mr-euq gardeuq nga’maf yagaq-euq lof-aer, yawqha-euq jawrkhanq-anr khawf mr-awq lawr’ laer nawmaf, ngaq-anr aerlar taef-a laer ngar siqnya ma.”