Luˇkaꞈ 2:35 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Tsawrhaq ghawqmya ghaq-euq nuima-euq lafkhoer noeqluf-eu deuq pandovlaf taef-a. Nawq-euq nuima saflar-anr micaer tsawvbyoe laf-eu lof-aer ghaelar taef-a.”

Akha

³⁵ aˬ yawꞈ maꞈ-euˬ nui ma laꞈ kʼoeˇ zaꞈ taˬ-euˬ jeˬ-ahˇ awˬ yawꞈ pah dzeh tehꞈ-a. Kʼoeˇ uˬ taꞈ, nui ma-ahˇ mi cehˇ tsawˆ byoe gaˇ duˇ ni, nawˇ shaˬ zahˬ ya mˇ tehꞈ-a.”

Luˇkaꞈ 2:35 ပူးပေါင်းရင်းမြစ်များ

Jaceuq 42:10

Aqyawfmaf, yawqnan navluf ngaq-anr narhaq lar-eu, “Aqlaeq, nawq-euq Miqyaer aqgeugar jawr-eu la?” Ngaq-anr muir-eu deuq, ngaq-anr heulof-aer caeflaef kalar-eu khoer-aq, Ngaq-euq shaqyoeq bi ngawqkhaef-euq gar dur-eu mir-a.

Luˇkaꞈ 2:34

Surmoq, aqnyaf dzerzaq-anr dawq ngaeqghae naeq-awr, zaqnanq-euq aqma Maqliv-anr bisiq bimawr-eu jeq heulof-aer aernaeq-euq mae, “Zaqnanq heughaq-euq baqda’nae Irsaqleqlav tsawrhaq ghawqmya ghaq coqdzae-ir-awr, ghawqmya ghaq turlar taef-a. Aqyawf-aq, aqcawq yaeqbawq saerlu-aer aerduq pyeuf taef-a.

Luˇkaꞈ 2:36

Khoerngae, Aqsaq-euq arjeuq arca Paqnoeqlar-euq zaqmiq Aqna laer kur-eu, Miqyaer gharduq ngaeqdan-eu zaqmiq aqbur tiq ghaq jawr-eu mae. Aqyawf-aq, mawq duidui le-euq mae. Aqyawf miqdaf dafshawr pyeufluf ngae danqdzaq-ir-awr, aqyawf-euq khaqdzerzaq naeq-aer shif khof taef-aer yajawr-awr nae, miqcoeq miqma pyeuf-ir-euq mae.

Yoˇhaˬ 19:25

Yeqsur-euq lafyaq-euq dawqpae aqyawf-euq aqma, aqyawf-euq aqmui, Gaqlawrpar-euq nymrdanq Maqliv hawr-eu, Maqliv Maqgaqdaqlar yawfluf-eu mae.

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.