Luˇkaꞈ 2:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Surmoq, aqnyaf dzerzaq-anr dawq ngaeqghae naeq-awr, zaqnanq-euq aqma Maqliv-anr bisiq bimawr-eu jeq heulof-aer aernaeq-euq mae, “Zaqnanq heughaq-euq baqda’nae Irsaqleqlav tsawrhaq ghawqmya ghaq coqdzae-ir-awr, ghawqmya ghaq turlar taef-a. Aqyawf-aq, aqcawq yaeqbawq saerlu-aer aerduq pyeuf taef-a.

Akha

³⁴ Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Luˇkaꞈ 2:34 ပူးပေါင်းရင်းမြစ်များ

Maꞈtehˬ 11:19

Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, aqcawq, ‘Tsawrhaq heughaq-aq, jiryaef maqbeur-eu dzaqma dawrma pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer aer-eu mae. Aerkhawf, zaqsiq tsawrganr-aq, tsaq-awr dawr-eu nga laer aqyawf-euq zaqdeuq mrdov shardov laf-eu gar nae siqlar-eu mae.”

Maꞈtehˬ 12:46

Yeqsur, tsawrhaq armaf mafma-anr maeqnaeqluf ngae, aqyawf-euq aqma hawr-eu aqyawf-euq maernmr deuq, Yeqsur-anr dawq ngaeqcawqmawf nya laer lafnyir paw yawfluf-eu mae.

Maꞈtehˬ 21:44

Khaqlo khoersiq-euq khoertav gadav-euq yawqghaq navluf khaef-ir khoev-ir taef-a. Khaqlo khoersiq nae kharbi gadav-euq tsawrhaq-aq, ya’meur yaloer-ir taef-a.”

Maꞈtehˬ 27:63

“Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Luˇkaꞈ 2:35

Tsawrhaq ghawqmya ghaq-euq nuima-euq lafkhoer noeqluf-eu deuq pandovlaf taef-a. Nawq-euq nuima saflar-anr micaer tsawvbyoe laf-eu lof-aer ghaelar taef-a.”

Yoˇhaˬ 3:20

Yawdoer jeq kharmr-eu tsawrhaq-aq, yawshaef-anr byae-awr, aqyawf mrluf-euq jeq maqya dovlarni yawshaef bya-eu gar maqlar-a.

Yoˇhaˬ 5:18

Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Gʼaˬkʼehˇ 17:6

Aerkhawf, aqyawf nyaf-anr maq povmawr nya-eu mirnae, Yaqsoq hawr-eu aqyuif aqnyir tiqpavnav deuq-anr gheu-awr meuq-anr uvlanr-eu deuq jawr-eu gar lekeuv ngae, heulof-aer gurgur-aer aer-eu mae, “Mirtsaq povlav par-eu tsawrhaq deuq, heugar khawf oekeuv taq-euq ngar-a.

Gʼaˬkʼehˇ 24:5

Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Gʼaˬkʼehˇ 28:22

Aerkhawf, yawqgar navluf jawr-eu tsawrhaq, armur heumur-anr jadoer luf-eu mae laer nga’maf siqnya ma. Khoermirnae, nawr aqjox-aer noeq-eu le laer nga’maf gaqmawf mir-a.”

Gʼaˬkʼehˇ 4:26

Mirtsaq-euq sanqpaq deuq turlar-awr, uvlanr-eu deuq khawf tiqkawv lof-aer uiqlar taq-awr, Sanqpaq Miqyaer hawr-eu aqyawf-euq Kali-anr muir-eu laer ghae-eu mae.’ (Jc 2:1-2)

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Lormav 9:32

Aqjeq mirnae maqza-euq la? Aqyawfmaf jan-eu jeq-anr maqghoe-aer, zanrdawq mrcaw-eu gar taef-aer ghoe-eu mirnae maqza nya-aq. Khoermirnae, aqyawfmaf sanqtif tif-eu khaqlo-anr sanqtif tif-euq mae.

1 Gawˇliˬtu 1:23

Aerkhawf, aqdui, Kali lafyaq-anr bi tafsaef-euq garkawv dawqmaeq maeq-eu ma. Garkawv heu-aq, Yurdav tsawrhaq-euq gharduq sanqtif tif-eu jeq pyeuf-awr, Heqlaqsar tsawrhaq-euq gharduq zaqsiq tsawrganr maqanr-eu jeq pyeuf-eu mae.

HeˬByehˇ 7:1

Maqlaqkirsaqdaev heughaq-aq, Saqlaeq-euq sanqpaq pyeuf-awr, gor duidui-eu Miqyaer-euq Pirma khawf pyeuf-eu mae. Aqbyaqhaq, sanqpaq deuq-anr deuvsaef ghaq-awr ghoflarluf ngae, Maqlaqkirsaqdaev, aqyawf-anr ha-ir-awr, dawq ngaeqghae naeq-euq mae.

HeˬByehˇ 7:7

Yawhuiq ghaq nae yawnyir ghaq-anr dawq ngaeqghae naeq-eu mae. Garkawv heu-anr pyaerkhar maqza-a.

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.