Luˇkaꞈ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Akha

¹¹ Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Luˇkaꞈ 2:11 ပူးပေါင်းရင်းမြစ်များ

Jaceuq 2:2

Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Maꞈtehˬ 1:16

Yaqkov-euq zaqyo-aq, Maqliv-euq khaqdzerzaq Yorsaev mae. Kali laer kur-eu Yeqsur-aq, Maqliv-anr nae daefle-euq mae.

Maꞈtehˬ 1:21

Aqyawf, zaqyo tiq ghaq ciq taef-a. Nawr, aqyawf-anr Yeqsur laer ya myanrnaeq-eu mae. Aqjeq mirnae aernar-aq, aqyawf, aqyawf-euq tsawrjeuq tsawrca-anr iqbax-euq lafkhoer nae kakhofdov naeq taef-a.”

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Maꞈtehˬ 16:20

Khoerngae, Yeqsur-aq, Kali mae laer tiqghaq-anr-iq maqbi ja’naeq-eu gharduq, Yeqsur, aqyawf-euq zaqlanr deuq-anr dawq bif-euq mae.

Luˇkaꞈ 1:43

Ngaq-euq Sanqpaq-euq aqma, ngar jawr-eu gar lar-eu heu, ngar aqgeugar nae za-euq guiqlanq nga?

Luˇkaꞈ 1:69

Aqyawf-euq kuirlaf zaqkhav Daqbir-euq nymrkhanq-euq lafkhoer, Aqdui-euq gharduq huiq duidui-eu Kakhof-eu ghaq bi turlar-euq mae.

Luˇkaꞈ 2:26

Aqyawf maqshir-euq minav-aer Sanqpaq Miqyaer-euq Kali-anr ya’mawr taef-a laer, Yawshawr Saflar, aqyawf-anr panmaeqnaeq taq-euq mae.

Luˇkaꞈ 2:4

Yorsaev khawf, Daqbir-anr tsuif taf-eu arjeuq arca mirnae, Gaqliqlaer mirkhanq-anr jav-eu Naqzaqlaer-anr nae Yurdav mirkhanq-anr jav-eu Baeqlaeqhaeq laer kur-eu Daqbir-euq meuq-anr,

Yoˇhaˬ 1:41

Aqdaeqlaeq mrbae bae-euq jeq-aq, aqyawf-euq ardov Sirmoq-anr povmawr-ir-awr aernaeq-eu, “Nga’nyaf, Meqsirya-anr ya’mawr-euq ma.” (Meqsirya laer aer-eu-aq, Kali laer aermawf-eu mae.)

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Yoˇhaˬ 11:27

Maqta, aqyawf-anr aernaeq-eu, “Sanqpaq-or! Jan ma. Nawr-aq, mirtsaq-euq khoertav oe mae laer aer-eu Miqyaer-euq Zaqyo Kali mae laer, ngar jan ma.”

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 4:25

Zaqmiq aqbur khoerghaq, aqyawf-anr aernaeq-eu, “Kali laer kur-eu Meqsirya oeluf mae laer, ngar siqnya ma. Aqyawf oe ngae, nga’maf-anr yawqjeq navluf aernaeqlaf taef-a.”

Yoˇhaˬ 4:42

Khoerngae, aqyawfmaf, zaqmiq aqbur khoerghaq-anr aernaeq-eu, “Nymq-mr nga’maf jan-eu-aq, nawq-euq dawq baqda’nae maqngeur-aer, nga’maf, yawqha yawqha yagaq-euq mirnae jan-awr, tsawrhaq heughaq-aq, aqdir aqmar mirtsaqzaq-anr Kakhof-eu ghaq pyeuf-eu Kali ngar-a laer nga’maf siqnya lar-euq ma.”

Yoˇhaˬ 6:69

Khoeruqtaf, nawr-aq, daefluf-eu Miqyaer-euq Zaqyo Kali ngar-a laer, nga’maf siqnya lar-awr janlar-euq ma.”

Yoˇhaˬ 7:41

Tiqpavnav deuq aer-eu, “Heughaq-aq, Kali ngar-a.” Aerkhawf, tiqpavnav deuq aer-eu, “Kali, Gaqliqlaer mirkhanq-anr nae dovlar-a lor?

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

Gʼaˬkʼehˇ 13:23

Miqyaer nae sarjax dzaqtaq-euq lof-aer, Daqbir-euq aryoeq-euq lafkhoer nae, Irsaqleqlav tsawrhaq-euq gharduq Kakhof-eu ghaq bi dovle-euq khoer-aq, Yeqsur mae.

Gʼaˬkʼehˇ 17:3

Kali-aq, shaqzanq yadaq-awr, shir-euq gar nae ya ghofdaeflar mae laer aershaw-awr ja’mawr naeq-eu lafkhoer aer-eu, “Ngar, nawmaf-anr dawqmaeq maeqluf-eu Yeqsur heughaq-aq Kali mae.”

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

Piˇliˇpiˆ 2:11

Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

Gawˇlawˇsehˇ 2:6

Khoermirnae, nawmaf, Sanqpaq Yeqsur Kali-anr hageuf-euq lof-aer, aqyawf-euq lafkhoer daef-awq.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.