Luˇkaꞈ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae yamq-anr, heulof-aer pyeuflar-euq mae. Mirkhanqzaq dawqtawvluf tsawrmyanr yadawv-eu mae laer sanqpaq Gaersaq Awrgurtuv dawq bif-euq mae.

Akha

¹ Kʼoeˇ ngeh, Loˇmaˆ miˇ kʼahˬ laꞈ oˆ kʼaˇ jawˇ-eu miˇ kʼahˬ zaˬ dawˬ tawˆ luꞈ tsawˇ myahˇ ya dawˆ meh lehˇ, sahˬ paˬ Gehˇsaˬ Awˇguˇtuˆ dawˬ biꞈ-euˬ meh.

Luˇkaꞈ 2:1 ပူးပေါင်းရင်းမြစ်များ

Maꞈtehˬ 22:17

Khoermirnae, nawr, nga’maf-anr aernaeq laf-awq, sanqpaq Gaersaq-anr jeq dovnaeq-eu teu, Morseq-euq zanr-anr tsaq mae laq? Nawr aqjox-aer noeq-eu nya?”

Maꞈtehˬ 24:14

Miqyaer uvlanr-eu guiqlanqdawq heu, mirtsaq tanqkhawr doeni dawqmaeq ya’maeq-ir-awr, mirkhanq-euq tsawrjeuq dawqtawv luf-anr sarkir ya kamqnaeq-ir taef-a. Khoernar-aq, arsaq saq-eu aryamq keuvle taef-a.

Maˬkuˆ 14:9

Ngar, nawmaf-anr aqdirma-aer aernaeq nyar, mirtsaq doeni guiqlanqdawq heu khar maeqkeuv-ir gar, zaqmiq aqbur heughaq nae mr-euq garkawv heu khawf maeqnaeq-awr, aqyawf-anr noeqkeuv taef-a.”

Maˬkuˆ 16:15

Khoernar-aq, Yeqsur, aqyawf maf-anr heulof-aer aernaeq-euq mae: “Mirtsaq doeni ir-awr, tsawrhaq dawqtawv luf-anr guiqlanqdawq maeqnaeq-ir-awq.

Luˇkaꞈ 2:3

Tsawrhaq dawqtawvluf tsawrmyanr dawv-eu laer yawqha-euq meuq-anr ir-euq mae.

Luˇkaꞈ 2:5

aqyawf sheuq ma laer aertsaev taq-euq Maqliv naeq-aer tsawrmyanr dawv-ir-euq mae. Khoerngae, Maqliv zaq ciqder le-euq mae.

Luˇkaꞈ 3:1

Gaersaq Diqbeqlir sanqpaq uqdzan geuf-awr dzoeq-eu 15 khof byanlar ngae, Yurdav mirkhanq-anr Boqtiv Pirlav meuqsanr geufluf-awr, Gaqliqlaer mirkhanq-anr Heqlor uvlanr luf-awr, Irtuqlaer hawr-eu Daqlaqgawrnir-anr Heqlor-euq maernmr Pirlirpuv uvlanr luf-awr, Aqbirleq-anr Lursaqnir uvlanr luf-eu mae.

Gʼaˬkʼehˇ 11:28

Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Gʼaˬkʼehˇ 25:11

Ngar shir paq-aer geux-eu yawlaeq mrtaq-euq jav-eu lawnmr-aq, yashir-eu law-awr khawf ngar tiqjeq-iq maqaer. Aerkhawf, aqyawfmaf, ngaq-euq yawlaeq daq-eu deuq, ngar tiqjeq-iq maq mrbanq-euq gar-aq, tsawrhaq tiqghaq-iq aqyawf maf-euq aqlaf-euq lafkhoer ngaq-anr maqbi keuv-ir nya-ar. Ngar, Gaersaq jawr-eu gar yarkhaq bidar-ir laf laer shar ma.”

Gʼaˬkʼehˇ 25:21

Aerkhawf, Pawrluv, Awrgurtuv nae yarkhaq maqbi dar-euq khoerkeuvni bijawr naeqlaf laer, aqyawf shar-eu mirnae, Gaersaq jawr-eu gar maq sheuqha-ir-euq khoerkeuvni, aqyawf-anr heugar kalanr taq-awq laer ngar dawq bif-euq ma.”

Lormav 1:8

Yawbae jeq-aq, nawmaf, Miqyaer-anr jan-eu garkawv mirkhanq doeni gaqdoe-ir-euq mirnae, ngar, nawmaf dawqtawv luf-euq gharduq Yeqsur Kali-anr ghoe-awr ngaq-euq Miqyaer-anr jaceuq ma.

Piˇliˇpiˆ 4:22

Tsawrshawr dawqtawvluf, nawmaf-anr dawqcawq puqanr lef-awr, aqcawq navmaqtser, sanqpaq Gaersaq-euq nymr-anr jawr-eu deuq, nawmaf-anr dawqcawq puqanr lef-euq mae.