Luˇkaꞈ 19:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, Yeqsur heulof-aer aernaeq-euq mae, “Tsawrhuiq tsawrma tiq ghaq garmanr kaq-eu mirkhanq-anr ir-awr, mirkhanq-anr uvlanr-eu dzoeqdzaq hageuf laq-ir-euq mae.

Akha

¹² Kʼoeˇ miˇ neh, aˬ yawꞈ heu loꞈ-ehˇ ehˇ-eu meh. “Sahˬ paˬ-euˬ aˇ jeuˬ pyeuꞈ-eu yaw huiˬ yaw mahˇ tiˬ gʼaˬ, sahˬ paˬ-euˬ aˇ yaˬ ha laˬ-iˇ-eu lehˇ, gaˇ mahˇ kaˬ-eu miˇ kʼahˬ-ahˇ iˇ-euˬ meh.

Luˇkaꞈ 19:12 ပူးပေါင်းရင်းမြစ်များ

Maꞈtehˬ 21:38

Aqgaf yarkmr-anr mr-eu deuq, zaqyo khoerghaq-anr ya’mawr ngae, aqyawf maf-euq yawkaq aer-eu, ‘Heughaq-aq, jeqbir of-eu ghaq ngar-a. Dzawq, aqduimaf, aqyawf-anr saef-awr, aqyawf-euq jeqbir yurgeuf kar-eur.’

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Maˬkuˆ 12:1

Khoerngae, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae: “Tsawrhaq tiq ghaq aqgaf yarkmr tiq kawq mr-awr, yarkmr yawmuiq-aer mrjawq-awr, aqgaf dzaruir nawqdovduq janr-awr nae, aqgaf yar-anr lof-eu nymrgor tiq nymr khawf tsov-euq mae. Khoernar-aq, aqgaf yarkmr-anr mr-eu deuq-anr ngaqnaeq yaf-awr, yawqkhanq yawqmir yawq-anr ghawqmyanrni jawr-ir-euq mae.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Luˇkaꞈ 20:9

Khoerngae, Yeqsur, tsawrhaq armaf-anr yawjeq majeq dawq-anr nae heulof-aer maeqnaeq-euq mae: “Tsawrhaq tiq ghaq aqgaf yarkmr tiq kawq mr-awr, aqgaf yarkmr mr-eu deuq-anr ngaqnaeq yaf-awr nae, yawqkhanq yawqmir yawq-anr ghawqmyanrni jawr-ir-euq mae.

Luˇkaꞈ 24:51

Khoerngae, heulof-aer pyeuflar-euq mae. Dawq ngaeqghae naeqluf ngae, Yeqsur, aqyawf maf-anr nae ghawq-ir-awr, mq-euq khoertav bi sheuqdav lef-euq mae.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

1 Gawˇliˬtu 15:25

Miqyaer, muir-eu deuq dawqtawv luf-anr Kali-euq aqkuir-euq uqmov bi jawrlar ngae keuvni, Kali ya uvlanr taef-a.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.