Luˇkaꞈ 18:32 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Aqyawf, aqcawq tsawrjeuq tsawrca-euq aqlaf-euq lafkhoer yabi a’naeq-awr, aqcawq, aqyawf-anr aqjaf jafnaeq-awr, shafdawrlar paq-aer janrnaeq-eu uqtaf, duqkhaq khashaeqnaeq taef-a.

Akha

³² Aˬ yawꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, bi naˬ gʼa-awˇ, yehˬ bawˬ sehˇlu-ehˇ bi gʼeh-awˇ, duˬ kʼaˬ bi kʼa daˆ tehꞈ-a.

Luˇkaꞈ 18:32 ပူးပေါင်းရင်းမြစ်များ

Maꞈtehˬ 16:21

Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Maꞈtehˬ 20:19

Khoernar-aq, aqcawq tsawrjeuq tsawrca-euq aqlaf-euq lafkhoer a’naeq-awr, aqyawf-anr aqjaf jafnaeq-awr, yanqcav nae juif-awr nae lafyaq-euq khoertav tafsaef taef-a. Aerkhawf, smq nan keuvlar nar-aq, aqyawf ghofdaeflar taef-a.”

Maꞈtehˬ 22:6

Nuideuq-aq, kuirlaf zaqkhav khoerdeuq-anr nyaef-awr, yaeqbawq-aer janrnaeq-awr, aqyawf maf-anr saef-euq mae.

Maꞈtehˬ 26:67

Khoerngae, aqyawfmaf, Yeqsur-euq myavpyawq-anr duqkhaq khashaeq-awr, aqyawf-anr ter-euq mae. Tiqpavnav deuq, aqyawf-anr aqlaf nae taev-awr aer-eu,

Maꞈtehˬ 27:2

Khoernar-aq, aqyawfmaf, aqyawf-anr paf-awr meuqsanr Boqtiv Pirlav jawr-eu gar sheuqghae-awr, aqyawf-anr a’naeq-euq mae.

Maˬkuˆ 14:65

Khoernar-aq, tsawrhaq tiqpavnav deuq, Yeqsur-anr duqkhaq khashaeq-awr, aqyawf-euq myavpyawq-anr kafkaq-awr terter-aer aer-eu, “Nawr, Miqyaer gharduq ngaeqdan sher-eq!” Khoernar-aq, lofpir-eu kuirlaf deuq khawf, aqyawf-anr gheulaf-awr, aqyawf-euq myavpyawq-anr taev-euq mae.

Maˬkuˆ 15:1

Uqbya byalar-euq naeq-aer, pirma aqyuif deuq, aqyuif aqtsu deuq, zanr maeq-eu deuq hawr-eu khavma armur deuq dawqtawvluf uiqler-awr bawqdzaq-euq mae. Khoernar-aq, Yeqsur-anr paf-awr nae Pirlav jawr-eu gar sheuqha naeq-ir-euq mae.

Luˇkaꞈ 18:33

Aqyawfmaf, aqyawf-anr juif-awr saef taef-a. Smq nan keuvlar nar-aq, aqyawf ghofdaeflar taef-a.”

Luˇkaꞈ 23:1

Khoerngae, uiqlar taq-euq tsawrhaq armaf maflan-aer turlar-awr, Yeqsur-anr Pirlav jawr-eu gar sheuqghae-euq mae.

Luˇkaꞈ 23:11

Heqlor hawr-eu aqyawf-euq guirzaq deuq, Yeqsur-anr shafdawr-ir ni janrnaeq-awr, aqjaf jafnaeq-euq mae. Khoernar-aq, guirzaq deuq nae aqyawf-anr muiq duidui-eu paerkhanq paermanr bidm-awr, Pirlav jawr-eu gar bi sheuqkhof ha-ir-euq mae.

Luˇkaꞈ 23:35

Tsawrhaq baqmaf khoergar yawf-awr hawluf-eu mae. Uvlanr-eu tsawrhaq deuq, Yeqsur-anr aqjaf jafjaf-aer aer-eu, “Aqyawf, aqcawq-anr bibuq-ir-euq mae. Aqyawf-aq, Miqyaer nae tserdov taq-euq Kali laer kur-eu ghaq ngeur nar-aq, yawqhar yawqha bibuq-ir sher-eq.”

Yoˇhaˬ 18:22

Yeqsur khoerlof-aer aerghaq ngae, dawqpae yawfluf-eu lofpir-eu kuirlaf tiq ghaq, Yeqsur-anr aqlaf nae taev-awr aer-eu, “Nawr, pirma yawhuiq ghaq-anr teulof-aer ngaeqkhof-eu le laq?”

Yoˇhaˬ 18:28

Uqshawq yawnaf-aer, aqyawfmaf, Yeqsur-anr Gaqyaqpar jawr-eu gar nae guirmaf dzoeqnymr-anr sheuqghae-euq mae. Aerkhawf, aqyawfmaf Baqsaqkaq yawbui-anr dzaqtaf nya’ni, guirmaf dzoeqnymr-anr maq urler-aq. Urler nar-aq, aqyawf maf-euq mawrdo maqshawrni pyeuf-ir-eu mae.

Yoˇhaˬ 18:30

Aqyawfmaf aerkhof naeq-eu, “Tsawrhaq teughaq yawdoer jeq maqmr-euq lawnmr-aq, nga’maf, nawr jawr-eu gar maq sheuqha lar-ar.”

Yoˇhaˬ 18:32

Aqyawfmaf khoerlof-aer aer-eu-aq, Yeqsur, aqyawf aqjox-aer yashir-eu garkawv, Yeqsur nae aertaq-euq lof-aer byanlarni aer-eu mae.

Yoˇhaˬ 18:35

Pirlav aerkhof naeq-eu, “Ngar, Yurdav tsawrhaq nga laq? Nawq-euq tsawrjeuq tsawrca hawr-eu pirma aqyuif deuq, nawq-anr ngar jawr-eu gar sheuqha lar-euq mae. Nawr aqjeq mr-euq le?”

Gʼaˬkʼehˇ 2:23

Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Gʼaˬkʼehˇ 3:13

Nawmaf, Yeqsur, Pirlav-anr a’naeq-awr, Pirlav, aqyawf-anr pyaeqnaeq ma laer noeqtsaev-euq khawf, Pirlav-euq maeqshi nawmaf, aqyawf-anr byaerdzae-euq mae. Aerkhawf, ‘ Aqbyaqhaq , Irtsav hawr-eu Yaqkov-euq Miqyaer pyeuf-eu aqdui-euq aqpoeq deuq-euq Miqyaer-aq,’ (Di 3:6,15) aqyawf-euq ghaqzaq ghaqkhaer Yeqsur-anr yawshaef khanqsaer bifnaeq-euq mae.