Luˇkaꞈ 18:30 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ heuzir-euq lafkhoer ghawqmya bymr hawr-eu aqkar karzir-euq lafkhoer mqmaq maqbyav yarzir daef-eu jeq maqza-aer maqghae-ar.”

Akha

³⁰ nymˬ-mˇ dehꞈ luꞈ-eu heu ziˇ laꞈ kʼoeˇ, gʼawˬ mya bymˇ paˇ za kʼoꞈ-eu uˬ taꞈ, aˬ kaˇ kaˇ ziˇ laꞈ kʼoeˇ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.”

Luˇkaꞈ 18:30 ပူးပေါင်းရင်းမြစ်များ

Jaceuq 119:103

Nawq-euq dawq-anr ngar myeufhaw ngae, arnavni coer-eu nya! Ngaq-euq khaqmae-euq gharduq, byaquir navmaqtser coer nya!

Jaceuq 119:111

Nawq-euq dawqdzawr-aq, ngaq-euq nuima gharduq laqkhaq caer-eu jeq pyeuf-eu mirnae, Mqmaq maqbyav yarzir ngaq-euq jeqbir pyeuf-eu mae.

Jaceuq 119:127

Ngar, shuir-anr navmaqtser, muiq-eu shuir-anr navmaqtser, Nawq-euq zanrdawq khofdawq-anr gaq-eu ma.

Jaceuq 119:162

Pyurpanq shuirpanq mawr-euq tsawrhaq tiq ghaq laqkhaq caer-eu lof-aer, Ngar, nawq-euq dawq-anr laqkhaq caer-eu ma.

Jaceuq 119:72

Nawq-euq khaqmae-anr nae dovle-euq zanrdawq-aq, Pyur hawr-eu shuir marbyav artanr armyaer byav navmaqtser muiqdzaeq-eu mae.

Jaceuq 37:16

Tsaq-awr dawr-eu tsawrhaq uicuiv taef-aer jav-eu khoer-aq, Tsawrcawv deuq pyurshuir ghawqmya’ni jav-eu navmaqtser muiqdzaeq-eu mae.

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

1 Tiˆmoˇseˬ 4:8

Aqjeq mirnae aernar-aq, mawrdo paw ghaq anrlarni mrdzaw-eu jeq-aq, gardanr uicuivnav tsoeq-eu mae. Aerkhawf, Miqyaer-anr yawzeu baw-eu jeq-aq, yawqjeq navluf-euq lafkhoer gardanr tsoeq-eu mae. Khoer-aq, heuzir hawr-eu aqkar karzir-euq gharduq sarjax dzaqtaq-euq mae.

1 Tiˆmoˇseˬ 6:6

Miqyaer-anr yawzeu baw-awr, yawqha kharjav-eu jeq-anr nuikhanr shir-eu-aq, zawr myaq-eu jirjeuq pyeuf-eu mae.

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.