Luˇkaꞈ 18:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Akha

²² Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Luˇkaꞈ 18:22 ပူးပေါင်းရင်းမြစ်များ

Jaceuq 27:4

Ngar, Ya’we Miqyaer-anr nae tiq jeq geufmawf mir-a, Khoerjeq-anr ngar pov-eu ma. Khoer-aq, ngar khardaef-eu arnan aryamq dawqtawvluf, Ya’we Miqyaer-euq nymr-euq lafkhoer jawr-awr nae, Hawmuiq-eu Ya’we Miqyaer-euq yawmuiq-anr hawhaw-aer, Aqyawf-euq uqduq tanqnymr nymrma-euq lafkhoer narhaqtser mawf mir-a.

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Luˇkaꞈ 10:42

Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 18:21

Khoerngae, aqyawf aer-eu, “Ngar, yawnyir ngae nae heudeuq dawqtawv luf-anr mrcaw laf-euq ma.”

Luˇkaꞈ 18:23

Aerkhawf, aqyawf dawq khoerdawq-anr yagaq ngae, noeqshaq duidui-eu mae. Aqjeq mirnae aernar-aq, aqyawf-aq, smrmuiqmuiq duidui-eu tiq ghaq mae.

Luˇkaꞈ 9:23

Khoernar-aq, Yeqsur, tsawrhaq dawqtawv luf-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqnan navluf yawqha-euq lafyaq yawqha baf-awr nae, ngaq-euq maeqnan ya cantae-eu mae.

Piˇliˇpiˆ 3:13

Aqyuif aqnyir deuq-or! Ngar nyaefza dzeur-euq ma laer sawx-eu maqngeur. Aerkhawf, ngar heu tiq jeq mrluf-eu ma. Narkhan paw dzeurlaf-euq deuq-anr ngaer-awr, maeqhu paw jav-eu deuq-anr taemir nya’ni laejae luf-eu ma.

2 Beˬtuˆluˆ 3:8

Aerkhawf, ngar zawr gaq-eu cawqdeuq-or! Heu tiqjeq-anr taqngaer de-eq. Sanqpaq Miqyaer-euq gharduq-aq, tiq nan khawf 1,000 khof lof-aer dur-awr, 1,000 khof khawf tiq nan lof-aer dur-eu mae.