Luˇkaꞈ 18:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ “Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

Akha

¹³ Ehˇ kʼawꞈ, kawˬ taꞈ-eu tsawˇ haˬ kʼoeˇ gʼaˬ-aˬ, ui cuiˆ yaw taw yawꞈ-awˇ, myaˆ pyawˬ mˬ paw maˬ ciˬ diˇ peuˬ ni, noeˬ shaˬ dui dui-eu miˇ neh kʼahˬ-ahˇ teˇ teˇ-ehˇ, ‘Miˬyehˇ-oˇ, ngaˇ iˬ baˇ zaˬ ma. Gʼawˬ shaˬ gaˬ nehˬ laꞈ-awˬ’ lehˇ shaˇ-euˬ meh.

Luˇkaꞈ 18:13 ပူးပေါင်းရင်းမြစ်များ

Jaceuq 106:6

Nga’maf, nga’maf-euq aqpoeq aqbawr deuq lof-aer iqbax mr-awr, Nga’maf yawlaeq yawca jeq mr-euq uqtaf, nga’maf yawcawv jeq mr-euq mir-a.

Jaceuq 119:41

Ya’we Miqyaer-or! Nawq-euq ghawqshaq gaq-eu jeq khawf bi keuvle-awr, Nawq-euq dawq aertaq-euq lof-aer bibuq-ir naeqlaf-awq.

Jaceuq 130:7

Irsaqleqlav-or! Ya’we Miqyaer-anr noeqtmq-awq! Aqjeq mirnae aernar-aq, Ya’we Miqyaer jawr-eu gar maqtsaev-ir nya-eu gaq-eu jeq jav-awr, Aqyawf naeq-aer tiqbyanni kakhof-eu jeq jav-eu mae.

Jaceuq 25:11

Ya’we Miqyaer-or! Nawq-euq tsawrmyanr baqda’nae, Ngaq-euq yawlaeq yawca yawkhav-aer huiq-eu khawf, pyaeqnaeq laf-awq.

Jaceuq 25:7

Ya’we Miqyaer-or! Nawr muiq-eu baqda’nae, Nawr ghawqshaq gaqnya-eu gar tsaqni, ngaq-anr noeqkeuv naeqlaf-awq. Ngar, zaqguq pyeuf ngae mr-euq iqbax hawr-eu ngaq-euq yawbanq yawlaeq deuq-anr taq noeqkeuv naeqlaf.

Jaceuq 40:12

Aqjeq mirnae aernar-aq, maq guijircoer paq-aer myaq-eu yawdoer jeq, ngaq-anr gajawq taq-euq mae. Ngaq-euq uqduq tsaerkanr myavmaqtser myaq-eu ngaq-euq yawlaeq yawca, Ngaq-anr taemilar taq-euq mirnae, ngar tiqjeq-anr-iq maqpar hawmawrnya mir-a. Khoermirnae, ngaq-euq nuima nuighaq baq-ir jir taq-euq mir-a.

Jaceuq 41:4

Ngar heulof-aer aer-euq ma, “Ya’we Miqyaer-or, Ngar, nawq-anr iqbax mr-euq mir-a, Ngaq-anr ghawqshaq gaqnaeq laf-awr, Ngaq-euq nuima saflar lavsavtaq naeqlaf-awq.”

Maꞈtehˬ 10:3

Pirlirpuv hawr-eu Baqtawrlaqmaer, Tormav hawr-eu jeq taf-eu Maqtaeq, Aqlaqpaer-euq zaqyo Yaqkov hawr-eu Taqdaer (Tsawrmyanr myanrmar-aq, Leqbaer laer mae),

Maꞈtehˬ 6:5

“Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 9:13

Nawmaf heudawq-euq dawqtsuif dzaw-ir-awq, ‘Ngar lawrnaeq-eu jeq-anr geufmawf-eu maqngeur, ghawqshaq gaq-eu jeq-anr geufmawf mir-a.’ (Hs 6:6) Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq noeqpov noeqpar larni oe-euq ma.”

Maˬkuˆ 11:25

“Nawmaf yawf-awr guiqlanq sharluf ngae, tiqghaq nav-anr iqbax taqluf-eu gar nawmaf noeqdovlar nar-aq, aqyawf-anr iqbax pyaeqnaeq-awq. Nawmaf iqbax pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq mrlaeq-euq iqbax-anr pyaeqnaeqlaf taef-a.

Luˇkaꞈ 17:12

Yeqsur, pu tiq pu-anr urlerluf ngae, coiqdoi nar-eu tser ghaq garmanr kaq-eu gar yawf-awr, Yeqsur-anr ya’mawr-euq mae.

Luˇkaꞈ 22:41

Khoernar-aq, aqyawf, aqyawfmaf jawr-eu gar nae khaqlo darbiq tiq biq kaq-eu gar ir-awr, pawqtsuif pawqdmq dmq-awr guiqlanq shar-eu lafkhoer aer-eu,

Luˇkaꞈ 23:48

Khoergar uiq-awr hawluf-eu tsawrhaq armaf maflanni khoerlof-aer pyeuflar-euq gar ya’mawr ngae, yawqha-euq khanq-anr terter-aer ghof-ir-euq mae.

Luˇkaꞈ 5:8

Sirmoq Beqtuvluv khoer-anr ya’mawr ngae, Yeqsur-euq aqkuir pawqtsuif-euq dawqpae awbyav ghae-awr aer-eu, “Sanqpaq-or! Ngar jawr-eu gar nae dov-ir-awq. Aqjeq mirnae aernar-aq, ngar-aq, iqbaxzaq tiq ghaq ma.”

Gʼaˬkʼehˇ 2:37

Aqyawfmaf, dawq khoerdeuq-anr yagaq ngae, nuima-anr zawler-awr, Beqtuvluv hawr-eu ghaqkhaer nuideuq-anr aernaeq-eu, “Aqyuif aqnyir deuq-or! Nga’maf aqjox-aer yajanr-eu la?”

Lormav 5:8

Aerkhawf, Miqyaer, aqdui-anr gaq-eu byacaevni bi mawrlar-eu laer aqdui, iqbaxzaq pyeufluf ngae, Kali, aqdui-euq gharduq shirdan-euq mae.

2 Gawˇliˬtu 7:11

Miqyaer-anr yawzeu baw-eu lafkhoer noeqshaq-eu jeq-aq, nawmaf-euq lafkhoer aqgeu jeq bi dovlar-euq nga laer sharnoeqhaw sher-eq: nawmaf laejae mawf-eu nuima anrlar-awr, yawqha-euq garkawv jashaw mawf-eu uqtaf, maqtsaq-eu jeq-anr nuima paer duidui lar-awr, Miqyaer-anr guv-eu jeq anrlar-euq uqtaf, yawmuiq jeq-anr za’mawf duidui lar-awr, yawmuiq jeq mrmawf-eu shaqdaef shaqnar anrlar-euq uqtaf, dawrcoeni yarkhaq darmawf lar-euq mae. Heudeuq dawqtawv luf-euq lafkhoer, nawmaf yawlaeq maqanr nga laer byacaevni dovlar-euq mae.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

HeˬByehˇ 8:12

Ngar, aqyawf maf-euq maqtsaq maqdawr-eu jeq-anr ghawqshaq gaqnaeq-awr, Ngar, aqyawf maf-euq iqbax hawr-eu zanrdawq-anr leur-eu jeq mr-euq gar maqpar noeqtaq ma.” (Ylm 31:31-34)