Luˇkaꞈ 17:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aerkhawf, yawbae jeq-aq, aqyawf khaeq-awr khav-eu ghawqmya jeq-anr yadaq-awr heuzir-euq tsawrhaq, aqyawf-anr byaerdzae taef-a.

Akha

²⁵ Ehˇ kʼawꞈ, yaw beh maˇ diˇ-aˬ, kʼehˬ-eu kʼaˆ-eu gʼawˬ mya jeˬ-ahˇ aˬ yawꞈ ya daˬ-awˇ, heu ziˇ-euˬ tsawˇ haˬ deuˬ aˬ yawꞈ-ahˇ byehˇ dzeh tehꞈ-a.

Luˇkaꞈ 17:25 ပူးပေါင်းရင်းမြစ်များ

Maꞈtehˬ 16:21

Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Maꞈtehˬ 21:42

Yeqsur, aqyawf maf-anr heulof-aer aernaeq-euq mae, “Yaerbof-euq lafkhoer heulof-aer boftaq-euq gar nawmaf maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae. Sanqpaq Miqyaer nae heulof-aer janr-euq mae. Heu-aq, aqdui-euq myavnuiv-euq gharduq arnavni zanqler paq-aer ghae-eu nga.’ (Jc 118:22-23)

Maˬkuˆ 10:33

“Hawsher-eq, aqduimaf, Yeqlursaqlaeq-anr leluf-eu ma. Tsawrhaq-euq Zaqyo-aq, pirma aqyuif deuq hawr-eu zanr maeq-eu deuq-euq aqlaf-euq lafkhoer yabi a’naeq taef-a. Aqyawfmaf, aqyawf shirni yarkhaq dar-awr, aqcawq tsawrjeuq tsawrca-euq aqlaf-anr a’naeq taef-a.

Maˬkuˆ 12:10

Nawmaf, Yaerbof-euq lafkhoer heulof-aer boftaq-euq gar maq guihaw-aq lor? ‘Nymr tsov-eu deuq nae bafdzae taq-euq khaqlo khoersiq, Lafcoer-euq lozif pyeuflar-euq mae.

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Maˬkuˆ 9:31

Aqjeq mirnae aernar-aq, aqyawf, aqyawf-euq zaqlanr deuq-anr maeq-eu lafkhoer aernaeq luf-eu, “Tsawrhaq-euq Zaqyo, aqcawq-euq aqlaf-euq lafkhoer ya’anr-ir-awr, aqyawfmaf, aqyawf-anr saef taef-a. Aqyawf shir-awr nae smq nan keuvlar nar-aq, ghofdaeflar taef-a.”

Luˇkaꞈ 18:31

Khoerngae, Yeqsur, ghaqkhaer 12 ghaq-anr sheuqceuv dov-awr heulof-aer aernaeq-euq mae: “Narhaq sher-eq, Aqduimaf, Yeqlursaqlaeq-anr leluf-eu ma. Tsawrhaq-euq Zaqyo-euq garkawv, Miqyaer gharduq ngaeqdan-eu deuq nae khar boftaq-euq dawqtawvluf ya byanlar taef-a.

Luˇkaꞈ 18:33

Aqyawfmaf, aqyawf-anr juif-awr saef taef-a. Smq nan keuvlar nar-aq, aqyawf ghofdaeflar taef-a.”

Luˇkaꞈ 24:46

Yeqsur, aqyawf maf-anr heulof-aer par aernaeq-euq mae, “Yaerbof-euq lafkhoer boftaq-euq lof-aer, Kali-aq, shaqzanq yadaq-awr, smq nan byanlar nar-aq, shir-euq gar nae ya ghofdaeflar taef-a.

Luˇkaꞈ 9:22

Khoeruqtaf, Yeqsur aer-eu, “Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq nae yabi byaerdzae-eu uqtaf, yabi saef taef-a. Aerkhawf, smq nan ngae nan-anr ghofdaeflar taef-a.”

Yoˇhaˬ 1:11

Aqyawf, aqyawf nae baetaq-euq mirtsaq-anr oe-euq khawf, aqyawf-euq tsawrhaq deuq, aqyawf-anr maq hageuf-a.

Yoˇhaˬ 12:38

Khoerlof-aer pyeuflar-euq-aq, Miqyaer gharduq ngaeqdan-eu Irsaqyar nae aertaq-euq dawq heudawq byanlar-euq mae. Aqyawf aer-eu, “Sanqpaq Miqyaer-or! Nga’maf-euq dawqdzawr-anr aqsur ghaq jan-eu la? Sanqpaq Miqyaer-euq baoq aqsur ghaq-anr panmaeq naeq-eu la?” (Isy 53:1)