Luˇkaꞈ 17:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrhaq khoerghaq, zaq yawnyir heudeuq-euq lafkhoer tiqghaq nav-anr bi mrlaeq-eu navmaqtser, aqyawf-euq kawqlanr-anr lolaeq paftawf-awr, iqmalavshav-anr bafpuf-eu-aq, aqyawf-euq gharduq muiqdzaeq-eu mae.

Akha

² Tsawˇ haˬ kʼoeˇ gʼaˬ neh zaˬ yaw nyiˇ heu deuˬ laꞈ kʼoeˇ tiˬ gʼaˬ na-ahˇ iˬ baˇ mˇ ni bi jahˇ-eu naˆ maˬ tseˇ, tsawˇ haˬ kʼoeˇ gʼaˬ-euˬ kawˬ lahˇ-ahˇ lo lehˬ paꞈ tawꞈ-awˇ, iˬ ma laˆ shaˆ-ahˇ biˬ puꞈ nehˬ naˇ, aˬ yawꞈ gʼaˇ duˬ muiˬ dzehˬ tehꞈ-a.

Luˇkaꞈ 17:2 ပူးပေါင်းရင်းမြစ်များ

Maꞈtehˬ 17:27

Aerkhawf, khoerlof-aer janr nar-aq, aqyawfmaf sanqtif tif-eu jeq nga. Khoermirnae, nawr, lan-anr ir-awr ngaqjuif juif-ir-awq. Juifmi baebae-euq ngaqshaq khoermawr-anr nyaef-awr, khaqmae ngawqnga ngae, pyur tiq byav anr-eu gar ya’mawr taef-a. Pyur khoerbyav yur-awr, arnyaf-euq gharduq, aqyawf maf-anr jeq dovler-awq.”

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Maꞈtehˬ 18:14

Khoerlof-aer durni, mq-euq khoertav jawr-eu nawmaf-euq Aqda khawf, zaq yawnyir heudeuq, tiq ghaq taef-aer khawf maqbi cawv-ir mawf-a.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Maˬkuˆ 9:42

“Aqsur ghaq maqkaq, ngaq-anr jan-eu tsawrhaq yawnyir heudeuq-euq lafkhoer nae tiq ghaq-anr sanqtif bitif nar-aq, khoerghaq-euq kawqlanr-anr lolaeq laeqma paftawf-awr, iqmalavshav-anr bafpuf-eu-aq muiqdzaeq taef-a.

Yoˇhaˬ 21:15

Aqyawfmaf shawqhawq dzaqghaq ngae, Yeqsur, Sirmoq Beqtuvluv-anr narhaq-eu, “Yornav-euq zaqyo Sirmoq-or! Nawr heudeuq-anr navmaqtser ngaq-anr gaq ma lor?” Beqtuvluv, aqyawf-anr aerkhof naeq-eu, “Gaq ma Sanqpaq-or! Ngar, nawq-anr gaq-eu nawr siqnya mae.” Yeqsur, aqyawf-anr aernaeq-eu, “Ngaq-euq yawrzaq deuq-anr bidzaq bidawr-awq.”

1 Gawˇliˬtu 9:15

Ngar khoerlof-aer za-eu geux-eu khawf, tiqjeq-iq maqjanr-aq. Nawmaf, ngaq-anr khoerlof-aer bi janrnaeq mawf-eu mirnae, ngar nuima huiqkhar za-eu heu yawqngaef pyeuf-ir-eu ngaetu-aq, ngar shir-eu muiqdzaeq taef-a.

1 Gawˇliˬtu 9:22

Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.