Luˇkaꞈ 16:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Akha

⁹ “Ngaˇ naw maꞈ-ahˇ ehˇ nehˬ nyaˇ. Miˇ tsaˬ pyuˇ shuiˇ myawˬ gahˬ-ahˇ gʼoe-awˇ, aˬ cawˬ-ahˇ cawˬ cawˬ taꞈ-awˬ. Kʼoeˇ loꞈ-ehˇ jahˇ naˇ, pyuˇ shuiˇ myawˬ gahˬ kʼoeˇ deuˬ byoˆ-iˇ jiˇ ngeh, mˬ maˬ maˬ byaˆ zaˇ ziˇ ziꞈ-eu jawˇ duˬ laꞈ kʼoeˇ, naw maꞈ-ahˇ ha geuꞈ nehˬ laꞈ tehꞈ-a.

Luˇkaꞈ 16:9 ပူးပေါင်းရင်းမြစ်များ

Jaceuq 73:26

Ngaq-euq nuima hawr-eu ngaq-euq shiqshaq ghaq baq-ir khawf; Miqyaer-aq, ngaq-euq nuima gharduq ghaq pyeuf-awr, Mqmaq maqbyav yarzir ngaq-euq shaqbymr ma.

Dawqdaq 14:24

Smrmuiq muiq-eu jeq-aq, tsawrganr anr-eu deuq-euq shuir uqkhov mae. Aerkhawf, aqdzawq argan-euq yawdzawq yawgan-aq, Yawdzawq yawgan jeq bi dovlar-eu mae.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 23:5

Nawr, nawq-euq myavnuiv, Yawqngaef pyeuf-ir-eu jeq-anr hawluf-eu le laq? Aqjeq mirnae aernar-aq, pyurshuir myawqganq-aq, Yawqha yawqha aqdanr tsoflar-awr, Khaqdzer lof-aer mq paw zawbyovghae nya-eu mae.

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Maꞈtehˬ 6:19

“Mirtsaq-euq khoertav yawqha-euq gharduq pyurshuir myawqganq taq povuiqtaq. Mirtsaq-euq khoertav povuiqtaq nar-aq, shmrkaw kawler nya-awr, boeq dzaqnya-eu uqtaf, smrkhoeq khawf daepavanr laf-awr khoeqlar nya-eu mae.

Maꞈtehˬ 6:24

“Tsawrhaq tiqghaq-iq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, tiqyamq-euq lafkhoer, Miqyaer-euq hawr-eu pyurshuir myawqganq-euq kuirlaf zaqkhav maq geufnya-a.

Luˇkaꞈ 11:41

Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 14:14

Khoerdeuq-anr kur nar-aq, nawr guiqlanq za taef-a. Aqjeq mirnae aernar-aq, aqyawfmaf, nawq-anr guiqlanq maq janrkhof naeqlaf nya-a. Tsaq-awr dawr-eu tsawrhaq ghofdaef lar-eu aryamq keuvlar ngae, nawr guiqlanq za taef-a.”

Luˇkaꞈ 16:11

Nawmaf maqtsaq maqdawr-eu pyurshuir myawqganq zmq ngae, sarjax maqzif nar-aq, aqsur ghaq nawmaf-anr aqdir aqmar zif-awr gmq-eu jeq a’naeqpeuq nmr-mq?

Luˇkaꞈ 16:13

“Zaqkhav tiq ghaq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, Miqyaer-euq zaqkhav geufluf ngae, pyurshuir myawqganq-euq zaqkhav maq geufnya-a.”

Luˇkaꞈ 16:4

Myawqganq hawpir-eu ghaq maqya geuf-aer pyeuf-ir ngae, aqcawq, ngaq-anr aqyawf ha-euq nymr-euq lafkhoer hageufanr naeqlafni, ngar aqjox-aer yajanr-eu nga laer noeqdov taq-euq ma.’

Gʼaˬkʼehˇ 10:31

heulof-aer aer-eu mae: ‘Gorneqlir-or! Nawq-euq guiqlanq shardawq-anr Miqyaer gaq-awr, nawq nae gamfnaeq-euq deuq-anr khawf Miqyaer-euq maeqshi aqyawf noeqmawr luf-eu mae.

Gʼaˬkʼehˇ 10:4

Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.