Luˇkaꞈ 16:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, myawqganq hawpir-eu ghaq nuima-euq lafkhoer heulof-aer sharnoeq-eu mae, ‘Yawsanr ghaq, ngaq-anr myawqganq hawpir-eu gar heu maqpar bimrni yurdzae naeqlaf-eu mirnae. Ngar aqjox-aer ghae-eu paq nga? Mirtsaq-anr duqduq-aer maq mrdzaqcoer nya. Aqcawq-anr shardzaq shardawr-ir-eu khawf shafdawr mir-a nawq.

Akha

³ Myawˬ jeˬ hmˬ-eu kʼoeˇ gʼaˬ yawˬ haˇ yawˬ ha ehˇ-eu, ‘Ngaˇ aˬ joˆ-ehˇ jahˇ paˬ maˬ siˬ miˇ-a. Ngaˬ-euˬ baw leˬ ngaˬ-ahˇ aˬ yawꞈ-euˬ myawˬjeˬ hmˬ-eu gʼaˬ maˬ paˇ bi geuꞈ laꞈ-eu ngaˇ. Ngaˇ-aˬ, aˬ cawˬ loꞈ-ehˇ miˇ tsaˬ-ahˇ duˬ duˬ-ehˇ kʼawꞈ maˬ mˇ dzaˬ coeˇ nya. Aˬ cawˬ-ahˇ shaˇ dzaˬ shaˇ dawˇ-iˇ-eu kʼawꞈ, shaꞈ dawˇ miˇ-a.

Luˇkaꞈ 16:3 ပူးပေါင်းရင်းမြစ်များ

Dawqdaq 13:4

Nymrgawq yawdoer tsawrhaq-euq nuima saflar-aq, Geufmawf-eu khawf tiqjeq-iq maqza-ar. Aerkhawf, yawbym tiq ghaq-euq nuima saflar-aq, Tiqbyan tiqlof nuikhanr yashir taef-a.

Dawqdaq 15:19

Nymrgawq yawdoer-euq garma-anr aqgan bawduv-euq yarkmr lof-aer daefbyan taq-euq mae. Aerkhawf, dawrcoeni ghae-eu tsawrhaq-euq cankawv-aq, sarlaevni ghae-eu garjawq jawqma pyeuf-eu mae.

Dawqdaq 18:9

Yawqha ya’mr-eu jeq maq mrnanr-eu tsawrhaq-aq, Lavcawv-eu tsawrhaq naeq-aer maernmr pyeuf-eu mae.

Dawqdaq 19:15

Yawdoer doer-eu tsawrhaq-aq, yufdaev-eu maqbaw-aer, Nymrgawq gawq-eu tsawrhaq-aq, ya’maef taef-a.

Dawqdaq 20:4

Nymrgawq yawdoer-aq, tsaeqyamq-anr maqtsaeq-aer, Yaeqyamq-anr tiqjeq-iq dzaq-eu maqjav-aer, Sharshar-aer yashaq-eu mae.

Dawqdaq 29:21

Zaq-anr ngae nae, cuhuiq laf-euq kuirlaf zaqkhav-aq, Arsaq saqlar ngae, zaqyo tiq ghaq lof-aer durlar taef-a.

Maꞈtehˬ 20:8

“Uqcif cifle ngae, aqgaf yarkmr-euq yawsanr ghaq, yar-anr hawpir-eu ghaq-anr kur-awr aernaeq-eu, ‘Gar mrlar-euq deuq-anr kur-awr ghaqgarpoeq bifnaeq-awq. Mrsaq saqle-euq deuq-anr jeqhu bif-awr, mrbae baele-euq deuq-anr bifsaq saq-awq.’

Maˬkuˆ 10:46

Khoernar-aq, aqyawfmaf, Yeqlirkor-anr irkeuv-euq mae. Yeqsur hawr-eu zaqlanr deuq, tsawrhaq armaf mafma naeq-aer Yeqlirkor-anr nae dov-ir luf ngae, Tirmaer-euq zaqyo Baqtirmaer laer kur-eu myavbaef tiq ghaq garma gardzer nuir-awr, hawqshar sharluf-eu mae.

Luˇkaꞈ 12:17

Aqyawf sharnoeq-awr yawqhar yawqha aer-eu, ‘Ngaq-euq caer pi’anr khar maqza-eu mirnae, ngar aqjox-aer janr-eu paq nga?’

Luˇkaꞈ 16:2

Smrmuiq aqda khoerghaq, aqyawf-anr kur-awr aernaeq-eu, ‘Nawq-euq garkawv ngaq nae yagaq-euq khoer aqjox-aer la? Nawr myawqganq hawpir-eu nanqmyaq sanqbof khoer ngaq-anr bifnaeq laf-awq. Aqkar nar-aq, nawq-anr myawqganq hawpir-eu ghaq maqpar bigeuf ma.’

Luˇkaꞈ 16:20

Khoerngae, mawrdo dolan-aer shaqciq ciq-eu Laqzaqlur laer kur-eu hawqshar shardzaq-eu tiq ghaq jawr-eu mae. Aqcawq, aqyawf-anr smrmuiq smrbaw khoerghaq-euq larghov khaeq-anr baftaq lar-euq mae.

Luˇkaꞈ 16:22

“Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Luˇkaꞈ 16:4

Myawqganq hawpir-eu ghaq maqya geuf-aer pyeuf-ir ngae, aqcawq, ngaq-anr aqyawf ha-euq nymr-euq lafkhoer hageufanr naeqlafni, ngar aqjox-aer yajanr-eu nga laer noeqdov taq-euq ma.’

Luˇkaꞈ 18:4

Yarkhaq dar-eu heughaq maq darnaeqni tiqkhaeq jawr-euq mae. Khoernar-aq, aqyawf-euq nuima-euq lafkhoer heulof-aer noeq-eu mae, ‘Ngar-aq, Miqyaer-anr maqguv-aer, tsawrhaq-anr yawzeu maqbaw-eu khawf,

Yoˇhaˬ 9:8

Khoerngae, aqyawf naeq-aer nymrkaq taf-eu deuq hawr-eu aqyawf myavbaefbaef ngae mawrhaw-euq deuq aer-eu, “Tsawrhaq heughaq-aq, dzeurlaf ngae nuir-awr hawqshar shardzaq-eu khoerghaq maqngeur-a lor?”

Gʼaˬkʼehˇ 3:2

Khoerngae, Hawmuiq-eu larghov laer kur-eu ghovkhaeq-anr, uqduq tanqnymr nymrma-euq lafkhoer urler-eu deuq-anr pyur bishar-eu laer, daefle ngae nae aqkuir yawcawv tiq ghaq-anr aqcawq yawqnan navluf baftaq lar-eu lof-aer, bi baftaq lar-awr jawr-eu mae.

Gʼaˬkʼehˇ 9:6

Khoernar-aq, aqyawf zanqler taq-awr yawdzuq gan’gan-aer aer-eu, “Sanqpaq-or! Nawr, ngaq-anr aqjeq bi janrmawf-eu nya?” Khoerngae, Sanqpaq Yeqsur, aqyawf-anr aerkhof naeq-eu, “Tur-awr meuq-anr urler-awq. Nawr aqjeq yajanr-eu la laer aqcawq, nawq-anr aernaeqlaf taef-a.”

2 Teˇsaˬloˇni 3:11

Aqjeq mirnae aernar-aq, nawmaf-euq lafkhoer, tsawrhaq tiqpavnav deuq-aq yawdoer doer-awr, tiqjeq-iq maqmr-aer, aqcawq kharngeur-eu jeq mr-eu gar lavbanq luf-eu mae jer laer, nga’maf yagaq-euq ma.