Luˇkaꞈ 16:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Akha

²² “Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

Luˇkaꞈ 16:22 ပူးပေါင်းရင်းမြစ်များ

Dawqdaq 14:32

Tsawrcawv-aq, yawqha-euq yawdoer-euq baqda’nae, Yabi taedzae-eu mae. Aerkhawf, tsaq-awr dawr-eu tsawrhaq-aq, Shir ngae khawf caevzafkhar za-eu mae.

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Maꞈtehˬ 24:31

Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Maꞈtehˬ 8:11

Ngar, nawmaf-anr par aernaeq nyar. Nanrma dovkhaeq, gakhaeq paw jawr-eu tsawrhaq ghawqmya’ni lar-awr, mqtav mirkhanq-euq lafkhoer, Aqbyaqhaq, Irtsav hawr-eu Yaqkov naeq-aer hawqjawq ya jawqtaf taef-a.

Maˬkuˆ 8:36

Tsawrhaq tiq ghaq mirtsaq dawqtawvluf za-euq khawf, aqyawf-euq nuima saflar yasmq nar-aq, aqyawf-euq gharduq aqjeq gardanr tsoeq-eu la?

Luˇkaꞈ 12:20

Aerkhawf, Miqyaer, aqyawf-anr aernaeq-eu, ‘Aqdzawq argan-or! Nymrcif nae ngar, nawq-euq saflar yurkhof ma. Tox-aer mar-iq, nawq nae povuiq taq-euq deuq, aqsur ghaq-euq pyeuf-ir-eu jeq la?’

Luˇkaꞈ 16:21

Aqyawf-aq, smrmuiq smrbaw khoerghaq-euq hawqje-anr nae gaka taq-euq dzardeuq-anr dzaqmawf-eu mae. Khoeruqtaf, aqkuiq deuq larlar-aer aqyawf-euq shaqciq-anr myeuflar-eu mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 13:23

Zaqlanr deuq-euq lafkhoer nae Yeqsur zawr gaq-eu zaqlanr khoerghaq, Yeqsur-euq bawkhanr-anr khawqdar luf-eu mae.

Yoˇhaˬ 21:20

Beqtuvluv nanrghof ghofhaw ngae, Yeqsur zawr gaq-eu zaqlanr khoerghaq cantaelaf luf-eu gar ya’mawr-euq mae. Zaqlanr khoerghaq-aq, cifhawq dzaqtaf ngae mir, Yeqsur-euq khanq-anr khawqdar-awr, “Sanqpaq-or! Nawq-anr anqdzaq-eu aqsur ghaq la?” laer narhaq-euq khoerghaq mae.

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

HeˬByehˇ 2:14

Zaq khoerdeuq shiq hawr-eu shaqjir piluf-eu lof-aer, aqyawf khawf aqyawfmaf lof-aer durni daefle-euq mae. Aqyawf shir-awr, shir-eu jeq-anr uvlanr-eu naef sanqpaq-euq baoq-anr lavcawv le-euq mae.

Yaˬkoˆ 1:11

Nanrma dovlar-awr, uqtsar khavlar-awr lanrlar ngae, yarmof khoer nyoeq-ir kov-ir-eu mae. Khoerngae jawr, aryaev khoer ga-ir-awr, hawmuiq-eu jeq cawv-ir jir-eu mae. Khoergar durni, smrmuiq muiq-eu tsawrhaq khawf, yawqha-euq gar-anr khofghaluf ngae byov-ir taef-a.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

Panmaeq 14:13

Khoerngae, mq-anr nae ngaeqdov lef-awr gaqle-eu tersar, ngaq-anr aernaeq laf-eu, “ ‘Aqkar nar-aq, Sanqpaq Miqyaer-euq lafkhoer shir-euq tsawrhaq deuq-aq, guiqlanq huiq-eu mae’ laer boftaq-awq.” Muiq-eu Saflar aer-eu, “Ngeur mae. Aqyawfmaf gar mr-eu naq-awr, aqyawfmaf nae mrtaq shartaq-euq deuq, aqyawf maf-euq maeqnan cantae taef-a.”