Luˇkaꞈ 16:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Zanrdawq hawr-eu Miqyaer gharduq ngaeqdan-eu deuq-euq dawq-aq, Yorhaq-euq zir-anr keuvni aertaq-euq mae. Khoerngae yamq-anr nae nar-aq, Miqyaer uvlanr-eu garkawv guiqlanqdawq maeqnaeq-euq mirnae, yawqghaq navluf nawrnawr ngarngar-aer tanqdzae tanqdzae-aer urler luf-eu mae.

Akha

¹⁶ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ boꞈ taˬ-euˬ deuˬ-aˬ, Iˇ cuꞈ shawˇ-eu Yoˇhaˬ maˬ doˆ le mi naˆ-ehˇ keuˆ ni-euˬ gʼaˇ duˬ meh. Yoˇhaˬ-euˬ ziˇ-ahˇ neh dahˬ beh-awˇ Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ yawˬ gʼaˬ na luꞈ tahˬ ceh ceh-awˇ kʼoeˇ gaˇ uˇ leˇ-eu leh jeh luꞈ meh.

Luˇkaꞈ 16:16 ပူးပေါင်းရင်းမြစ်များ

Maꞈtehˬ 10:7

Nawmaf irluf ngae, ‘Mqtav mirkhanq keuvle shaw-iq mae’ laer dawqmaeq maeqmaeq-aer can-ir-awq.

Maꞈtehˬ 15:11

Khaqmae-anr nae anr-ir-eu jeq-aq, tsawrhaq-anr maqshawrni bi pyeuflar-eu maqngeur-a. Khaqmae-anr nae dovlar-eu jeq taef-aer tsawrhaq-anr maqshawrni bi pyeuflar nya-eu mae.”

Maꞈtehˬ 21:32

Aqjeq mirnae aernar-aq, Yorhaq, nawmaf jawr-eu gar tsaq-awr dawr-eu garma-euq lafkhoer oe-euq khawf, nawmaf, aqyawf-anr maqjan-a. Aerkhawf, jeq taf-eu tsawrhaq hawr-eu mawrdo anq-eu deuq-aq, aqyawf-anr jan-euq mae. Nawmaf khoerdeuq jan-eu gar ya’mawr-euq khawf, iqbax maq noeqpov maq noeqpar-aer aqyawf-anr maqjan-a.”

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 4:17

Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maˬkuˆ 1:14

Yorhaq kuv-euq lafkhoer bi nyaefur ghaq-euq nar-aq, Yeqsur, Gaqliqlaer mirkhanq-anr lar-awr, Miqyaer uvlanr-eu garkawv guiqlanqdawq maeq-euq mae.

Maˬkuˆ 1:45

Aerkhawf, aqyawf dov-ir-awr nae garkawv khoer yawkhav-aer jakhawq ghae-awr, yawqgar navluf gaqdoe-ir taq-euq mae. Khoermirnae, Yeqsur, meuq-euq lafkhoer byacaevni maqpar urler nya-aer, bawrtsanq doeni jawrluf ngae, kharngeur-eu gar jawr-eu tsawrhaq deuq, aqyawf jawr-eu gar lar-euq mae.

Luˇkaꞈ 10:11

‘Nga’maf-euq aqkuir-anr laeflar-euq nawmaf-euq meuq-euq khaqlaer, nawmaf-euq maeqshi sawvkharyaf ma. Aerkhawf, Miqyaer uvlanr-eu jeq nawmaf-euq dawqpae paele-euq ngar-a laer nawmaf siqnya-awq.’

Luˇkaꞈ 10:9

Meuq khoermeuq-anr jawr-eu, nar-awr gawr-eu tsawrhaq deuq-anr lavtaq naeq-awr, ‘Miqyaer uvlanr-eu jeq nawmaf-euq dawqpae keuvle taq-euq mae’ laer aernaeq-awq.

Luˇkaꞈ 16:29

Aqbyaqhaq aer-eu, ‘Aqyawfmaf jawr-eu gar Morseq-euq dawq hawr-eu Miqyaer gharduq ngaeqdan-eu deuq-euq dawq jav mae. Aqyawfmaf dawq khoerdeuq-anr narhaq luf-ur.’

Luˇkaꞈ 16:31

Aqbyaqhaq, aqyawf-anr aernaeq-eu, ‘Aqyawfmaf, Morseq-euq dawq hawr-eu Miqyaer gharduq ngaeqdan-eu deuq-euq dawq-anr maq narhaq nar-aq, shir-euq tsawrhaq tiqghaqnav ghofdaef lar-euq khawf, aqyawf maf-anr maq lavjan nya-ar.’ ”

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Yoˇhaˬ 11:48

Aqyawf-anr khoerlof-aer mrmr-aer bijawr nar-aq, tsawrhaq dawqtawvluf, aqyawf-anr janler jir-eu ngar-a. Khoernar-aq, Lormav tsawrhaq lar-awr, aqdui-euq jawrduq hawr-eu aqdui-euq mirkhanq-anr yurgeuf jirlar taef-a.”

Yoˇhaˬ 12:19

Khoermirnae, Paqliqsaer deuq, aqyawf maf-euq yawkaq aer-eu, “Nawmaf tiqjeq-iq maq mrpyeufnya nga. Hawsher-eq. Mirtsaqzaq dawqtawvluf, aqyawf-euq maeqnan cantae jir-euq ngar-a.”

Yoˇhaˬ 5:4

Aryamq baw-awr tsaqlar ngae, mqtav ghaqkhaer lan-euq lafkhoer zafka le-awr, ircuf-anr lavnyi le-eu mae. Ircuf khoer nyinyi-aer ghaelar ngae, aqcawq-euq jeqhu ur-ir-euq ghaq-aq, aqjeq-euq nargawr narluf-eu khawf taqler-eu mae.

Gʼaˬkʼehˇ 3:18

Aerkhawf, Kali-aq, shaqzanq yadaq mae laer aqyawf-euq gharduq ngaeqdan-eu tsawrhaq dawqtawv luf-euq khaqmae-anr ghoe-awr, Miqyaer nae dzeurlaf ngae nae aertaq-euq lof-aer byanlar-euq mae.