Luˇkaꞈ 16:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ “Zaqkhav tiq ghaq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, Miqyaer-euq zaqkhav geufluf ngae, pyurshuir myawqganq-euq zaqkhav maq geufnya-a.”

Akha

¹³ “Tsawˇ haˬ tiˬ gʼaˬ-iˬ baw leˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.”

Luˇkaꞈ 16:13 ပူးပေါင်းရင်းမြစ်များ

Maꞈtehˬ 4:10

Khoerngae, Yeqsur, aqyawf-anr aernaeq-eu, “Naef Saqdaq-or! Dov-ir-awq. Aqjeq mirnae aernar-aq, Yaerbof-euq lafkhoer boftaq-euq, ‘Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae.’ ” (Dm 6:13)

Maꞈtehˬ 6:24

“Tsawrhaq tiqghaq-iq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, tiqyamq-euq lafkhoer, Miqyaer-euq hawr-eu pyurshuir myawqganq-euq kuirlaf zaqkhav maq geufnya-a.

Luˇkaꞈ 11:23

Ngar jawr-eu paw maqjawr-eu tsawrhaq-aq, ngaq-anr muir-eu paw jawr-eu mae. Ngaq naeq-aer maq bymrlar-eu tsawrhaq-aq, byavdzae-eu tsawrhaq mae.

Luˇkaꞈ 14:26

“Ngaq-euq maeqnan cantae lar-eu aqsur ghaq maqkaq, yawqha-euq aqma aqda, miqzaq, zaq, maernmr dmrma hawr-eu yawqha-euq daefzir-anr maqbyae nar-aq, ngaq-euq zaqlanr maq geufnya-a.

Luˇkaꞈ 16:12

Nawmaf, aqcawq-euq myawqganq zmq ngae sarjax maqzif nar-aq, aqsur ghaq nawmaf-anr of-eu myawqganq bifnaeqlaf mawf nmr-mq?

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 9:50

Yeqsur aer-eu, “Aqyawf-anr taq lavtsoeq. Aqjeq mirnae aernar-aq, aqdui-anr maq lavtsoeq-eu tsawrhaq-aq, aqdui jawr-eu paw jawr-eu mae.”

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.