Luˇkaꞈ 15:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Irkanr ghofkeuvlar ngae, aqyawf-euq cawqdeuq hawr-eu, aqyawf-euq dawqpae jawr-eu deuq-anr kur-awr, aqyawf maf-anr aernaeq-eu, ‘Byov-ir-euq ngaq-euq yawr khoermawr-anr ngar mawrkhof-euq mirnae, nawmaf, ngaq naeq-aer laqkhaq cawcaer lar-awq.’

Akha

⁶ Iˇ kahˇ gʼoꞈ keuˆ laˇ ngeh jawˇ,aˬ yawꞈ-euˬ cawˬ deuˬ hawˇ-eu aˬ yawꞈ-euˬ dawˬ peh jawˇ-eu tsawˇ haˬ deuˬ-ahˇ kuˇ-awˇ, ‘Byoˆ-iˇ-euˬ ngaˬ-euˬ yawˇ kʼoeˇ mawˇ poˆ mawˇ kʼoꞈ-euˬ miˇ neh, ngaˬ nehˬ-ehˇ laˬ kʼaˬ caw cehˇ laˇ-awˬ’ lehˇ ehˇ nehˬ tehꞈ-a.

Luˇkaꞈ 15:6 ပူးပေါင်းရင်းမြစ်များ

Jaceuq 119:176

Ngar, nawq-euq zanrdawq khofdawq-anr maqngaer-euq mirnae, Byov-ir-euq yawrzaq lof-aer garma canbanq taq-euq, Nawq-euq kuirlaf zaqkhav-anr povkhofle naeqlaf-awq.

Luˇkaꞈ 1:58

Sanqpaq Miqyaer nae aqyawf-anr ghawqshaq khoernav nav-aer gaq naeq-euq gar nymrkaq taf-eu tsawrhaq hawr-eu, aqyuif aqnyir deuq yagaq ngae, aqyawf naeq-aer tiqkawv lof-aer laqkhaq cawcaer lar-euq mae.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 15:24

Aqjeq mirnae aernar-aq, ngaqli heughaq-aq, shir-euq khawf ghofdaef lar-awr, byov-ir-euq khawf mawrkhof-euq ma.’ Khoernar-aq, aqyawfmaf danqbae-awr laqkhaq caer-eu mae.

Luˇkaꞈ 15:5

Povmawr-euq nar-aq, laqkhaq caertavni bafpu-anr bafdav taef-a.

Luˇkaꞈ 15:7

Khoerlof-aer durni, ngar, nawmaf-anr aernaeq nyar, iqbax maqya noeqpov-eu dawr-awr tsaq-eu tsawrhaq 99 ghaq-euq gharduq, mq-euq khoertav laqkhaq caer-eu navmaqtser, iqbaxzaq tiq ghaq noeqpov noeqpar-euq mirnae, mq-euq khoertav laqkhaq caerdzaeq-eu mae.

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 15:3

Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Piˇliˇpiˆ 1:4

Ngar, nawmaf yawqghaq navluf-euq gharduq guiqlanq kharshar ngae, laqkhaq caertavni sharluf-eu ma.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Piˇliˇpiˆ 4:1

Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

1 Teˇsaˬloˇni 2:19

Aqdui-euq Sanqpaq Yeqsur zafkale ngae, aqdui, aqyawf-euq maeqshi yawfler ngae, nga’maf-euq noeqtmqduq, laqkhaq caerduq hawr-eu nga’maf nuima huiqduq pyeuf-eu shuir uqkhov aqgeu jeq la? Yawqjeqyawq maqngeur-a, nawmaf mae.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.