Luˇkaꞈ 15:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ “Khoerngae, aqyawf noeqganr lar-awr heulof-aer aer-eu mae, ‘Ngaqda-anr ghaqmanr manrdzaq-eu deuq-aq, hawq dzaqdaev lof-awr par dzaeqlar-a siq. Aerkhawf, ngar-aq, maefsaef shaw-iq mir-a!

Akha

¹⁷ Aˬ li kʼoeˇ gʼaˬ aˬ yawˇ yawꞈ noeˬ gahˇ laˇ-awˇ, ‘Ngaˬ da-ahˇ gʼaˬ mahˇ mahˇ dzaˬ-eu tsawˇ haˬ deuˬ maˬ dzaˬ maˬ dawˇ jiˇ coeˇ-a. Ehˇ kʼawꞈ, ngaˇ-aˬ, heu gaˇ hawˬ dzahˬ sehꞈ shaw-iˬ miˇ-a.

Luˇkaꞈ 15:17 ပူးပေါင်းရင်းမြစ်များ

Jaceuq 119:59

Ngar, ngaq-euq garma deuq-euq garkawv shaernoeq-awr, Ngaq-euq aqkuir nawq-euq dawqdzawr jav-eu paw ciqpyawrlaf ma.

Jaceuq 73:20

Tsawrhaq tiq ghaq yufmav mav-awr noeqlar-euq lof-aer; Sanqpaq Miqyaer-or! Nawr noeqlar ngae, Nawr, aqyawf maf-euq shaevdzeuf-anr hawdoer taef-a.

Luˇkaꞈ 15:16

Aqyawf, aqzaf-anr bif-eu arbaev tiqdaev yadzaq lawnmr khawf nuikhanr shir-eu mae. Aerkhawf, aqyawf-anr tiqghaq-iq maqbi dzaq-a.

Luˇkaꞈ 16:23

Aqyawf-aq, shir-eu mirkhanq-euq lafkhoer shaqdui zanq duidui-eu gar ya daqluf-eu mae. Aqyawf ghawrleur-awr haw ngae, garmanr kaq-eu gar Aqbyaqhaq-anr mawr-awr, Laqzaqlur, Aqbyaqhaq-euq bawkhanr-anr jawrluf-eu gar khawf ya’mawr-euq mae.

Luˇkaꞈ 8:35

Garkawv khoer aqjox-aer pyeuflar-euq nga laer yasiqni, tsawrhaq armaf mafma hawlar-euq mae. Aqyawfmaf, Yeqsur jawr-eu gar larkeuv ngae, naef baqmaf dov-ir-euq khoerghaq, maeqtsoeq dm-awr, noeqbeur khoflar-awr, Yeqsur-euq aqkuir-euq dawqpae nuirluf-eu gar ya’mawr-euq mirnae, aqyawfmaf guv duidui-ir-euq mae.

Gʼaˬkʼehˇ 12:11

Khoerngae, Beqtuvluv noeqbeur lar-awr aer-eu, “Sanqpaq Miqyaer, aqyawf-euq mqtav ghaqkhaer bi’oe-awr, Heqlor-euq aqlaf hawr-eu Yurdav tsawrhaq nae noeqtmq taq-euq jeq dawqtawv luf-anr nae ngaq-anr bibuq-ir naeqlaf-euq nga laer, nymq-mr ngar aqdir siqduq-euq ma.”

Gʼaˬkʼehˇ 2:37

Aqyawfmaf, dawq khoerdeuq-anr yagaq ngae, nuima-anr zawler-awr, Beqtuvluv hawr-eu ghaqkhaer nuideuq-anr aernaeq-eu, “Aqyuif aqnyir deuq-or! Nga’maf aqjox-aer yajanr-eu la?”

Eˇpeˇsu 5:14

Khoermirnae, aqyawf aer-eu, “Yufkhav taq-euq tsawrhaq-or! Noeqlar-awr, shir-euq gar nae ghofdaef lar-awq. Kali, nawmaf-anr yawshaef bya’naeqlaf taef-a.”