Luˇkaꞈ 14:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae aernar-aq, yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, taqhuiq-eu jeq yaza taef-a.”

Akha

¹¹ Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 14:11 ပူးပေါင်းရင်းမြစ်များ

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Jaceuq 18:27

Aqjeq mirnae aernar-aq, nawr, nuinanq nuiyu anr-eu tsawrhaq-anr bibuq-ir-awr, Nawr, nuima huiq-awr haw-eu deuq-anr gheuka naeq-euq mae.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Dawqdaq 18:12

Nuima huiq-eu tsawrhaq-euq maeqnan, Lavcawv-eu jeq tae-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Dawqdaq 25:27

Byaquir ardzaeq dzaqdzeur-eu maqmuiq-eu lof-aer durni, Yawqha khanqsaer za’ni, sharpov-eu khawf maqmuiq-a.

Dawqdaq 29:23

Tsawrhaq-euq nuima huiq-eu jeq, aqyawf-anr gheu’aw taef-a. Aerkhawf, nuinanq nuiyu anr-eu tsawrhaq-aq, taqhuiq taqmanr-eu jeq za taef-a.

Maꞈtehˬ 23:12

Yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqsur ghaq maqkaq, taqhuiq taqmanr-eu jeq za taef-a.

Luˇkaꞈ 1:51

Aqyawf-euq lafdu nae baoq huiq-eu deuq mr-euq mae. Yawqha-euq nuinoeq nuilov geufgeuf-aer nuima huiq-eu tsawrhaq-anr aqyawf taebyav-euq mae.

Luˇkaꞈ 1:52

Aqyawf, baoq jav-eu deuq-anr nuirmanq-anr nae bi oeka-awr, Teq-awr nyir-eu deuq-anr bidav ler-euq mae.

Luˇkaꞈ 14:12

Yeqsur, aqyawf-anr kur-euq ghaq-anr khawf heulof-aer aernaeq-euq mae, “Nawr, aqcawq-anr kur-awr, ghanrhawq maqngeur nar-aq cifhawq bidzaq ngae, nawq-euq cawqdeuq, nawq-euq maernmr deuq, nawq-euq aqyuif aqnyir deuq hawr-eu nawq-euq dawqpae jawr-eu smrmuiq smrbaw deuq-anr taqkur. Khoerdeuq-anr kur nar-aq, aqyawfmaf khawf nawq-anr kur-awr, guiqlanq janrkhof naeqlaf taef-a.

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Yaˬkoˆ 1:9

Aqcawq-euq lafov teqni jawr-eu aqyuif aqnyir tiqghaqnav artiv gorler ngae, aqyawf laqkhaq caer-eu tsaq mae.

Yaˬkoˆ 4:10

Sanqpaq Miqyaer-euq maeqshi nuima nanqyuni taq-awq. Aqyawf, nawmaf-anr taqhuiq taqmanr naeqlaf taef-a.

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

1 Beˬtuˆluˆ 5:6

Khoermirnae, nawmaf, Miqyaer-euq baoq huiq-eu aqlaf-euq uqmov, nuinanq nuiyu anr-awq. Aryamq tsaqlar ngae, aqyawf, nawmaf-anr ciqgor naeqlaf taef-a.