Luˇkaꞈ 13:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ “Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Akha

³⁴ “Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 13:34 ပူးပေါင်းရင်းမြစ်များ

Jaceuq 149:2

Aqyawf maf-anr bae-euq ghaq-euq lafkhoer, Irsaqleqlav laqkhaq bicaer luf-ur; Aqyawf maf-euq sanqpaq-euq baqda’nae, Ziroq-euq zaqdeuq bi lurgha bi caergha luf-ur.

Jaceuq 17:8

Nawr, nawq-euq myavnuiv myavsiq-anr hawpir-eu lof-aer, Ngaq-anr hawpir naeqlaf-awq. Ngaq-anr, nawq-euq aqdanr-euq narshmr-euq uqmov, bi caevzaf naeqlaf-awq.

Jaceuq 36:7

Miqyaer-or! Nawr ghoer-awr gaq-eu jeq, Arnavni poeq-awr lawq-eu nga! Heu-euq baqda’nae, nawq-euq aqdanr-euq narshmr-euq uqmov, Tsawrhaqzaq ghoelar-eu mae.

Jaceuq 57:1

Miqyaer-or! Ngaq-anr ghawqshaq gaqnaeq laf-awq! Ngaq-euq nuima saflar, nawq-anr ghoe-eu mirnae, Ngaq-anr ghawqshaq gaqnaeq laf-awq! Lavbyov lavbyav-eu jeq maqdzeur-ir-euq khoerkeuvni, Ngar, nawq-euq aqdanr narshmr-euq uqmov caevzaflar ma.

Jaceuq 81:13

“Or, ngaq-euq tsawrhaq, ngaq-anr narhaq naeqlaf lawnmr-aq, Irsaqleqlav, ngaq-euq garma-anr can-eu lawnmr-aq!

Jaceuq 91:4

Aqyawf-euq aqdanr nae nawq-anr danrkhawv khawvkaq-awr; Nawr, aqyawf-euq aqdanr-euq uqmov caevzaflar taef-a. Aqyawf-euq yawtsaq yawdawr-aq, Nawq-euq daeqdaqduq hawr-eu tanqdaqduq pyeuf taef-a.

Maꞈtehˬ 22:3

Aqyawf-euq kuirlaf zaqkhav deuq-anr khaerghae-awr, kurtaq-euq tsawrhaq-anr bi kurlaq-ir-euq mae. Aerkhawf, aqyawfmaf maq larmawf-eu mirnae maqlar-aq.

Maꞈtehˬ 22:6

Nuideuq-aq, kuirlaf zaqkhav khoerdeuq-anr nyaef-awr, yaeqbawq-aer janrnaeq-awr, aqyawf maf-anr saef-euq mae.

Luˇkaꞈ 15:28

“Ardov ghaq nuima paerpaer-aer irkanr maq urler mawf-a. Khoermirnae, aqyawf-euq aqda dovle-awr, aqyawf-anr tanqshar-euq mae.

Luˇkaꞈ 19:44

Nawq-anr muir-eu deuq, nawr hawr-eu nawq-euq lafkhoer jawr-eu nawq-euq zaqdeuq-anr mirtsa dini lavcawvjir naeqlaf taef-a. Nawq-euq lafkhoer anr-eu khaqlo deuq khawf tiqsiq-euq khoertav tiqsiq maqbi javyaf-eu gar keuvni janrnaeqlaf taef-a. Aqjeq mirnae aernar-aq, Miqyaer, nawq-anr hawle-euq aryamq-anr nawr maq siqnya-eu beu!”

Luˇkaꞈ 23:28

Yeqsur, aqyawf maf-anr nanrghof ghofhaw-awr heulof-aer aernaeq-euq mae, “Yeqlursaqlaeq-euq zaqmiq deuq-or! Ngaq-euq gharduq yawkhav-aer taqngoer. Aerkhawf, nawmaf yawqha-euq gharduq hawr-eu yawqha-euq zaq-euq gharduq ngoer-awq.

Gʼaˬkʼehˇ 7:52

Nawmaf-euq aqpoeq deuq nae maqbi khaeq maqbi khav haw-euq Miqyaer gharduq ngaeqdan-eu tsawrhaq aqgeu ghaq jawr-eu la? Tsaq-awr dawr-eu ghaq oe taef-a laer ngaeqdan-euq deuq-anr khawf, aqyawfmaf saef-euq mae. Nymq-mr nawmaf khawf, Tsaq-awr dawr-eu khoerghaq, aqcawq-anr anqdzaq-awr bisaef-euq mae.

Gʼaˬkʼehˇ 7:59

Aqyawfmaf, Saqteqpaq-anr khaqlo biqluf ngae, Saqteqpaq, Miqyaer-anr kurkur-aer aer-eu, “Sanqpaq Yeqsur-or! Ngaq-euq saflar-anr hageuf naeqlaf-awq.”

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

Panmaeq 11:8

Aqyawf nyaf-euq mawrdo-aq, meuq meuqma-euq garma-anr ga taef-a. Meuq heumeuq-aq, saflar paw-euq tsawrmyanr Sordoq hawr-eu Irjirtuv laer kur-awr, aqdui-euq Sanqpaq lafyaq-euq khoertav bi tafsaef-euq meuq khoermeuq mae.