Luˇkaꞈ 13:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Nymrsanr ghaq tur-awr, larghov piqtaeq shaw-euq nar-aq, nawmaf lafnyir paw yawf-awr, larghov-anr khovkhov-aer danqbae-awr aer taef-a, ‘Sanqpaq-or! Sanqpaq-or! Nga’maf-anr larghov pannaeqlaf sher-eq.’ Khoerngae, ‘Ngar, nawmaf-anr maq siqnya nya. Nawmaf aqgeugar nae lar-euq maqsiq lawr’ laer aqyawf aerkhof naeqlaf taef-a.

Akha

²⁵ Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Luˇkaꞈ 13:25 ပူးပေါင်းရင်းမြစ်များ

Jaceuq 32:6

Heu-euq baqda’nae, nawq-anr sarjax zif-eu yawqghaq navluf, Nawq-anr mawrnya-eu aryamq pyeuf ngae, Nawq-anr guiqlanqshar taef-a. Ircuf ghawqmya’ni danqlar-eu khawf, Yawduq bawni, aqyawf-euq dawqpae maq danqkeuv lar-ar.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Luˇkaꞈ 13:27

Aerkhawf, aqyawf heulof-aer aernaeq taef-a, ‘Ngar, nawmaf-anr aernaeq nyar, nawmaf aqgeugar nae lar-euq laer ngar maq siqnya nya. Nawmaf yawlaeq yawca kharmr-eu tsawrhaq dawqtawvluf ngar jawr-eu gar nae dov-ir-awq.’

Luˇkaꞈ 3:8

Nawmaf noeqpov noeqpar-euq gar geux-eu arsiq bi siqle-awq. ‘Aqbyaqhaq-aq, nga’maf-euq aqda yawdzanr ma’ laer nawmaf-euq nuima-euq lafkhoer taqnoeq. Ngar, nawmaf-anr aernaeq nyar, Miqyaer-aq, khaqlo heudeuq-anr Aqbyaqhaq-euq oeqpaq oeqma bi pyeuflar nya-eu mae.

Luˇkaꞈ 6:46

“Nawmaf, ngaq-anr ‘Sanqpaq-or! Sanqpaq-or’ laer kur-eu gar nae, aqjeq mirnae ngaq nae aertaq-euq lof-aer maqmr-eu le?

2 Gawˇliˬtu 6:2

Aqjeq mirnae aernar-aq, Miqyaer aer-eu, “Aryamq tsaq ngae, ngar, nawq-euq shardawq-anr narhaq-euq ma. Kakhof-eu arnan ngae nan, ngar, nawq-anr cawba-euq ma.” (Isy 49:8) Hawsher-eq. Nymq-mr-aq, aryamq tsaq-eu mae. Iqnan-aq, kakhof-eu arnan mae.

HeˬByehˇ 12:17

Arnan-aq, Irsawr, aqyawf-euq aqda nae dawq ngaeqghae-eu gar za’mawf-eu mae. Aerkhawf, maq janrnaeq-aq. Aqyawf nae mrdzeur-euq jeq-anr myavbir juni sharpov duidui-euq khawf, noeqpov noeqparduq maqpar jav-euq mae laer nawmaf siqnya-eu mae.