Luˇkaꞈ 13:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ “Nawmaf ghovkhaeq yawsuf-anr ya urlerni laejae-awq. Ngar, nawmaf-anr aernaeq nyar, tsawrhaq ghawqmya ghaq urler-eu laer laejae-eu khawf, maq urler nya-ar.

Akha

²⁴ “Gʼoˆ kʼehˬ yaw suꞈ-ahˇ ya uˇ leˇ ni leh jeh dui dui-awˬ. Tsawˇ haˬ gʼawˬ mya gʼaˬ kʼoeˇ gaˇ uˇ leˇ-eu lehˇ leh jeh kʼawꞈ, maˬ ya uˇ leˇ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 13:24 ပူးပေါင်းရင်းမြစ်များ

Dawqdaq 14:6

Aqjaf jaf-eu tsawrhaq-aq, zaqsiq tsawrganr pov khawf maq povmawr nya-a. Aerkhawf, ghovshaw nya-eu tsawrhaq-aq, Siqnya-eu tsawrganr za-eu yaw’awq mae.

Dawqdaq 21:25

Nymrgawq yawdoer tsawrhaq-aq, Yawqha geufmawf-eu jeq nae yabi saef taef-a. Aqjeq mirnae aernar-aq, Aqyawf, yawqha-euq aqlaf nae, Tiqjox-aer ghaenae-iq maq mrmawf-a.

Maꞈtehˬ 11:12

Bartirsaq mrnaeq-eu Yorhaq dovle-euq yamq-anr nae iqnan keuvni, mqtav mirkhanq za’ni deuvcae caeluf-eu mae. Nuima keuv-awr deuvcae cae-eu tsawrhaq deuq-aq, deuvza luf-eu mae.

Luˇkaꞈ 13:23

Khoerngae, tsawrhaq tiq ghaq, Yeqsur-anr narhaq-eu, “Sanqpaq-or! Yabuq-ir-eu tsawrhaq uicuiv taef-a lor?” Khoerngae, Yeqsur, tsawrhaq armaf mafma-anr heulof-aer aernaeq-euq mae:

Luˇkaꞈ 21:36

Khoermirnae, keuvle-eu laer ghae-eu heudeuq dawqtawv luf-anr nawmaf yabuq-ir-awr, Tsawrhaq-euq Zaqyo-euq maeqshi yawf-eu geux-eu tsawrhaq laer bisawxni, nawmaf aqmyanluf guiqlanq sharshar-aer, yawbeur beur-aer jawr-awq.”

Yoˇhaˬ 13:33

Ngar gaq-euq zaqdeuq-or! Ngar, nawmaf naeq-aer ghawqmyanrni maqpar yajawr-eu mae. Nawmaf, ngaq-anr pov taef-a. Aerkhawf, ‘Ngar ir-eu gar nawmaf maq oenya-a’ laer ngar, Yurdav tsawrhaq-anr aernaeq-euq lof-aer, nymq-mr ngar, nawmaf-anr khawf aernaeq-eu ma.

Yoˇhaˬ 5:4

Aryamq baw-awr tsaqlar ngae, mqtav ghaqkhaer lan-euq lafkhoer zafka le-awr, ircuf-anr lavnyi le-eu mae. Ircuf khoer nyinyi-aer ghaelar ngae, aqcawq-euq jeqhu ur-ir-euq ghaq-aq, aqjeq-euq nargawr narluf-eu khawf taqler-eu mae.

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Yoˇhaˬ 7:34

Nawmaf, ngaq-anr pov taef-a. Aerkhawf, maq povmawr nya-ar. Nawmaf, ngar jawr-eu gar maq larnya-a.”

Yoˇhaˬ 8:21

Khoerngae, Yeqsur, aqyawf maf-anr par aernaeq-eu, “Ngar dov-ir luf-eu ma. Nawmaf, ngaq-anr sharpov taef-a. Aerkhawf, nawmaf-aq, nawmaf-euq iqbax-euq lafkhoer yashir taef-a. Ngar ir-eu gar nawmaf maqoe nya-ar.”

Lormav 10:3

Aqjeq mirnae aernar-aq, aqyawfmaf, Miqyaer-euq tsaq-awr dawr-eu jeq-anr maq siqnya-aer, yawqha-euq tsaq-awr dawr-eu jeq mrdov-eu laer laejae-eu mae. Khoermirnae, aqyawfmaf, Miqyaer-euq tsaq-awr dawr-eu jeq-euq uqmov maqjawr-a.

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

HeˬByehˇ 4:11

Khoermirnae, Yaerdawq maq narhaq geuf-euq deuq coq-ir-euq lof-aer, aqdui khawf maqya coq-ir ni, ghaqnaq naqduq khoer-anr ya urlerni laejae kar-eur.

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.