Luˇkaꞈ 12:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, tsawrhaq-euq maeqshi Ngaq-euq zaqlanr maqngeur laer aerdov-eu aqgeu ghaq-anr maqkaq, Tsawrhaq-euq Zaqyo khawf, Miqyaer-euq mqtav ghaqkhaer deuq-euq maeqshi ngaq-euq zaqlanr maqngeur laer aerdov taef-a.

Akha

⁹ Ehˇ kʼawꞈ, tsawˇ haˬ tiˬ gʼaˬ na ngaˬ-ahˇ maˬ taꞈ lehˇ aˬ cawˬ mehˬ shi ehˇ naˇ, ‘Tsawˇ haˬ kʼoeˇ gʼaˬ ngaˬ-ahˇ maˬ taꞈ-a’ lehˇ, Miˬyehˇ-euˬ mˬ taˆ gʼaˬ kʼehˇ deuˬ mehˬ shi Tsawˇhaˬ-euˬ Zaˬmaˇ ehˇ tehꞈ-a.

Luˇkaꞈ 12:9 ပူးပေါင်းရင်းမြစ်များ

Maꞈtehˬ 10:33

Tsawrhaq-euq maeqshi, ‘Ngar-aq, Yeqsur-euq zaqlanr maqngeur’ laer aerdov-eu aqgeu ghaq maqkaq; ngar khawf, mq-euq khoertav jawr-eu ngaqDa-euq maeqshi, ‘Teughaq-aq, ngaq-euq zaqlanr maqngeur’ laer aerdov ma.

Maꞈtehˬ 25:12

Aerkhawf, aqyawf aerkhof naeq-eu, ‘Ngar, nawmaf-anr aqdirma-aer aernaeq nyar, ngar, nawmaf-anr maq siqnya nya.’

Maꞈtehˬ 25:31

“Tsawrhaq-euq Zaqyo, aqyawf-euq yawshaef khanqsaer-euq lafkhoer, shawr-eu mqtav ghaqkhaer dawqtawvluf naeq-aer zafkale ngae, aqyawf, aqyawf-euq yawshaef khanqsaer jav-eu nuirmanq-anr nuir taef-a.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Maꞈtehˬ 7:23

Khoerngae, ngar, aqyawf maf-anr heulof-aer aernaeq ma, ‘Zanrdawq-anr leur-eu jeq mr-eu tsawrhaq-or! Ngar, nawmaf-anr maq siqnya nya. Ngar jawr-eu gar nae dov-ir-awq.’

Maˬkuˆ 8:38

Aqsur ghaq maqkaq, banq-awr joe-eu hawr-eu iqbax mrluf-eu heuzir-euq tsawrhaq-euq maeqshi, ngar hawr-eu ngaq-euq dawq-euq baqda’nae shafdawr nar-aq, aqyawf Tsawrhaq-euq Zaqyo khawf, aqyawf-euq Aqda-euq yawshaef khanqsaer-euq lafkhoer, shawr-eu mqtav ghaqkhaer deuq naeq-aer zafkale ngae, tsawrhaq khoerghaq-euq baqda’nae shafdawr taef-a.”

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 22:57

Aerkhawf, Beqtuvluv pyaer-eu, “Zaqmiq aqbur-or! Ngar, aqyawf-anr maq siqnya nya.”

Luˇkaꞈ 9:26

Aqsur ghaq maqkaq, ngaq-anr hawr-eu ngaq-euq dawq-anr shafdawr nar-aq, Tsawrhaq-euq Zaqyo khawf, aqyawf-euq yawshaef khanqsaer-euq lafkhoer maqaer, Aqda Miqyaer hawr-eu shawr-eu mqtav ghaqkhaer-euq yawshaef khanqsaer-euq lafkhoer maqaer zafkale ngae, tsawrhaq khoerghaq-anr shafdawr taef-a.

2 Tiˆmoˇseˬ 2:12

Aqdui daqcoer orcoer nar-aq, aqyawf naeq-aer tiqkawv lof-aer dzoeqdzaq ya’mr taef-a. Aqdui, aqyawf-anr maq hageuf nar-aq, aqyawf khawf aqdui-anr maq hageuf-ar.

1 Yoˇhaˬ 2:23

Zaqyo-anr khar byaerdzae-eu ghaq-aq, Aqda Miqyaer-anr maqtaf-a. Ngar, Zaqyo-anr jan ma laer aer-eu ghaq-aq, Aqda Miqyaer-anr khawf taf-eu mae.

1 Yoˇhaˬ 2:28

Ngar gaq-eu zaqdeuq-or! Nawmaf, Kali-euq lafkhoer jawr-awq. Aqyawf-euq lafkhoer jawr nar-aq, aqyawf dovle ngae, aqdui nuima zifdanni ghae-awr, aqyawf oe ngae, aqyawf-euq maeqshi maqya shafdawr-ar.

Panmaeq 3:8

“Ngar, nawq nae mr-euq jeq-anr siqnya ma. Hawsher-eq. Ngar, tsawrhaq tiqghaq-iq maq piqtaeq nya-eu larghov tiqghov, nawq-euq maeqshi pantaq-euq ma. Nawr ghaq uicuiv taef-aer anr-eu khawf, ngaq-euq dawq-anr narhaq geuf-awr ngaq-euq tsawrmyanr-anr maq byaerdzae-aq.