Luˇkaꞈ 12:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawmaf, aqsur ghaq-anr guv paq-aer ghae-eu la laer ngar, nawmaf-anr panmaeqnaeq nyar. Lavsaef-awr shiqbuir lanma-anr biqanr nya-eu aryaq jav-eu ghaq-anr guv-awq. Ngar, nawmaf-anr aernaeq nyar, aqyawf-anr guv-awq!

Akha

⁵ Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Luˇkaꞈ 12:5 ပူးပေါင်းရင်းမြစ်များ

Jaceuq 9:17

Miqyaer-anr ngaer-euq tsawrjeuq dawqtawvluf hawr-eu tsawrcawv deuq khawf shiqbuir lanma-anr ya’ir taef-a.

Dawqdaq 14:26

Ya’we Miqyaer-anr guv-eu jeq-euq lafkhoer, Tsawrhaq tiq ghaq, zifdanni ghae-eu yawduq baw-eu jeq jav-awr, Aqyawf-euq zaqdeuq caevzafkhar za-eu mae.

Maꞈtehˬ 10:28

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Maꞈtehˬ 5:22

Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Maˬkuˆ 13:23

Khoermirnae, nawmaf yanr-awq de-eq. Garkawv maq pyeuflar-euq minav-aer, ngar, nawmaf-anr yawqjeq navluf aernaeq jir-euq ma.

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

HeˬByehˇ 10:31

Daefluf-eu Miqyaer-euq aqlaf-euq lafkhoer ya ga’ur-eu-aq, guvlar paq-aer ghae-eu jeq pyeuf-eu mae.

2 Beˬtuˆluˆ 2:4

Iqbax mr-euq mqtav ghaqkhaer deuq-anr khawf Miqyaer maq taqnaeq-aer, aqyawf maf-anr yarkhaq dar-eu gharduq, shiqbuir lanma-anr taeka ghae-awr, zanrtsuini ghae-eu lafkhoer, aqyawf maf-anr shmrcav nae paftaq-euq mae.

Panmaeq 14:7

Aqyawf, tersar yawkhav khav-aer aer-eu, “Miqyaer-anr guv-awr, aqyawf-anr ciqhuiq ciqmanr-awq. Aqjeq mirnae aernar-aq, aqyawf yarkhaq dar-eu aryamq keuvle-euq mae. Mq hawr-eu mir, iqmalavshav hawr-eu ircuf irbyoe deuq-anr bae-euq ghaq-anr uqduq tanq-awq.”

Panmaeq 15:4

Sanqpaq Miqyaer-or! Nawq-anr maqguv-aer, Nawq-euq tsawrmyanr-anr maq ciqhuiq-eu aqsur ghaq jawr-eu la? Aqjeq mirnae aernar-aq, nawr, tiq ghaq taef-aer yawshawr mae. Mirkhanq-euq tsawrjeuq dawqtawvluf, Nawq-euq maeqshi lar-awr uqduq tanqlar taef-a. Aqjeq mirnae aernar-aq, nawq nae dar-euq lof-aer byacaevni dovlar-euq mae.”

Panmaeq 20:14

Khoerngae, shir-eu jeq hawr-eu shir-eu mirkhanq khawf, miqdzaq-euq lan-euq lafkhoer bi bafpuf-euq mae. Heu-aq, nyiq pov tiqpov shir-eu jeq pyeuf-eu mae.