Luˇkaꞈ 12:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ “Ngaq-euq cawqdeuq-or! Ngar, nawmaf-anr aernaeq nyar, mawrdo-anr lavsaef nya-eu khawf, khoertaf-aer tiqjeq-iq maq janrnya-eu deuq-anr taqguv.

Akha

⁴ “Ngaˬ-euˬ cawˬ deuˬ-oˇ, ngaˇ ehˇ nehˬ nyaˇ. Gʼawˇ mawˇ-ahˇ sehꞈ nya kʼawꞈ, kʼoeˇ uˬ taꞈ-ehˇ tiˬ jeˬ-iˬ maˬ jahˇ laˇ nya-eu deuˬ-ahˇ taˬ guˆ.

Luˇkaꞈ 12:4 ပူးပေါင်းရင်းမြစ်များ

Dawqdaq 29:25

Tsawrhaq-anr guv-eu jeq-aq, tanrpaf lar-eu lanrju pyeuf-eu mae. Aerkhawf, Ya’we Miqyaer-anr, ghoe-eu tsawrhaq-aq, yabuq-ir taef-a.

Maꞈtehˬ 10:28

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Yoˇhaˬ 15:13

Tsawrhaq tiq ghaq, yawqha-euq cawq-euq gharduq, yawqha-euq zir shirdan-eu navmaqtser huiqdzaeq-eu tsawrhaq-euq gaq-eu jeq maqjav-a.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Gʼaˬkʼehˇ 4:13

Aqyawfmaf, Beqtuvluv hawr-eu Yorhaq nuima khaqduqni ghae-eu gar ya’mawr-awr, sanqbof maq dzawhaw-aer, mrdzaw maqdzaw-euq tsawrhaq mae laer parya siq ngae zanqler-eu mae. Khoerngae, aqyawf nyaf-aq, Yeqsur naeq-aer jawr-euq mirnae ngar-a laer, aqyawf maf-anr noeqdov ler-euq mae.

Piˇliˇpiˆ 1:28

Aqgeu dzerdzaq-anr maqkaq, nawmaf-anr muir-eu deuq-anr taqguv. Maqguv nar-aq, aqyawfmaf cawv-ir-awr, nawmaf-aq, Miqyaer-anr nae dovle-euq kakhof-eu jeq za-euq nga laer byacaevni mawrlar taef-a.

Yaˬkoˆ 2:23

“Aqbyaqhaq, Miqyaer-anr jan-eu mirnae, aqyawf-anr tsaq-awr dawr-eu tsawrhaq laer sawxnaeq-euq mae,” (Adb 15:6) laer aertaq-euq Yaerbof khoerdawq byanlar-euq mae. Khoeruqtaf, aqyawf-anr Miqyaer-euq cawq laer khawf kur-eu mae.

1 Beˬtuˆluˆ 3:14

Aerkhawf, nawmaf tsaq-awr dawr-eu jeq mr-eu baqda’nae shaqzanq-anr yadaq-eu ngeur nar-aq, guiqlanqhuiq taef-a. “Aqyawfmaf guvtsiq nyaeflar-eu gar taq tsawqguv-ir, khanq khawf taqlanr.”

Panmaeq 2:10

Nawr yadaq-eu laer ghae-eu shaqzanq deuq-anr taqguv. Naef sanqpaq-aq, nawmaf-anr tsermr haw-eu laer nawmaf tiqpavnav deuq-anr kuv-anr nyaefur-awr, tser nan byanni khaeq-awr khav-eu gar yadaq taef-a. Nawr shir ngae keuvni sarjax zif-awq. Zif nar-aq, ngar, nawq-anr daef-eu jeq-euq shuir uqkhov bif ma.